រាជធានីភ្នំពេញ ៖ អតីតតារាកំប្លែងភេទទី៣ នាងស្រីពៅ មុខឈើ បានទម្លាយរឿងរ៉ាវធ្លាប់មានបញ្ហារហូតមើលមុខគ្នាមិនចំជាមួយនាយក្រឹម ដោយសារមានការភាន់ច្រឡំរឿងតិចតួចក្នុងពេលដែលរឿងនេះ នាងបានលាក់ទុកអស់ជាច្រើនឆ្នាំមិនបានបញ្ចេញជាសាធារណៈឡើយ ។ យ៉ាងណា…
រាជធានីភ្នំពេញ ៖ អតីតតារាកំប្លែងភេទទី៣ នាងស្រីពៅ មុខឈើ បានទម្លាយរឿងរ៉ាវធ្លាប់មានបញ្ហារហូតមើលមុខគ្នាមិនចំជាមួយនាយក្រឹម ដោយសារមានការភាន់ច្រឡំរឿងតិចតួចក្នុងពេលដែលរឿងនេះ នាងបានលាក់ទុកអស់ជាច្រើនឆ្នាំមិនបានបញ្ចេញជាសាធារណៈឡើយ ។
យ៉ាងណា ទោះជាមានបញ្ហាជាមួយគ្នាក៏ដោយ ប៉ុន្តែ ស្រីពៅ មុខឈើ នៅតែសម្តែងការដឹកគុណទៅដល់នាយក្រឹម ដែលបានជួយផ្ទុងផ្តើមអោយនាងមានកេរ្តិ៍ឈ្មោះក្នុងសិល្បៈ និងមានមុខមានមាត់រហូតមកទល់នាពេលនេះ ។
តាមរយៈបទសម្ភាសន៍ក្នុងកម្មវិធីមួយ ស្រីពៅ មុខឈើ បានលើកឡើងថា នាងបានចូលប្រឡូកក្នុងសិល្បៈជាលើកដំបូង តាមរយៈក្រុមកំប្លែងនៅក្នុងក្រុមរបស់នាយកុយ ដែលពេលនោះ នាងបង្ហាញវត្តមានសម្តែងក្នុងកម្មវិធីរាត្រីកំសាន្ត ។
នាងបន្តថា បន្ទាប់ពីបានសម្តែងក្នុងកម្មវិធីនេះ ប្រមាណ៣ទៅ៥Show ពេលនោះក៏នាយ ក្រឹម បានហៅនាងឲ្យចូលក្នុងក្រុមរបស់គាត់ សម្រាប់ការសម្តែងកំប្លែងក្នុងកម្មវិធីរាត្រីស្រុកស្រែ និងកម្មវិធីកុំសើចខ្ញុំរបស់ស្ថានីយទូរទស្សន៍បាយ័ន ។
នាងបញ្ជាក់ថា ចាប់ពីពេលនោះមក នាងក៏ចាប់ផ្តើមមានឈ្មោះបោះសម្លេង ហើយនាងក៏មិនភ្លេចអរគុណសម្រាប់នាយក្រឹម ដែលតែងតែជួយលើកនាង បើទោះបីជាពេលនេះគាត់ស្អប់ ឬខឹង ក៏នាងនៅតែគោរពស្រឡាញ់គាត់ ។
នាងបន្ថែមថា បញ្ហាគឺកើតឡើងដោយសារការភាន់ច្រឡំរឿងតិចតួច ដែលធ្វើឲ្យនាង និងនាយក្រឹម មិនសូវបាននិយាយរកគ្នា ប៉ុន្តែនាងនៅតែចង់ប្រាប់ថា កូនក្រុមម្នាក់នេះ នៅតែស្រឡាញ់គាត់ ដោយសារនាងមានកំណើត និងកេរ្តិ៍ឈ្មោះគឺដោយសារគាត់ ប្រសិនបើគាត់មិនជួយលើកនាង នោះក៏គ្មានទស្សនិកជនណាបានស្គាល់រូបនាងដែរ ។
បើតាម ស្រីពៅ មុខឈើ ប្រសិនបើអ្នកណាឲ្យបាយនាងញាំមួយពេល គឺនាងនឹងចងចាំជានិច្ច ដោយនាងមិនដែលបំភ្លេចគុណអ្នកណាម្នាក់ឡើយ ទោះបីម្នាក់នឹងស្អប់នាង ភាន់ច្រឡំលើរូបនាងក្នុងចំណុចណាមួយក៏ដោយ ប៉ុន្តែនាងនៅគោរពគាត់ជានិច្ច ។
គួរបញ្ជាក់ថា បើទោះបីជាឃ្លាតឆ្ងាយពីសិល្បៈនៅប៉ុន្មានឆ្នាំចុងក្រោយក៏ដោយ ប៉ុន្តែ ស្រីពៅ មុខឈើ តែងតែលេចមុខនៅក្នុងសកម្មភាពមនុស្សធម៌ ក៏ដូចជាកម្មវិធីនានារបស់មិត្តភក្តិ នៅក្នុងចង្កោមអ្នកសិល្បៈដោយមិនដែលខកខាន។
ចុងក្រោយនេះ ស្រីពៅ មុខឈើ តែងបង្ហាញសកម្មភាព ជាមួយបុគ្គលល្បីៗជាអ្នកមានមុខមាត់
នៅក្នុងសង្គម ហើយបើសង្កេតមើលបញ្ហាជីវភាពវិញ បើប្រៀបធៀបប៉ុន្មានឆ្នាំមុន និងបច្ចុប្បន្នគេសង្កេតឃើញថា នាងមានការប្រែប្រួលស្ទើរទាំងស្រុងពោល ស្រីពៅ មុខឈើ កាន់តែហាយសូរ ហើយរូបសម្រស់នឹងការតែងខ្លួនក៏ប្រែប្រួលប្លែកស្ទើរមិនដូចជាមុនឡើយ ហើយជារឿយៗនាងតែងតែចំណាយពេលពីការងារចេញទៅ លំហែកាយជាលក្ខណៈឯកជននៅតាមបណ្តាប្រទេសមួយចំនួនផងដែរ ៕
ចែករំលែកព័តមាននេះ