ADផ្ទាំងផ្សព្វផ្សាយពាណិជ្ជកម្ម

Picture

ច្រក​ទ្វារ​ព្រំដែន​ចំនួន​៤​កន្លែង​​ជាប់​ព្រំដែន​កម្ពុជា​-​​​ថៃ​រវាង​ខេត្តបន្ទាយមានជ័យ​និង​ខេត្ត​ស្រះកែវបើក​ដំណើរការ​ជា​ធម្មតា​

3 ថ្ងៃ មុន
  • បន្ទាយមានជ័យ

ខេត្ត​បន្ទាយ​មាន​ជ័យ ​៖​ ច្រក​ទ្វារ​ព្រំដែន​ចំនួន​៤​កន្លែង​បើក​ដំណើរការ​ជា​ធម្មតា​ដែល​ជាប់​ព្រំដែន​កម្ពុជា​-ថៃ​ រវាង​ខេត្តបន្ទាយមានជ័យ​និង​ខេត្ត​ស្រះ​កែវ ​រហូត​ថ្ងៃ​ទី​០១ ខែមិថុនា ឆ្នាំ​២០២៥​។ ច្រក​ទ្វារ​ព្រំដែន​ចំនួន​៤​កន្លែង​មាន​ច្រក​អន្តរជាតិ​ចំនួន​២​កន្លែង​ច្រក​តំបន់​ព្រំដែន​ចំនួន​២​កន្លែង នៅ​បើក​ដំណើរ​ជា​ធម្មតា​ដែល​ជាប់​ព្រំដែន​កម្ពុជា​.​ថៃ​ក្នុងភូមិ​សា​ស្គ្រ​ខេត្តបន្ទាយមានជ័យ​និង​ខេត្ត​ស្រៈ​កែវ ក្រោយ​កាសែត​ថៃ​បាន​ផ្សព្វផ្សាយ​ភាគី​ថៃ​ត្រូវ​បាន​បិត​ច្រកព្រំដែន​កម្ពុជា​និង​ថៃ​ចំនួន​៦​កន្លែង​និង​ប៉ុស្តិ៍​ត្រួតពិនិត្យ​បណ្តុះ​អាសន្ន​ចំនួន​១០​ច្រក​។…

ខេត្ត​បន្ទាយ​មាន​ជ័យ ​៖​ ច្រក​ទ្វារ​ព្រំដែន​ចំនួន​៤​កន្លែង​បើក​ដំណើរការ​ជា​ធម្មតា​ដែល​ជាប់​ព្រំដែន​កម្ពុជា​-ថៃ​ រវាង​ខេត្តបន្ទាយមានជ័យ​និង​ខេត្ត​ស្រះ​កែវ ​រហូត​ថ្ងៃ​ទី​០១ ខែមិថុនា ឆ្នាំ​២០២៥​។

ច្រក​ទ្វារ​ព្រំដែន​ចំនួន​៤​កន្លែង​មាន​ច្រក​អន្តរជាតិ​ចំនួន​២​កន្លែង​ច្រក​តំបន់​ព្រំដែន​ចំនួន​២​កន្លែង នៅ​បើក​ដំណើរ​ជា​ធម្មតា​ដែល​ជាប់​ព្រំដែន​កម្ពុជា​.​ថៃ​ក្នុងភូមិ​សា​ស្គ្រ​ខេត្តបន្ទាយមានជ័យ​និង​ខេត្ត​ស្រៈ​កែវ ក្រោយ​កាសែត​ថៃ​បាន​ផ្សព្វផ្សាយ​ភាគី​ថៃ​ត្រូវ​បាន​បិត​ច្រកព្រំដែន​កម្ពុជា​និង​ថៃ​ចំនួន​៦​កន្លែង​និង​ប៉ុស្តិ៍​ត្រួតពិនិត្យ​បណ្តុះ​អាសន្ន​ចំនួន​១០​ច្រក​។

