សម្តេចតេជោ ទម្លា.យ៨ចំណុចរបស់ប្រទេសថៃរួមមានលោក ថាក់ស៊ីន ស៊ីណាវ៉ាត កុហកធ្វើឈឺ
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានទម្លាយរឿងសម្ងាត់ចំនួន៨ចំណុចរបស់ប្រទេសថៃ មានក្រុមគ្រួសារលោក ថាក់ ស៊ីន…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានទម្លាយរឿងសម្ងាត់ចំនួន៨ចំណុចរបស់ប្រទេសថៃ មានក្រុមគ្រួសារលោក ថាក់ ស៊ីន ស៊ីណាវ៉ាត អតីត នាយករដ្ឋមន្ត្រីថៃ ក្នុងនោះក៏មានករណីលោកកុហក ធ្វើជាឈឺផងដែរ ។
ថ្លែងចេញពីទឹកដីខេត្តព្រះវិហារជាប់ព្រំដែនថៃក្នុងពិធីអញ្ជើញសំណេះសំណាលជាមួយសមាជិកក្រុមប្រឹក្សាខេត្ត ក្រុង ស្រុក ឃុំ សង្កាត់ ក្នុងខេត្តព្រះវិហារ នាព្រឹកថ្ងៃទី២៧ ខែមិថុនា ឆ្នាំ២០២៥ សម្តេចតេជោ ហ៊ុនសែន ទម្លាយរឿងសម្ងាត់របស់ក្រុមគ្រួសារលោក ថាក់ ស៊ីន ស៊ីណាវ៉ាត ជូនចំពោះប្រជាជនថៃផង ពិសេសថ្នាក់ដឹកនាំ និងក្រុមគ្រួសារលោក ថាក់ស៊ីន ស៊ីណាវ៉ាត ចំនួន៨ចំណុច ត្រូវបានលាតត្រដាងដែលបានបង្ហាញពីកលល្បិច និងភាពគគ្លើ.នចំពោះសម្តេចតេជោ និងរាជរដ្ឋាភិបាលកម្ពុជា ពិសេសផលប្រយោជន៍នៃប្រជា ជនប្រទេសទាំងពីរ គឺកម្ពុជា និងថៃ ។
សម្តេចតេជោ បានលើកលើកឡើងថា ករណីទាំង៨ រួមមាន ៖ ១. ករណីនៃការបែកធ្លាយ នៃការសន្ទនាតាមទូរស័ព្ទរបស់សម្តេចតេជោ និងនាយករដ្ឋមន្ត្រីថៃ ២. ករណីរឿងការចោ ទអំពីការឆបោកតាមអនឡាញ ៣. ករណីការគំរាមពីថៃ និងយន្តការរបស់កម្ពុជា ឆ្លើយតបនឹងបញ្ហាអគ្គិសនី និងអ៊ីនធើណែត គឺកាត់ផ្តាច់តែម្តង ៤. ការគំរាមលើប្រេង និងឧស្ម័នរបស់ថៃ ហើយកម្ពុជាបានធ្វើការផ្តាច់ការនាំចូលទាំងស្រុង ៥. ករណីពលករខ្មែរដែលធ្វើការនៅថៃ ៦. ករណីរឿងផែនការរៀបចំការរុះរើគណ:រដ្ឋមន្ត្រីថៃពីសំណាក់នាយករដ្ឋមន្ត្រីថៃ ៧.ករណីរឿងជំងឺរបស់លោកថាក់ស៊ីន គឺកុហក គ្មានឈឺអ្វីទាំងអស់ និង៨. ករណីនៃការគេចខ្លួនរបស់យីងឡាក់កន្លងទៅ ។
ចំពោះ៨ ករណីខាងលើ ពិតណាស់នឹងផ្តល់ការរញ្ជួយថៃជាក់ជាមិនខាន តែនៅខ្វះរឿងប្រមាថព្រះមហាក្សត្រមួយទៀត សម្តេចតេជោ នៅមិនទាន់បានលើកឡើងទេ ដោយទុកជូនភាគីថៃ ប្រសិនបើចង់ដឹងអាចបញ្ជូនបេសកជនមកស្តាប់ពីសម្តេចតេជោផ្ទាល់តែម្តងក៏បាន ។
សម្ដេចតេជោ ទម្លាយថា លោក ថាក់ស៊ីន សម្ដែងធ្វើជា «គ្រុនញាក់ គ្រុនញ័រ គ្រុនត្រាក់ទ័រ គ្រុនឡាន គ្រុនបាយបាន គ្រុនសម្ដែង» ដើម្បីគេចផុតពីដំណើរការក្ដីនៅតុលាការលើសំណុំរឿងជាច្រើន ។
សម្ដេចតេជោ ទម្លាយថា នៅពេលសម្ដេចទៅសួរសុខទុក្ខថាក់ស៊ីន កាលពីថ្ងៃទី២១ ខែកុម្ភៈ ឆ្នាំ២០២៤ លោក ថាក់ស៊ីន គ្មានឈឺជំងឺអ្វីឡើយ ប៉ុន្តែពេលថតរូបជាមួយសម្ដេច បែរជាយកសម្ភារៈអ្នកជំងឺមកពាក់បំភាន់ភ្នែកពលរដ្ឋ និងសមត្ថកិច្ចថៃ ។ សម្ដេចបន្តថា ពេលដែលសម្ដេចទៅសួរសុខទុក្ខថាក់ស៊ីន សម្ដេចមិនដឹងទាល់តែសោះថា បុគ្គលនេះសម្ដែងធ្វើជាឈឺ ។
សម្ដេចតេជោ ទម្លាយថា មូលហេតុដែលសម្ដេចទើបទម្លាយនៅពេលនេះ គឺព្រោះតែពេលសម្ដេចដឹងភ្លាមៗ សម្ដេចគោរពគុណធម៌ ទើបមិនទម្លាយ ហើយមូលហេតុដែលទម្លាយនៅ ពេលនេះ គឺដោយសារតែកូនស្រីរបស់ថាក់ស៊ីន ជានាយករដ្ឋមន្ត្រីខ្វះគុណធម៌ ។ សម្តេចតេជោ បានបញ្ជាក់ថា ៖«យើងមិនស្អប់ថៃទេ តែថៃខ្លួនឯង ចេញពីមួយក្រុមតូចបានក្បត់ និងរៀបចំផែនការអាក្រក់ ហើយប្រមាថមកថ្នាក់ដឹកនាំ និងប្រជាជនកម្ពុជា ដូចនេះអ្នកក៏ សាមសមនឹងទទួលលទ្ធផលនៃការបែកបាក់នេះ ហើយសាកសមចំពោះមនុស្សដែលរមើលគុណផងដែរ» ។
សម្តេចេជោ បានលើកឡើងថា កម្ពុជាត្រូវការមិត្តប្រកបដោយភាពស្មើភាព ឈរលើកិច្ចសហប្រតិបត្តិខ្ពស់ បម្រើផលប្រយោជន៍ប្រជាជាតិទាំងពីរ និងអធិបតេយ្យភាព បូរណភាពទឹកដី ហើយមិនឈ្លានពាន ឬប្រើល្បិចកលបម្រើផែនការណាមួយរបស់ខ្លួនដាច់ខាត ៕
ចែករំលែកព័តមាននេះ