រាជធានីភ្នំពេញ ៖ កម្លាំនគរបាល នៃអធិការដ្ឋានខណ្ឌកំបូល បានឃាត់ម៉ូតូបំពាក់ស៊ីម៉ាំងកែច្នៃ(សំឡេងលាន់ឮខ្លាំង) បានចំនួន១០គ្រឿង កាលពីព្រឹកថ្ងៃទី៣១ ខែឧសភា ឆ្នាំ២០២៥ នៅតាមផ្លូវជាតិលេខ៤…
រាជធានីភ្នំពេញ ៖ កម្លាំនគរបាល នៃអធិការដ្ឋានខណ្ឌកំបូល បានឃាត់ម៉ូតូបំពាក់ស៊ីម៉ាំងកែច្នៃ(សំឡេងលាន់ឮខ្លាំង) បានចំនួន១០គ្រឿង កាលពីព្រឹកថ្ងៃទី៣១ ខែឧសភា ឆ្នាំ២០២៥ នៅតាមផ្លូវជាតិលេខ៤ សង្កាត់កន្ទោក ខណ្ឌកំបូល រាជធានីភ្នំពេញ ។
នគរបាលបានប្រាប់ថា កិច្ចការខាងលើនោះ ធ្វើឡើងដោយអនុវត្តតាមផែនការដឹកនាំ និងបញ្ជារបស់លោកឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដែលបានដាក់ចេញនាវេលាយប់ថ្ងៃទី៣០ ខែឧសភា ឆ្នាំ២០២៥ ឲ្យបង្ក្រាបលើការប្រើប្រាស់ម៉ូតូបំពាក់ស៊ីម៉ាំងកែច្នៃ បំពងសំឡេងលាន់ឮខ្លាំង តាមដងផ្លូវ រំខានដល់ការរស់នៅរបស់ប្រជាពលរដ្ឋ ។
នគរបាលបានបញ្ជាក់ប្រាប់ទៀតថា នៅក្នុងប្រតិបត្តិការនោះដែរ កម្លាំងអធិការដ្ឋាននគរបាលខណ្ឌកំបូល ធ្វើការឃាត់ម៉ូតូបានចំនួន១០គ្រឿង រួមមាន ៖
១-ម៉ូតូម៉ាក Honda Scoopy ស៊េរីឆ្នាំ២០២២ ពណ៌ខ្មៅ ពាក់ស្លាកលេខ ភ្នំពេញ 1Kl-3215
២-ម៉ូតូម៉ាក Honda CRF ពណ៌ខ្មៅ ស៊េរីឆ្នាំ២០១៩ ពាក់ស្លាកលេខ ភ្នំពេញ1 LQ 9238
៣-ម៉ូតូម៉ាកYamaha Exciter ពណ៌ផ្កាឈូក ពាក់ស្លាកលេខ ភ្នំពេញ 1HL-5091
៤-ម៉ូតូ ម៉ាក Yamaha Exciter ពណ៌ ស លាយខ្មៅ ស៊េរីឆ្នាំ២០១៦ គ្មានស្លាកលេខ
៥-ម៉ូតូម៉ាក Honda vorio ពណ៌កាប់ស្តាំង ស៊េរីឆ្នាំ២០២៤ ពាក់ស្លាកលេខ ភ្នំពេញ 1LH-8674
៦-ម៉ូតូម៉ាកហុងដាសូនិច ពាក់ស្លាកលេខ បន្ទាយមានជ័យ 1C-5557
៧-ម៉ូតូម៉ាក ហុងដាSLពណ៌ក្រហមលាយខ្មៅ គ្មានស្លាកលេខ
៨-ម៉ូតូ ម៉ាក Honda Wave ពណ៍ស ពាក់ស្លាកលេខ ភ្នំពេញ 1CJ-6260
៩-ម៉ូតូម៉ាក YAMAHA MZLAS ពណ៍ ប្រផេះ ស៊េរីឆ្នាំ២០១៨ ពាក់ស្លាកលេខ ភ្នំពេញ 1JG-9428
និង១០-ម៉ូតូម៉ាក Yamaha Exciter ពណ៌ខ្មៅលាយស្វាយ ពាក់ស្លាកលេខ ភ្នំពេញ 1KR-5873 ។
នគរបាល បានប្រាប់បន្ថែមទៀតថា ក្រោយពេលឃាត់ម៉ូតូនោះរួច កម្លាំងអធិការដ្ឋាននគរបាលខណ្ឌកំបូល បានធ្វើការណែនាំអប់រំ និងឲ្យម្ចាស់ធ្វើកិច្ចសន្យាបញ្ឈប់ការដាក់ស៊ាំម៉ាំងប្រែន ឬស៊ីម៉ាំងកែច្នៃបន្តទៀត និងតម្រូវឲ្យយកបំពង់ស៊ីម៉ាំងដើមរបស់ម៉ូតូ ទៅដោះដូរ ទើបប្រគល់ម៉ូតូឲ្យយកត្រលប់ទៅផ្ទះវិញ ៕
ចែករំលែកព័តមាននេះ