រាជធានីភ្នំពេញ ៖ ក្រុមអន្តរាគមន៍ បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានស្ទាក់ចាប់ស៊ុតមាន់ជាង ២ម៉ឺនគ្រាប់ ដែលឈ្មួញលួចនាំចូលពីប្រទេសវៀតណាម ដឹកតាមរថយន្តសាំយ៉ុង…
រាជធានីភ្នំពេញ ៖ ក្រុមអន្តរាគមន៍ បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានស្ទាក់ចាប់ស៊ុតមាន់ជាង ២ម៉ឺនគ្រាប់ ដែលឈ្មួញលួចនាំចូលពីប្រទេសវៀតណាម ដឹកតាមរថយន្តសាំយ៉ុង មកលក់ចែកចាយនៅក្នុងរាជធានីភ្នំពេញ ។
ការបង្ក្រាប និងចាប់រថយន្តដឹកស៊ុតមាន់ខាងលើនេះ បានធ្វើឡើងនៅវេលាម៉ោង០៦និង៥០នាទីព្រឹកថ្ងៃទី២៦ ខែឧសភា ឆ្នាំ២០២៥នេះ នៅត្រង់ចំណុចជិតរង្វង់មូលកួរស្រូវ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។
ស៊ុតម៉ានខាងលើ មានចំនួន៨៥ដុំ (ផ្លាន) ស្មើនឹង ២៥,៥០០គ្រាប់ (ពីរម៉ឺនប្រាំពាន់ប្រាំរយគ្រាប់) ដែលឈ្មូញលួចនាំចូលពីប្រទេសវៀតណាម តាមច្រករបៀង ស្រុកគិរីវង់ ខេត្តតាកែវ ឆ្ពោះដឹកតាមរថយន្តមួយគ្រឿងម៉ាក SSANGYONG ISTANA ពណ៌លឿង ពាក់ស្លាកលេខ ភ្នំពេញ 2R-6203 មកលក់ចែកចាយនៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់ ។
ក្រោយពេលឃាត់ កម្លាំងសមត្ថកិច្ចជំនាញ បានដកហូតយករថយន្ត និងស៊ុតមាន់ទាំងនេះ នាំយកទៅរក្សាទុកនៅចត្តាឡីស័ករបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីចាត់ការទៅតាមនីតិវិធីច្បាប់ ៕
ចែករំលែកព័តមាននេះ