ខេត្តកណ្តាល ៖ បុរសម្នាក់ជិះម៉ូតូ ក្នុងល្បឿនលឿនស្របពេលមេឃរលឹមស្រិចៗ រអិលស្លាប់ទឹកប្រទ្បាយស្លាប់ ទាំងព្រឹកព្រលឹម បង្កការភ្ញាក់ផ្អើលកាលពីវេលាម៉ោង០៥ព្រឹកថ្ងៃទី២២ ខែឧសភា ឆ្នាំ២០២៥ នៅតាមបណ្តោយផ្លូវជាតិលេខ៤១…
ខេត្តកណ្តាល ៖ បុរសម្នាក់ជិះម៉ូតូ ក្នុងល្បឿនលឿនស្របពេលមេឃរលឹមស្រិចៗ រអិលស្លាប់ទឹកប្រទ្បាយស្លាប់ ទាំងព្រឹកព្រលឹម បង្កការភ្ញាក់ផ្អើលកាលពីវេលាម៉ោង០៥ព្រឹកថ្ងៃទី២២ ខែឧសភា ឆ្នាំ២០២៥ នៅតាមបណ្តោយផ្លូវជាតិលេខ៤១ ចន្លោះគីឡូម៉ែត្រ ០៤-០៥ ស្ថិតក្នុងភូមិពន្លឺ ឃុំលំហាច ស្រុកអង្គស្នួល ខេត្តកណ្ដាល ។
បើយោងតាមប្រភពព័ត៌មានពីសមត្ថកិច្ចជំនាញចរាចរណ៍ស្រុកអង្គស្នួលបានឲ្យដឹងថា មុនពេលកើតហេតុ ជនរងគ្រោះបានជិះម៉ូតូ០១គ្រឿង ម៉ាក Honda Dream C125 ពណ៌ខ្មៅ ពាក់ផ្លាកលេខ កណ្ដាល 1G-2290 បេីកបរដោយឈ្មោះ លាន់ រំ ភេទប្រុស អាយុ២៨ឆ្នាំ ជនជាតិខ្មែរ មានទីលំនៅភូមិត្នោត ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ដែលបេីកបរពីទិសខាងជេីងទៅត្បូង (ថ្នល់ទទឹង -កំពត) លុះដល់ចំណុចកេីតហេតុខាងលេី ដោយបេីកបរក្នុងល្បឿនលឿន ក្នុងស្ថានភាព មេឃកំពុងរលឹមស្រិចៗ បានរេចង្កូតមកឆ្វេង បណ្តាលឲ្យធ្លាក់ចូលប្រឡាយទឹក ស្លាប់យ៉ាងរន្ធត់ នៅនឹងកន្លែងកេីតហេតុ ។
បច្ចុប្បន្នសពត្រូវបានសមត្ថកិច្ចជំនាញប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីជាតិ ។ ចំណែកម៉ូតូត្រូវសមត្ថកិច្ចសមត្ថកិច្ចវាស់វែង យកទៅរក្សាទុករង់ចាំក្រុមក្រុមគ្រួសារមកទទួលយកវិញ ៕
ចែករំលែកព័តមាននេះ