ADផ្ទាំងផ្សព្វផ្សាយពាណិជ្ជកម្ម

ចាប់បានហើយ! ជនគ.ប់គ្រា.ប់បែកចូលស្ថានីយប្រេង ការពិតជាករណីប្អូនប៉.ងសម្លា.ប់បងប្រុសបង្កើត

1 ខែ មុន

កំពង់ចាម
២៧ ខែ មេសា ឆ្នាំ ២០២៥ ម៉ោង ១៣:៥១

ខេត្តកំពង់ចាម ៖ ជនពុំស្គាល់មុខបានប្រើគ្រាប់បែកដៃមួយគ្រាប់គប់ចូលស្ថានីយលក់ប្រេងឥន្ធនៈមួយកន្លែងសាវីមិចមានទីតាំងស្ថិតនៅភូមិបឹងស្នាយ សង្កាត់សំបួរមាស ក្រុងកំពង់ចាម។ នៅយប់អាធ្រាតបង្កឲ្យមានការភ្ញាក់ផ្អើលសំណាងនៅក្នុងហេតុការណ៍នេះ មិនមានអ្នកណាម្នាក់រងគ្រោះថ្នាក់ដល់អាយុជីវិតនោះទេ។ភ្លាមៗនោះកម្លាំងសមត្ថកិច្ចមូលដ្ឋាន នគរបាលក្រុងកំពង់ចាមព្រមទាំងស្ថាប័នពាក់ព័ន្ធបានចុះហ៊ុព័ទ្ធកន្លែងកើតហេតុ និងពង្រឹងសន្តិសុខដល់អ្នកមើលការខុសត្រូវព្រមទាំងបើកប្រតិបត្តិការស្រាវជ្រាវតាមវែកមុខរកអ្នកគប់គ្រាប់បែក។ យោងតាមប្រភពពីសមត្ថកិច្ចបានឲ្យដឹងថា:…

យោងតាមប្រភពពីសមត្ថកិច្ចបានឲ្យដឹងថា: នៅថ្ងៃទី២៥ ខែមេសា ឆ្នាំ២០២៥ វេលាម៉ោង០១និង១៥នាទីរំលងអធ្រាត កម្លាំងប៉ុស្តិ៍នគរបាលរដ្ឋបាលសំបួរមាសបានទទួលពត៌មានពីអ្នកស្នាក់នៅមេីលការខុសត្រូវទីនេះឈ្មោះ ឈុំ សារុនថា មានករណីផ្ទុះគ្រាប់ នៅស្ថានីយ៍លក់ប្រេងឥន្ធនៈសាវីមិចដែលបិទរបងចោល ហើយភ្លាមៗនោះគេមិនបានកំណត់មុខអត្តសញ្ញាណជនដែលលួចគប់គ្រាប់បែកបានឡើយ។

សមត្ថកិច្ចបានបន្តឲ្យដឹងទៀតថាក្រោមបទបញ្ជាពីលោកឧត្តមសេនីយ៍ស្នងការនគរបាលខេត្តក៏ដូចជាឯកឧត្តមអភិបាលខេត្តឱ្យកម្លាំងជំនាញយកចិត្តទុកដាក់បន្តស្រាវជ្រាវតាមវ័យមុខជនកំហូចដែលលួចគុបគ្រាប់បែកនោះ។ បន្ទាប់ពីបានទទួលបានភ្លាមកម្លាំងប៉ុស្តិ៍បានចុះដល់កន្លែងកេីតហេតុពិតជាមានករណីផ្ទុះគ្រាប់ប្រាកដមែន។ ករណីផ្ទុះនេះធ្វេីអោយខូតបំណែកទៅប៉ះជញ្ជាំងផ្ទះនិងកញ្ចក់ផ្ទះ និងមិនមានមនុស្ស និង សត្វគ្រោះថ្នាក់ឡេីយ ។រហូតដល់ម៉ោង៨ព្រឹកថ្ងៃទី២៦មេសា ២០២៥ កម្លាំងសមត្ថកិច្ច បានប្រទះឃើញគ្រាប់បែកមួយគ្រាប់បែក១ទៀតនៅចំណុចខាងជើងការ៉ាសាំង ជិតបង្គោលភ្លើងចំងាយពីការាស់សាំង១០ម៉ត្រ មានចងបង្កៃជាប់នឹងឈើជ្រុងស៊ាតក្នុងគុម្ពដើមពុទ្រា។ ជាមួយនោះក្រោមកិច្ចសហការជាមួយកម្លាំងនាយកដ្ឋានព្រហ្មទណ្ឌក្រសួងមហាផ្ទៃ សមត្ថកិច្ចបានធ្វើការស្រាវជ្រាវយ៉ាងល្អិតល្អន់ឈានកំណត់អត្តសញ្ញាណជនសង្ស័យម្នាក់នឹងបានហៅ ។

