ខេត្តកំពត ៖ ស្ត្រីមេម៉ាយម្នាក់បានយកកាំ បិតចិតបន្លែមកអារ.កខ្លួនឯង តែមិនមុតក៏យកកណ្តៀវច្រូតស្មៅ អារបន្តរហូតដាច់បំពង់ខ្យល់ប្រកាច់បាញ់ឈាមពេញខ្ទមដែលជាផ្ទះរបស់ស្ត្រីរូបនោះ ហើយត្រូវបានប្អូនដឹងហេតុការណ៍ទាន់ក៏ទូរស័ព្ទហៅរថយន្តមន្ទីរពេទ្យដឹកមកសង្គ្រោះជីវិត ។
ហេតុការណ៍នេះបានកើតឡើងនៅវេលាម៉ោង៥ និង៣០នាទីព្រឹកថ្ងៃទី៤ កក្កដា ស្ថិតក្នុងភូមិបឹងតាព្រាម សង្កាត់ត្រើយកោះ ក្រុងកំពត ។ តាមសម្តីអ្នកជិតខាងបានឱ្យកោះសន្តិភាពដឹងថា ស្ត្រីប៉ុនប៉ងធ្វើអត្តឃាតដោយអារ.កខ្លួនឯងនេះ ឈ្មោះអួង មុំ អាយុ៣៦ឆ្នាំ ជាស្ត្រីមេម៉ាយមានកូនពីរនាក់ប្រុសម្នាក់អាយុ១៥ឆ្នាំ និងស្រីម្នាក់អាយុ៧ឆ្នាំ មុខរបរជាកម្មករស៊ីឈ្នួលរែកអំបិលនៅភូមិ សង្កាត់ខាងលើ ។ ប្រភពបន្តថា កន្លងមកស្ត្រីរូបនេះតែងតែផឹកស្រាជារៀងរាល់ថ្ងៃក្រោយពេលត្រឡប់ពីរែកអំពិលវិញ មិនដឹងជា គាត់ខូចចិត្តរឿងអ្វីទេ ក្រោយមក ទើបប្តីលែងរួចប្តីទៅយកប្រពន្ធថ្មីទៀត ។ ប្រភពដដែលបន្តទៀតថា ក្រោយពីប្តីចុះចោលទៅមានប្រពន្ធថ្មី ព្រមទាំងបន្សល់ទុកកូន២នាក់ឱ្យចិញ្ចឹមបីបាច់ផងនោះ ស្ត្រីរូបនេះផឹកស្រាកាន់តែខ្លាំងឡើងមានពេលខ្លះស្រវឹងមិនហូបបាយល្ងាចទៀត
ផង ។
មុនថ្ងៃកើតហេតុ គេឃើញស្រ្តីរូបនេះ ឈប់ផឹកស្រាប្រមាណ៥ថ្ងៃមកហើយ ។ គេមិនដឹងថា គាត់មានវិបត្តិអ្វី ទើបនៅថ្ងៃទី៤ កក្កដា វេលាទៀបភ្លឺគាត់សម្រេចចិត្តអារ.កខ្លួនឯង សូម្បីកូនដេកជាមួយ ក៏មិនដឹងផង លុះដល់ប្រកាច់ទើបដឹង ៕
ចែករំលែកព័តមាននេះ