រាជធានីភ្នំពេញ ៖ កងទ័ពជើងទឹក មូលដ្ឋានសមុទ្ររាម ប្រកាសធ្វើលំហាត់បាញ់គ្រាប់ពិត លើផ្ទៃសមុទ្រ ចន្លោះកោះពូលូវ៉ៃ និងកោះតាង ចាប់ពីថ្ងៃទី១១ ដល់ថ្ងៃទី១៣…
រាជធានីភ្នំពេញ ៖ កងទ័ពជើងទឹក មូលដ្ឋានសមុទ្ររាម ប្រកាសធ្វើលំហាត់បាញ់គ្រាប់ពិត លើផ្ទៃសមុទ្រ ចន្លោះកោះពូលូវ៉ៃ និងកោះតាង ចាប់ពីថ្ងៃទី១១ ដល់ថ្ងៃទី១៣ ខែមិថុនា ឆ្នាំ២០២៥ ខាងមុចនេះ ។
យោងតាមសេចក្តីជូនដំណឹងរបស់កងទ័ពជើងទឹក នៅថ្ងៃទី០៣ ខែមិថុនា ឆ្នាំ២០២៥ បានប្រកាសថា មូលដា្ឋនសមុទ្ររាម កងទ័ពជើងទឹក នៃកងយោធពលខេមរភូមិន្ទ សូមជម្រាបជូនដំណឹងដល់អាជ្ញាធររដ្ឋបាលខេត្តព្រះសីហនុ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋ និងប្រជានេសាទទាំងអស់ ឲ្យបានជ្រាបថា ៖ មូលដ្ឋានសមុទ្ររាម កងទ័ពជើងទឹក នៃកងយោធពលខេមរភូមិន្ទ នឹងរៀបចំកម្មវិធីហ្វឹកហ្វឺនបាញ់គ្រាប់ពិត នៅលើដែនសមុទ្រ នៃព្រះរាជាណាចក្រកម្ពុជា ស្ថិតនៅចន្លោះកោះពូលូវ៉ៃ និងកោះតាង ភូមិសាស្ត្រខេត្តព្រះសីហនុ ចាប់ពីថ្ងៃទី១១ ដល់ថ្ងៃទី១៣ ខែមិថុនា ឆ្នាំ២០២៥ ។
សេចក្តីដូចបានជម្រាបជូនខាងលើ សូមបណ្តាស្ថាប័ន អង្គភាពពាក់ព័ន្ធ ជាពិសេសបងប្អូនប្រជាពលរដ្ឋ ប្រជានេសាទ មេត្តាជ្រាប និងកុំមានការភាន់ច្រឡំ ពេលមានលឺសំឡេងកាំភ្លើង រួមជាមួយការចល័តកងទ័ព នាវាចម្បាំង នៅលើផ្ទៃសមុទ្រ និងសូមកុំធ្វើដំណើរឆ្លងកាត់ ឬនេសាទ ជុំវិញតំបន់ហ្វឹកហ្វឺនបាញ់គ្រាប់ពិតនេះ ដើម្បីជៀសវាងការបង្កគ្រោះថ្នាក់ ឬហានិភ័យណាមួយ ជាយថាហេតុ ។
ដូចបានសេចក្ដីជម្រាបជូនខាងលើនេះ សូមអាជ្ញាធរដែនដី គ្រប់លំដាប់ថ្នាក់ កងកម្លាំងមានសមត្ថកិច្ច គ្រប់ប្រភេទ ប្រធានមន្ទីរ អង្គភាពជុំវិញខេត្ត សូមជួយផ្សព្វផ្សាយដល់បងប្អូនប្រជាពលរដ្ឋ សាធារណជនជាពិសេសបងប្អូនប្រជានេសាទ ឲ្យបានជ្រាបយ៉ាងទូលំទូលាយ និងសហការអនុវត្តឲ្យមានប្រសិទ្ធភាពខ្ពស់ ៕
ចែករំលែកព័តមាននេះ