លោក វ៉ា​ន់ ដា​រ៉ា​ន់ ប្រធាន​ស្នាក់​ការ​ត្រួតពិនិត្យ​ច្រក​ទ្វារ​អន្តរជាតិ​ប៉ោយ​ប៉ែ​ត​បាន​ប្រាប់​ថា​៖​ដោយឡែក​ច្រក​ទ្វារ​អន្តរជាតិ​ប៉ោយ​ប៉ែ​ត និង​ច្រក​អន្តរជាតិ​ស្ទឹង​បត់​ដែល​ស្ថិត​ក្នុងភូមិ​សា​ស្គ្រ​ក្រុង​ប៉ោយ​ប៉ែ​ត គឺ​ដំណើរ​ជា​ធម្មតា ដូច​ជា​ច្រក​ទ្វារ​អន្តរជាតិ​ប៉ោយ​ប៉ែ​ត ជា​ច្រក​សម្រាប់​ភ្ញៀវ​ជាតិ​និង​អន្តរជាតិ​ចេញ​.​ចូល​និង​ច្រក​អន្តរជាតិ​ស្ទឹង​បត់​សម្រាប​រថយន្ត​ដឹក​ទំនិញ​ចេញ​.​ចូល​ជា​ធម្មតា​។

លោក ស សំណាង ប្រធាន​ស្នាក់​ការ​ត្រួតពិនិត្យ​ច្រក​ទ្វា​តំបន់​ព្រំដែន​ម៉ា​ឡៃ​បាន​ប្រាប់​ថា​៖​ច្រក​ទ្វារ​តំបន់​ព្រំដែន​ម៉ា​ឡៃ​ដែល​ស្ថិត​ស្រុក​ម៉ា​ឡៃ​គឺ​ច្រក​សម្រាប់​ដោះ​ដូរ​ទំនិញ​រវាង​កម្ពុជា​.​ថៃ​ហើយ​ភាគច្រើន​ទំនិញ​ថៃ​ដែល​នាំ​ចូល​មក​កម្ពុជា​មាន​គ្រឿង​បរិភោគ​និង​គ្រឿង​ចំណង់​ហើយ​ប្រជាពលរដ្ឋ​ចេញ​.​ចូល​ធ្វើការ​តាម​បន្ទាត់​ព្រំដែន​ទៅ​ព្រឹក​វិល​ល្ងាច​ជា​ធម្មតា​។

លោក ស៊ី​ង សេង​ហឹ​ង ប្រធាន​ស្នាក់​ការ​ត្រួតពិនិត្យ​ច្រក​ទ្វារ​តំបន់​ព្រំដែន​បឹង​ត្រកួន​បាន​បញ្ជាក់​ថា​៖​ច្រក​ទ្វារ​ព្រំដែន​បឹង​ត្រកួន​ដែល​ស្ថិត​ស្រុក​ថ្មពួក​គឺ​បើក​ដំណើរ​ជា​ធម្មតា​ដែល​មាន​ទំនិញ​ចេញ​.​ចូល​ដូច​ជា​ទំនិញ​កម្ពុជា​ទៅ​ថៃ​មាន​ដំឡូង​មី​សើម​និង​ស្ងួត​ដែល​ឈ្មួញ​ថៃ​ចូល​មក​ទិញ​និង​ទំនិញ​ថៃ​ចូល​មក​កម្ពុជា​មាន​ទំនិញ​បរិភោគ​និង​ទំនិញ​ប្រភេទ​គ្រឿងសំណង់​។

អគ្គ​កុងស៊ុល​កម្ពុជា​ប្រចាំ​ខេត្ត​ស្រៈ​កែវ​ប្រទេស​ថៃ​បាន​ជម្រាប​ជា​ដំណឹង​ថា​៖​ច្រក​ទ្វារ​ព្រំដែន​កម្ពុជា​.​ថៃ​គឺ​បើក​ដំណើរ​ជា​ធម្មតា​ដែល​មន្ត្រី​ទំនាក់ទំនង​ថៃ​.​កម្ពុជា​នៃ​ទីចាត់ការ​ការងារ​ព្រំដែន​និង​ជា​មន្ត្រី​អន្តោប្រវេសន៍​ខេត្ត​ស្រៈ​កែវ​បាន​ប្រាប់​អោយ​ដឹង​ថា​ពុំ​មាន​បទបញ្ជា​ថ្នាក់លើ​អោយ​បិទ​​ច្រក​ទ្វារ​ឆ្លងកាត់​ណាមួយ​ដូច​កាសែត​ថៃ​បាន​ចុះ​ផ្សាយ​នោះ​ទេ​៕

អត្ថបទសរសេរ ដោយ

កែសម្រួលដោយ