រាជធានីភ្នំពេញ ៖ តារាកំប្លែង លោក ជួង ជី ហៅកុយ បានចាប់ផ្តើមអាជីពសិល្បៈឡើងវិញជាបណ្តើរៗហើយ បន្ទាប់ពីស្ថានភាពជំងឺរបស់លោកបានវិលមកភាពល្អប្រសើរឡើងវិញ ក្រោយទទួលការព្យាបាលពីក្រុមគ្រូពេទ្យ…
រាជធានីភ្នំពេញ ៖ តារាកំប្លែង លោក ជួង ជី ហៅកុយ បានចាប់ផ្តើមអាជីពសិល្បៈឡើងវិញជាបណ្តើរៗហើយ បន្ទាប់ពីស្ថានភាពជំងឺរបស់លោកបានវិលមកភាពល្អប្រសើរឡើងវិញ ក្រោយទទួលការព្យាបាលពីក្រុមគ្រូពេទ្យ ដោយការវះកាត់សាច់ដុះក្នុងពោះវៀនធំ ។
នាយ កុយ បានចេញកាត់សក់ដោយចាប់ដៃគូជាមួយអ្នកនាង ខាត់ សុឃីម ឲ្យម្ចាស់ដើមការដែលជាម្ចាស់រោងល្ខោនមួយនាខេត្តកំពង់ចាម នៅថ្ងៃទី២៨ ខែឧសភា ឆ្នាំ២០២៥ ខណៈពេលតារាកំប្លែងជើងចាស់រូបនេះ ក៏បានបង្ហាញពីភាពស្រស់ស្រាយដូចដើមផងដែរ ។
បើតាមការលើកឡើងពីអ្នកនាង ខាត់ សុឃីម បានអះអាងថា ពេលនេះ នាយ កុយ បានដើរកាត់សក់ឡើងវិញហើយ បន្ទាប់ពីមួយរយៈចុងក្រោយនេះ មានការយល់ច្រឡំពីមហាជនមួយចំនួនថា លោកមិនអាចដើរកាត់សក់វិញបាននោះឡើយ ។
អ្នកនាងបញ្ជាក់ថា គាត់ (នាយ កុយ) ស្រួលខ្លួន សុខសប្បាយ និងអាចកាត់សក់វិញបានធម្មតា ហើយក្នុងនាមជាអ្នកសិល្បៈ និងអ្នកភ្លេងខ្មែរដូចគ្នា ហើយក៏ជាដៃគូចាស់គឺចេះតែជួយគ្នាទៅ ដោយសារឥឡូវគាត់អាចចេញសម្តែងបានវិញហើយ ។
យ៉ាងណា ក្រោយឃើញស្ថានភាព នាយ កុយ បានល្អប្រសើរ និងអាចចេញសម្តែងសិល្បៈឡើងវិញនោះ មហាជន ជាពិសេស បណ្តាអ្នកគាំទ្ររូបលោកបានសម្តែងក្តីរីករាយ និងជូនពរទៅកាន់រូបលោកឲ្យមានសុខភាពល្អ ដើម្បីផ្តល់ការកំសាន្ត និងសប្បាយរីករាយឲ្យទស្សនិកជនជាបន្តទៀត ។
ជាការកត់សម្គាល់ នាយកុយ ត្រូវបានក្រុមគ្រួសារបញ្ជូនទៅកាន់មន្ទីរពេទ្យ ដើម្បីធ្វើការវះកាត់ភ្លាមៗ ដោយសារលោកត្រូវបានក្រុមគ្រូពេទ្យពិនិត្យឃើញថា លោកមានដុះសាច់ក្នុងពោះវៀនធំ ខណៈពេលការវះកាត់នោះទទួលបានជោគជ័យ ។
យ៉ាងណា បើទោះបីជាការវះកាត់បានជោគជ័យក៏ដោយ ប៉ុន្តែលោក ជួង ជី ហៅនាយកុយ ធ្លាប់បានបញ្ជាក់ថា លោកបានធូរស្រាលហើយ ប៉ុន្តែមិនទាន់បានជាស្រឡះទេ ដោយសារមានដុំសាច់កាច ត្រូវទៅបន្តទៅពេទ្យថៃ ព្យាបាលបន្តទៀត ដោយត្រូវចាក់គីមី ។
នាយកុយបានបន្តថា ពេលនេះ សុខភាពលោកបានធូរច្រើនមែនទែន ដោយសារលោកខំហូប ដើម្បីយកសុខភាពអាចទៅចាក់គីមី បំបាត់មេរោគសាច់កាច (មហារីក) ដែលនៅក្នុងខ្លួនបាន ហើយពេលកម្ចាត់ចេញអស់ទៅនឹងជាសះស្បើយ ៕
ចែករំលែកព័តមាននេះ