ទីក្រុងញូយ៉ក៖ ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ លោកវ៉ាស៊ីលី នេបឹនហ្សៀ (Vassily Nebenzia) ថ្លែងនៅមុខក្រុមប្រឹក្សាសន្តិសុខថារដ្ឋាភិបាលរបស់លោកនឹងពិចារណាទទួលយកសំណើនៃបទឈប់បាញ់ ហើយនឹងឈានដល់ការចរចាសន្តិភាពជាស្ថាពរ។ ប៉ុន្តែលោកសូមបញ្ជាក់ថាទីក្រុងម៉ូស្គូសូមទាមទារ២ចំណុច ទី១-ក្រុមបស្ចិមប្រទេសត្រូវឈប់ផ្ដល់អាវុធទៅឱ្យអ៊ុយក្រែន…
ទីក្រុងញូយ៉ក៖ ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ លោកវ៉ាស៊ីលី នេបឹនហ្សៀ (Vassily Nebenzia) ថ្លែងនៅមុខក្រុមប្រឹក្សាសន្តិសុខថារដ្ឋាភិបាលរបស់លោកនឹងពិចារណាទទួលយកសំណើនៃបទឈប់បាញ់ ហើយនឹងឈានដល់ការចរចាសន្តិភាពជាស្ថាពរ។ ប៉ុន្តែលោកសូមបញ្ជាក់ថាទីក្រុងម៉ូស្គូសូមទាមទារ២ចំណុច ទី១-ក្រុមបស្ចិមប្រទេសត្រូវឈប់ផ្ដល់អាវុធទៅឱ្យអ៊ុយក្រែន និងទី២-អ៊ុយក្រែនមិនត្រូវចល័តកងទ័ពនៅអំឡុងពេលនៃបទឈប់បាញ់។
បើទុកជាអ៊ុយក្រែន និងបស្ចិមប្រទេសយល់ព្រមទទួលយកចំណុចទាំងនេះក៏ដោយ ក៏លោកយល់ថាបទឈប់បាញ់មិនមែនជាបំណងប្រាថ្នាពិតប្រាកដដែលភាគីជម្លោះចង់បាននោះទេ។ លោកយល់ថាត្រឹមតែបទឈប់បាញ់មួយមុខមិនគ្រប់គ្រាន់ទេ។ តាមចិត្តរបស់លោក លោកយល់ថាដើម្បីសម្រេចឱ្យបានកិច្ចព្រមព្រៀមជាអចិន្ត្រៃយ៍ និងជាស្ថាពរលុះត្រាំតែអ៊ុយក្រែន និងក្រុមសម្ព័ន្ធមិត្តដោះស្រាយអ្វីដែលជាឫសគល់នៃសង្គ្រាមឱ្យចប់សព្វគ្រប់សិន។
លោកថ្លែងបន្តទៀតថាអ្វីដែលយើងស្នើសុំនៅពេលនេះគឺជួបគ្នាជាលើកទី២នៅទីក្រុងអ៊ីស្តាន់ប៊ូល ប្រទេសតួកគី នាសប្ដាហ៍ក្រោយ។ អាមេរិកមិនចង់បានដូចលើកឡើងរបស់រុស្ស៊ីទេ។ អាមេរិកចង់ឱ្យរុស្ស៊ីទទួលយកបទឈប់បាញ់ដ៏ពេញលេញមួយរយៈពេល៣០ថ្ងៃ។ មានន័យថាឈប់ផ្ទុះអាវុធទាំងស្រុងនៅគ្រប់សមរភូមិ។ កាលពីពេលជួបគ្នាលើកទី១នោះ ភាគីទាំង២មិនអាចទទួលបានលទ្ធផលគួរឱ្យកត់សម្គាល់ទេក្រៅពីយល់ព្រមដូរឈ្លើយសឹកគ្នាទៅវិញទៅមកម្ខាងៗមួយពាន់នាក់។
អ្នកការទូតអាមេរិកម្នាក់ឡើងថ្លែងនៅចំពោះមុខក្រុមប្រឹក្សាសន្តិសុខអង្គការសហប្រជាជាតិអាមេរិកក៏យល់ស្របដូចប្រទេសជាសមាជិកក្រុមប្រឹក្សាដទៃទៀតដែរគឺថារុស្ស៊ីមិនសូវខ្វាយខ្វល់អំពីបញ្ហាសន្តិភាពទេ។ រុស្ស៊ីគិតតែម៉្យាងប៉ុណ្ណោះ ធ្វើយ៉ាងណាត្រូវតែដណ្ដើមជ័យជម្នះនៅក្នុងសមរភូមិយោធា។ ឯកអគ្គរដ្ឋទូតរុស្ស៊ីថ្លែងស្រដៀងនឹងការអះអាងនេះដែរ។ រុស្ស៊ីថាបើយើង (រុស្ស៊ី) យល់ថាចាំបាច់ យើងត្រូវតែធ្វើសង្គ្រាមជាបន្តទៀតដើម្បីកម្ចាត់ចោលឱ្យអស់នូវការគំរាមកំហែងមកលើព្រំដែនរបស់យើង, កម្ចាត់ក្រុមប្រឆាំងរុស្ស៊ី និងក្រុមណាហ្ស៊ីជាន់ថ្មី។ យើ់ងមិនអនុញ្ញាតឱ្យបញ្ហានេះកើតមានជាដាច់ខាត៕
ចែករំលែកព័តមាននេះ