រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា រាជរដ្ឋាភិបាលបង្កើតការងារជូនប្រជាពលរដ្ឋ មិនមែនបង្កើតតែបរិមាណនោះទេ គឺត្រូវបង្កើតឲ្យបានច្រើនទាំងការងារក្នុងប្រទេស និងក្រៅប្រទេស…
រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា រាជរដ្ឋាភិបាលបង្កើតការងារជូនប្រជាពលរដ្ឋ មិនមែនបង្កើតតែបរិមាណនោះទេ គឺត្រូវបង្កើតឲ្យបានច្រើនទាំងការងារក្នុងប្រទេស និងក្រៅប្រទេស ។
ថ្លែងក្នុងពិធីសំណេះសំណាលជាមួយថ្នាក់ដឹកនាំអង្គការវិជ្ជាជីវៈក្នុងឱកាសខួបអនុស្សាវរីយ៍លើកទី១៣៩ ទិវាពលកម្មអន្តរជាតិ ១ ឧសភា នាព្រឹកថ្ងៃទី២៧ ខែមេសា ឆ្នាំ២០២៥ នៅមជ្ឈមណ្ឌលពិព័រណ៍អន្តរជាតិច្រោយចង្វារ សម្តេចមហាបវរធិបតី បានបញ្ជាក់យ៉ាងដូច្នេះថា ៖«ការបង្កើតការងារ គឺមិនមែនតែយកបរិមាណនោះទេ ។
ពិតណាស់ យើងត្រូវបង្កើតឲ្យបានច្រើន ដើម្បីស្រូបយកកម្លាំងពលកម្មទាំងក្នុង និងក្រៅប្រទេស ។ នៅខាងក្នុងយើងខិតខំធ្វើយ៉ាងណា ដើម្បីឲ្យបានច្រើន ដែលរុញទៅតាមមូលដ្ឋានឲ្យបានច្រើន» ។ សម្តេចមហាបវរធិបតី បានបន្ថែមថា ការធ្វើបែបនេះ ដើម្បីឲ្យបងប្អូនមានពិបាក ដូចអ្នកនៅកំពង់ចាម មកធ្វើការនៅភ្នំពេញ ករណីនេះមិនបិទសិទ្ធិនោះទេ ប៉ុន្តែយើងគិតគូរពីគាត់ ។ ការធ្វើបែបនេះក៏បានគោរពច្បាប់ការងារ បងប្អូនកម្មករគោរពច្បាប់ការងារ មិនមែនថៅកែរជិះជាន់កម្មករ ហើយគ្មានច្បាប់ការពារនោះទេ ។
ជាមួយគ្នានោះដែរ សម្តេចមហាបវរធិបតី នាយករដ្ឋមន្ត្រី ក៏បានលើកឡើងថារាជរដ្ឋាភិបាលក៏បានគិតគូរពីការធ្វើដំណើររបស់បងប្អូនកម្មករផងដែរ ។ លើសពីនេះក៏បានគិតគូរពីអ្នកបើកបរដឹកម្មករដែរ ព្រោះថា ការធ្វើបែបនេះកុំឲ្យបាត់បង់ការងាររបស់គាត់ ព្រោះគាត់ក៏ជាអ្នកធ្វើការដែរ ៕
ចែករំលែកព័តមាននេះ