ខេត្តស្វាយរៀង ៖ មានស្ត្រីមានផ្ទៃពោះម្នាក់ បានមកដេកនៅលើស្មៅក្បែរមាត់ប្រឡាយ ជិតរោងប្រជាការពារ គេមិនដឹងថា ស្ត្រីរូបនេះមានវិបត្តិអ្វីមកពីណានោះទេ ។បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅភូមិព្រៃតាយឹង ឃុំប្រសូត្រ ស្រុកស្វាយទាប…
ខេត្តស្វាយរៀង ៖ មានស្ត្រីមានផ្ទៃពោះម្នាក់ បានមកដេកនៅលើស្មៅក្បែរមាត់ប្រឡាយ ជិតរោងប្រជាការពារ គេមិនដឹងថា ស្ត្រីរូបនេះមានវិបត្តិអ្វីមកពីណានោះទេ ។បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅភូមិព្រៃតាយឹង ឃុំប្រសូត្រ ស្រុកស្វាយទាប ។
បើតាមប្រជាពលរដ្ឋ បានឲ្យដឹងថា ពួកគាត់បានប្រទះឃើញស្ត្រីមានផ្ទៃពោះម្នាក់ មកដេកនៅក្បែរមាត់ប្រឡាយ ជិតរោងប្រជាការពារ តាំងពីវេលាម៉ោង៣រសៀលថ្ងៃទី៥ ខែឧសភា ម្សិលមិញ ក៏ប៉ុន្តែគ្មានអ្នកណា ហ៊ានដាស់ទេ រហូតដល់យប់ ក្រុមប្រជាការពារ បានឃើញក៏ហៅឲ្យមកដេកនៅក្នុងរោងយាមរបស់ប្រជាការពារ ។
ប្រភពបន្តថា លុះដល់ព្រឹកឡើងវេលាម៉ោង៧ ថ្ងៃទី០៦ ឧសភា ២០២៥នេះ ឃើញស្ត្រីពោះធំរូបនោះ នៅដេកក្នុងរោងយាមនោះដដែល ប្រជាពលរដ្ឋ ក៏បានរាយការណ៍ទៅសមត្ថកិច្ច ហៅរថយន្តសាមុយដឹកបញ្ជូនទៅមន្ទីរពេទ្យបង្អែកស្រុកស្វាយទាប ដើម្បីសង្គ្រោះ ព្រោះពិនិត្យមើលទៅស្ត្រីរងគ្រោះទំនងនាងឈឺផង ហើយគេមិនដឹងថា រូបនាងមានវិបត្តិអ្វីទេ ហើយមានទីលំនៅ នៅទីណានោះដែរ ។
ក្រោយសមត្ថកិច្ចបានសួរនាំ ស្ត្រីមានផ្ទៃពោះ មិននិយាយស្តីអ្វីទាំងអស់។ សមត្ថកិច្ច ក៏បានអំពាវនាវដល់ប្រជាពលរដ្ឋ ដែលបាត់សមាជិកគ្រួសារ ដូចភិនភាគខាងលើ(ស្ត្រីមានផ្ទៃពោះ) សូមមកទាក់ទងជាមួយក្រុមគ្រូពេទ្យ នៅមន្ទីរពេទ្យបង្អែកស្រុកស្វាយទាប សូមអគុណ ៕
ចែករំលែកព័តមាននេះ