អាមេរិកអាចនឹងទម្លាក់ពន្ធសម្រាប់ទំនិញដែលនាំចេញពីប្រទេសកម្ពុជា បើសិនជាពិនិត្យមើលស្ថានភាពជាក់ស្តែង និងជំហរកាន់តែទន់ភ្លន់របស់អាមេរិក នៅក្នុងការចរចាពន្ធកន្លងមកជាមួយចិន និងអង់គ្លេស ។ នេះ គឺជាការវិភាគមួយ ដោយផ្អែកលើអ្វីដែលកម្ពុជាបានធ្វើ និងអ្វីជាការប្រែប្រួលជំហរអាមេរិកក្នុងខែឧសភានេះ…
អាមេរិកអាចនឹងទម្លាក់ពន្ធសម្រាប់ទំនិញដែលនាំចេញពីប្រទេសកម្ពុជា បើសិនជាពិនិត្យមើលស្ថានភាពជាក់ស្តែង និងជំហរកាន់តែទន់ភ្លន់របស់អាមេរិក នៅក្នុងការចរចាពន្ធកន្លងមកជាមួយចិន និងអង់គ្លេស ។ នេះ គឺជាការវិភាគមួយ ដោយផ្អែកលើអ្វីដែលកម្ពុជាបានធ្វើ និងអ្វីជាការប្រែប្រួលជំហរអាមេរិកក្នុងខែឧសភានេះ ។
អ្នកវិភាគនិយាយថា ខណ:ការចរចារវាងកម្ពុជា និងអាមេរិកនឹងចាប់ផ្តើមនៅថ្ងៃទី១៣ ខែឧសភា ម៉ោងនៅប្រទេសអាមេរិកវាទំនងជាថា កម្ពុជានឹងទទួលបានផលខ្លះ ពីការចរចាចាប់ពីថ្ងៃទី១៣ ដល់ថ្ងៃទី១៥ ខែឧសភា ។
អ្នកវិភាគរូបនេះ ក៏បានធ្វើការកត់សម្គាល់ដែរថា សូម្បីលោកឧបនាយករដ្ឋមន្ត្រី ស៊ុន ចាន់ថុល ដែលដឹកនាំក្រុមកម្ពុជាទៅចរចានៅអាមេរិកក៏បានបង្ហាញក្តីសង្ឃឹមដែរ មុនពេលលោកចាកចេញពីកម្ពុជាដោយលោកនិយាយថា បើយើងមិនសង្ឃឹមយើងមិនចរចាទេ ។
រហូតមកទល់ពេលនេះអាមេរិកក៏បានបន្ទន់ដៃការដាក់ពន្ធរបស់ខ្លួនជាមួយចិន និងអង់គ្លេសផងដែរ ។ នេះជាសញ្ញាមួយដែលថា រាល់ការចរចាភាគីទាំងពីរអាចទទួលបានលទ្ធផលមួយ ដែលគ្រាន់បើជាងការមិនចរចា ។ លោក ត្រាំ ប្រើយុទ្ធសាស្ត្រចរចាទាមទារច្រើន ដើម្បីទទួលបានកម្រិតមួយ ដែលអាមេរិកគិតថា សមរម្យ ។
សម្រាប់កម្ពុជា អាមេរិកបានទាមទារការដាក់ពន្ធ៤៩ភាគរយ ប៉ុន្តែបន្ទាប់ពីការចរចា អត្រាពន្ធទំនងជានឹងមិនខ្ពស់ដូចនេះឡើយ ។ កម្ពុជាក៏បានព្យាយាមធ្វើតាមលក្ខខណ្ឌខ្លះរបស់អាមេរិកដូចជា ការកំណត់ការចុះបញ្ជីដើមកំណើតទំនិញជាដើម ។
ទន្ទឹមនោះ កម្ពុជាក៏បានរកក្រុមហ៊ុនអាមេរិក ដើម្បីជួយសម្រាប់ធ្វើអោយការចរចាកាន់តែទទួលបានផលផងដែរ ។ ដោយ ផ្អែកលើកត្តាទាងនេះអាមេរិកអាចនឹងទម្លាក់ពន្ធខ្លះសម្រាប់កម្ពុជា បើទោះបីជាមិនលប់ចោលទាំងស្រុងក្តី ៕
ចែករំលែកព័តមាននេះ