មេបញ្ជាការយោធភូមិភាគពិសេស ជួបសំណេះសំណាល យុវជនស្ម័គ្រចិត្តចូលបម្រើកងទ័ព បំពេញក្របខ័ណ្ឌឲ្យកងទ័ពជើងគោក
រាជធានីភ្នំពេញ ៖ នៅព្រឹកថ្ងៃសៅរ៍ ទី៣១ ខែឧសភា ឆ្នាំ២០២៥ នៅទីបញ្ជាការតំបន់ប្រតិបត្តិការសឹករងកណ្តាល ឧត្តមសេនីយ៍ឯក ពូ សាប៊ុតឌី…
រាជធានីភ្នំពេញ ៖ នៅព្រឹកថ្ងៃសៅរ៍ ទី៣១ ខែឧសភា ឆ្នាំ២០២៥ នៅទីបញ្ជាការតំបន់ប្រតិបត្តិការសឹករងកណ្តាល ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជាការយោធភូមិភាគពិសេស និងជាប្រធានអនុគណៈកម្មការជ្រើសរើសយុវជនស្ម័គ្រចិត្ត ចូលបម្រើកងយោធពលខេមរភូមិន្ទ បំពេញឲ្យក្របខណ្ឌយោធភូមិភាគពិសេស កងទ័ពជើងគោក បានអញ្ជើញជួបសំណេះសំណាល និងផ្ដាំផ្ញើដល់យុវជនស្ម័គ្រចិត្ត ចូលបម្រើកងយោធពលខេមរភូមិន្ទ ទិសយោធភូមិភាពពិសេស បំពេញក្របខ័ណ្ឌឱ្យកងទ័ពជើងគោក ។
ឧត្តមសេនីយ៍ឯក ពូ សាប៊ុតឌី បានរំលឹកដល់ក្មួយៗ ទាំងអស់ ដែលបានជាប់ឈ្មោះជាកងយោធពលខេមរភូមិន្ទ ត្រូវអនុវត្តឲ្យបាននូវបទបញ្ជារបស់សាលា និងលក្ខន្តិកទូទៅរបស់កងយោធពលខេមរភូមិន្ទ ជាពិសេស ត្រូវស្ដាប់គ្រូឧទ្ទេសនាមមេរៀន ដើម្បីយកទៅអនុវត្តក្រោយពេលបញ្ចប់វគ្គ។ សង្ឃឹមថា ក្រោយបញ្ចប់វគ្គក្មួយៗ ទទួលបានលទ្ធផលល្អ និងយកចំណេះដឹងទៅបម្រើជាតិមាតុភូមិ។ ត្រូវជៀសឲ្យផុតពីគ្រឿងញៀន ព្រោះគ្រឿងញៀន ត្រូវយកចិត្ដទុកដាក់ បង្កើនសមត្ថភាពរបស់ខ្លួនឱ្យកាន់តែស្ទាត់ជំនាញ ដើម្បីរួមចំណែកកសាងធនធានមនុស្សក្នុងជួរកងយោធពលខេមរភូមិន្ទ ឱ្យកាន់តែមានគុណភាព និងប្រសិទ្ធភាព ក្នុងបុព្វហេតុពង្រឹងខឿនការពារជាតិ។ ត្រូវស្មោះត្រង់ដាច់ខាតជាមួយ ជាតិ សាសនា ព្រះមហាក្សត្រ ហ៊ានពលីកម្មចំពោះជាតិ មាតុភូមិ និងប្រជាជន ៕
ចែករំលែកព័តមាននេះ