រាជធានីភ្នំពេញ ៖ តារាចម្រៀងអ្នកនាង មាស សុខសោភា បានបង្ហោះសារលើបណ្តាញសង្គម ដោយដាស់តឿនអ្នកសិល្បៈពីតួនាទីរបស់ខ្លួននៅក្នុងការចូលរួមផ្សព្វផ្សាយសិល្បៈវប្បធម៌ និងចំណេះដឹងទូទៅទៅកាន់មហាជន ។ ទន្ទឹមនឹងការដាស់តឿន…
រាជធានីភ្នំពេញ ៖ តារាចម្រៀងអ្នកនាង មាស សុខសោភា បានបង្ហោះសារលើបណ្តាញសង្គម ដោយដាស់តឿនអ្នកសិល្បៈពីតួនាទីរបស់ខ្លួននៅក្នុងការចូលរួមផ្សព្វផ្សាយសិល្បៈវប្បធម៌ និងចំណេះដឹងទូទៅទៅកាន់មហាជន ។
ទន្ទឹមនឹងការដាស់តឿន អ្នកសិល្បៈខាងលើនេះ តារាចម្រៀងនាង មាស សុខសោភា ក៏បានស្នើដល់មហាជនជួយផ្តល់តម្លៃដល់អ្នកសិល្បៈផងដែរ ក្នុងនាម ជាជនបង្គោលរបស់ជាតិ ។ មាស សុខ សោភា បានលើកឡើងថា អ្នកសិល្បៈគ្រប់រូបមានតួនាទីធំណាស់ ដែលត្រូវនាំគ្នាថែរក្សានូវជំនឿវប្បធម៌ ប្រកាន់ខ្ជាប់នូវសច្ចធម៌ សីលធម៌ ទំនៀមទំលាប់ប្រពៃណី សាសនានិងផ្សព្វផ្សាយអំពី ចំណេះដឹងទូទៅ ដូចជាវិទ្យាសាស្ត្រ ប្រវត្តិសាស្ត្រ ប្រលោមលោកជាដើម។ល។
នាងបញ្ជាក់ថា បើគ្មានអ្នកសិល្បៈជាបង្គោលទេ មនុស្សលើផែនដីនេះប្រាកដធ្លាក់ក្នុងអន្លង់អវិជ្ជាគ្រប់ៗគ្នាមិនខាន ។ យ៉ាងណា នាងខ្ញុំសង្ឃឹមថា បងប្អូនទាំងអស់គ្នាចូលរួមលើកស្ទួយ និងផ្តល់តំលៃទៅដល់អ្នកសិល្បៈគ្រប់រូបដែលជាបង្គោលរបស់ជាតិ ។
ជាការកត់សម្គាល់ តាមរយៈសាររបស់តារាចម្រៀងនាង មាស សុខោភា នាពេលនេះ ត្រូវបាន
បហាជនជាច្រើនចាត់ទុកថា វាមានន័យសម្រាប់ទស្សនិកជនគាំទ្រ និងលើកស្ទួយពិតប្រាកដចំពោះអ្នកសិល្បៈ ខណៈអ្នកសិល្បៈគឺជាអ្នកដើរតួសំខាន់ក្នុងនាំយកនូវចំណេះដឹងទំនៀមទំលាប់ប្រពៃណី សាសនា វិទ្យាសាស្ត្រ និងប្រវត្តិសាស្ត្រថែមទៀតផង ។
សារខាងលើកនេះដែរ ហាក់ចាក់ដោតចំចំណុចដែលអ្នកសិល្បៈគ្រប់គ្នាត្រូវការជាចាំបាច់ជាបំផុត ក្នុងនាមជាចលករនៃសិល្បៈវប្បធម៌ខ្មែរ ៕
ចែករំលែកព័តមាននេះ