ខេត្តមណ្ឌលគិរី ៖ យ៉ាងហោចណាស់មនុស្សប្រុសស្រីចំនួន៩នាក់ ត្រូវបានជំនាញបរិស្ថានចាប់ឃាត់ខ្លួន ក្រោយធ្វើសកម្មភាពរុករករ៉ែដោយខុសច្បាប់ កាលពីថ្ងៃទី០៤ ខែ ឧសភា ឆ្នាំ២០២៥ នៅឃុំចុងលាស់…
ខេត្តមណ្ឌលគិរី ៖ យ៉ាងហោចណាស់មនុស្សប្រុសស្រីចំនួន៩នាក់ ត្រូវបានជំនាញបរិស្ថានចាប់ឃាត់ខ្លួន ក្រោយធ្វើសកម្មភាពរុករករ៉ែដោយខុសច្បាប់ កាលពីថ្ងៃទី០៤ ខែ ឧសភា ឆ្នាំ២០២៥ នៅឃុំចុងលាស់ ស្រុកកែវសីមា។
មន្ទីរបរិស្ថានខេត្តមណ្ឌលគិរីបានឲ្យដឹងថា ករណីលួចធ្វើអាជីវកម្មរ៉ែ ខុសច្បាប់នៅខេត្តមណ្ឌលគិរី កំពុងកក្រើកឡើងវិញនាបេលបច្ចុប្បន្ន បន្ទាប់ពីក្រុមចម្រុះថ្នាក់ខេត្តមណ្ឌលគិរី បានបើកប្រតិបត្តិការបង្ក្រាបបទល្មើសរ៉ែគ្មានច្បាប់អនុញ្ញាតបានមួយអន្លើធ្វើឲ្យមានភាពស្ងប់ស្ងាត់អស់មួយរយៈ។តែការស្ងប់ស្ងាត់បានត្រឹមមួយរយៈខ្លី ក៏មានសកម្មភាពលួចធ្វើអាជីវកម្មរ៉ែអនាធិបតេយ្យនៅនៅភូមិពូទុង ឃុំចុងផ្លាស់ ស្រុកកែវសីមា បានចាប់ផ្តើមក្រក្រើកឡើងវិញយ៉ាងខ្លាំង ជាពិសេសនៅក្នុងនិងក្បែរភូមិ។
យោងតាមលោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរីបានឲ្យដឹងតាមរយៈបណ្តាញតេឡេក្រាមថា ជនសង្ស័យប្រុសស្រីចំនួន៩នាក់ ដែលមន្ត្រីជំនាញប្រចាំការនៅស្នាក់ការមេម៉ង់ និងស្នាក់ការ ចុងផ្លាស់ បានសហការគ្នាឃាត់ខ្លួន កាលពីចុងសប្តាហ៍មុន ខណៈកំពុងលួចធ្វើអាជីវកម្មរ៉ែ ខុសច្បាប់ ឃុំនៅតំបន់ខាងលើនោះ នៅព្រឹកថ្ងៃអង្គារ ទី០៦ ខែឧសភានេះ កំពុងសាកសួរ នៅមន្ទីរបរិស្ថានខេត្តនៅឡើយ មិនទាន់ដឹងថា ត្រូវបញ្ជូនទៅតុលាការឬ ត្រឹមតែឲ្យធ្វើកិច្ចសន្យានោះទេ។
លោកប្រធានមន្ទីរបានបញ្ជាក់ក្នុងបណ្តាញទំនាក់ទំនងតេលេក្រាមថា សមត្ថកិច្ចជំនាញបានដកហូត ម៉ាស៊ីនគោយន្ត០៣គ្រឿង ត្បាល់កិន០១គ្រឿង ត្បាល់អុក០១គ្រឿង និងម៉ូតូ០៥គ្រឿង យកមករក្សាទុកនៅស្នាក់ការមេម៉ង់ ដើម្បីបន្តចាត់ការតាមនិតិវិធី ៕
ចែករំលែកព័តមាននេះ