ខេត្តកណ្តាល ៖ ជនសង្ស័យ២នាក់ចេញពីផឹកស៊ីនៅភ្នំបាសិទ្ធ បែកគំនិតចេញឆក់ខ្សែ.កមាសទម្ងន់១តម្លឹងកន្លះពីបុរសម្នាក់ តែមិនបានសម្រេច ត្រូវម្ចាស់គេចាប់ដៃជាប់ទាញផ្តួលម៉ូតូ ក្របួចបានទាំង២នាក់ប្រគល់ឲ្យសមត្ថកិច្ច ។ ហេតុការណ៍ការបង្កភ្ញាក់ផ្អើលនេះ បានកើតឡើងកាលពីវេលាម៉ោង០៥…
ខេត្តកណ្តាល ៖ ជនសង្ស័យ២នាក់ចេញពីផឹកស៊ីនៅភ្នំបាសិទ្ធ បែកគំនិតចេញឆក់ខ្សែ.កមាសទម្ងន់១តម្លឹងកន្លះពីបុរសម្នាក់ តែមិនបានសម្រេច ត្រូវម្ចាស់គេចាប់ដៃជាប់ទាញផ្តួលម៉ូតូ ក្របួចបានទាំង២នាក់ប្រគល់ឲ្យសមត្ថកិច្ច ។ ហេតុការណ៍ការបង្កភ្ញាក់ផ្អើលនេះ បានកើតឡើងកាលពីវេលាម៉ោង០៥ និង៤៥នាទីល្ងាចថ្ងៃទី៣០ ខែឧសភា ឆ្នាំ២០២៥ ចំណុចផ្លូវបេតុងលេខ៤២ នៅភូមិមនោរម្យ ឃុំបែកចាន ស្រុកអង្គស្នួល ខេត្ដកណ្ដាល ។
សមត្ថកិច្ចបានឲ្យដឹងថា ជនរងគ្រោះមានឈ្មោះ ធុច មករា ភេទប្រុស អាយុ៤១ឆ្នាំ មុខរបរជាកសិករ រស់នៅភូមិព្រៃទន្លាប់ ឃុំបែកចាន ស្រុកអង្គស្នួល ខេត្តកណ្ដាល។ ចំណែកជនសង្ស័យទាំង០២នាក់រួមមាន ១-ឈ្មោះ ហួរ ហេង ហៅជេ ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅភូមិអង្គកែវ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ (ឃាត់ខ្លួន អ្នកឆក់ មានសារធាតុញៀនក្នុងទឹកនោម+)។
២-ឈ្មោះ ហ៊ិន បញ្ញា ភេទប្រុស អាយុ២១ឆ្នាំ មុខរបរមិនពិតប្រាកដ រស់នៅភូមិអង្គកែវ សង្កាត់ ចោមចៅ៣ ខណ្ឌពោធិ៍សែនជ័យ រាជធានីភ្នពេញ (ឃាត់ខ្លួន អ្នកឌុប មានសារធាតុញៀនក្នុងទឹកនោម+)។
ក្នុងនោះ សម្ភារបាត់បង់ ៖ ខ្សែ.ក០១ខ្សែ មានទម្ងន់ ១តម្លឹងកន្លះ (ជារបស់ជនរងគ្រោះយកបានមកវិញ)។ និង ដកហូតបានម៉ូតូមួយគ្រឿងម៉ាក Zusuki nex ផលិតឆ្នាំ២០២៥ ពណ៌ស-ខៀវ ពាក់ផ្លាកលេខ ភ្នំពេញ 1 LL-9525 ។
សមត្ថកិច្ចនគរបាលស្រុកអង្គស្នួលបានឲ្យដឹងថា នៅមុនពេលកើតហេតុជនរងគ្រោះបានជិះម៉ូតូមួយគ្រឿងចេញពីផ្ទះរបស់ខ្លួន ពេលមកដល់កន្លែងកើតហេតុ ក៏បានអែបឈប់ម៉ូតូហើយឈរនៅជិតរទេះលក់ភេសជ្ជៈក្បែរចិញ្ចើមផ្លូវ ។
ពេលនោះស្រាប់តែមានជនសង្ស័យ២នាក់ ជិះម៉ូតូមួយគ្រឿងមកពីទិសខាងជើង រួចក៏បានធ្វើសកម្មភាពឆក់ខ្សែ កពីជនរងគ្រោះ តែត្រូវបានជនរងគ្រោះចាប់ដៃជនសង្ស័យជាប់ និងទាញជនសង្ស័យទាំងពីរនាក់ដួលម៉ូតូ ។
ភ្លាមនោះជនសង្ស័យទាំង២ក៏បានទុកម៉ូតូចោលហើយរត់គេចចេញពីកន្លែងកើតហេតុ តែត្រូវបានប្រជាពលរដ្ឋស្រែកថាចោរៗ និងរាយការណ៍មកកាន់សមត្ថកិច្ច។ ក្រោយពីទទួលព័ត៌មានបានភ្លាម សមត្ថកិច្ចផ្នែកជំនាញស្រុកបានសហការរជាមួយកម្លាំងប៉ុស្ដិ៍នគរបាលរដ្ឋបាលបែកចាន ប៉ុស្ដិ៍ក្រាំងម្កា់ក ប៉ុស្ដិ៍ឆក់ឈើនាង ប្រជាការពារ និងប្រជាពលរដ្ឋ បានធ្វើការដេញឃាត់ខ្លួនបានជនសង្ស័យទាំងពីរនាក់ភ្លាមៗ រួមទាំងវត្ថុតាងបញ្ជូនទៅអធិការដ្ឋាននគរបាលស្រុកដើម្បីសួរនាំ។
នៅចំពោះមុខសមត្ថកិច្ចជនសង្ស័យទាំងពីរនាក់បានឆ្លើយសារភាពថា ខ្លួនបានជិះម៉ូតូមកពីផឹក
ស៊ីនៅភ្នំបាសិទ្ធ រួចក៏ជិះមកតាមផ្លួវបេតុង៤២ មកដល់កន្លែងកើតហេតុឃើញជនរងគ្រោះឈរប្រហែសនៅចិញ្ចើមផ្លូវ ក៏ធ្វើសកម្មភាពឆក់ខ្សែកតែមិនបានសម្រេច ហើយបន្តសារភាពថាខ្លួនបានប្រើប្រាស់ថ្នាំញៀនរយៈពេល០៤ឆ្នាំមកហើយ។
បច្ចុប្បន្ន ជនសង្ស័យ ត្រូវបានសមត្ថកិច្ចជំនាញនគរបាលស្រុកអង្គស្នួល កំពុងកសាងសំណុំបញ្ចូនខ្លួនទៅកាន់តុលាការតុលាការចាត់ការតាមនីតិវិធីច្បាប់ ៕
ចែករំលែកព័តមាននេះ