មកសួរនាំនៅអធិការដ្ឋាននគរបាលក្រុងកំពង់ចាមនាព្រឹកថ្ងៃទី២៦មេសា ជននោះឈ្មោះឈុំ ដារ៉ែន ភេទប្រុស អាយុ២២ឆ្នាំ នៅភូមិបឹងស្នាយ សង្កាត់សំបួរមាស ក្រុងកំពង់ចាម ខេត្តកំពង់ចាមមុខ របរអ្នកបើកឡានទឹកស្រោចថ្នល់ បានឆ្លើយសារភាពថា ខ្លួនពិតជាបានប្រព្រឹត្តអំពើ បោកគ្រាប់បែកមួយគ្រាប់ចូលក្នុងស្ថានីយ៍លក់ប្រេងសាវីមិច និងបង្កៃគ្រាប់បែកមួយគ្រាប់ទៀតនៅខាងជើងការ៉ាស់សាំងស្ថិតនៅភូមិបឹងស្នាយសង្កាត់សំបួរមាស ក្រុងកំពង់ចាម ខេត្តកំពង់ចាម ពិតប្រាកដមែន។

ចំពោះគ្រាប់បែកជនសង្ស័យបានឆ្លើយថាខ្លួនបាន រើសនៅកន្លែងចាក់ទឹកចូលរថយន្ត នៅភូមិព្រែកចាន់ សង្កាត់សំបួរមាស ក្រុងកំពង់ចាម ខេត្តកំពង់ចាមរើសបានចំនួន៥ខ្លួនបានយកទៅបោកត្រីមួយគ្រាប់តែមិនផ្ទុះ និងបានប្រគល់ឱ្យសមត្ថកិច្ចចំនួន២គ្រាប់សល់២គ្រាប់បានយកធ្វើ សកម្មភាពខាងលើ ដែលជាកន្លែងបងប្រុសបង្កើតរបស់ខ្លួនស្នាក់នៅទីនោះ។

សូមបញ្ជាក់ថា ជនសង្ស័យនេះកន្លងមកធ្លាប់ជាប់ពន្ធនាគារខេត្តរយៈពេលជាងមួយឆ្នាំពីបទទទួលផលចោរកម្ម ចំពោះហេតុការណ៍គ្រប់គ្របែកដៃចូលក្នុងស្ថានីយ៍លក់ប្រេង ដោយសារតែជននេះបានខឹងបងប្រុសបង្កើតរបស់ខ្លួនស្ដីបន្ទោសឲ្យកុំឲ្យដើរលេងជាមួយមនុស្សខូច ហើយប្អូនប្រុសក៏មានគំនុំជាមួយនឹងបងប្រុសរហូតឈានដល់យកគ្រាប់បែកគប់ចូលកន្លែងបងស្នាក់នៅដើម្បីបងដាច់ជីវិត។តែសំណាងល្អគ្រាប់បែកនេះបានផ្ទុះឡើងបណ្ដាលឱ្យខូចខាតបេតុងជញ្ជាំងនិងកញ្ចក់ចំណែកបងប្រុសនិងប្រពន្ធដែលដេកក្នុងបន្ទប់ថ្នាក់នៅនោះមិនគ្រោះថ្នាក់នោះទេ សូម្បីតែសុនកនៅទីនេះមានច្រើនក្បាលត្រូវគេលួចបំពុលងាប់អស់។

ចំពោះហេតុការណ៍ដែលបានកើតឡើងគឺជនរងគ្រោះដែលជាបងប្រុសបង្កើតរបស់ជនសង្ស័យស្នើសូមឱ្យសមត្ថកិច្ចចាត់វិធានការប្អូនទៅតាមនីតិវិធីច្បាប់ ៕