តើលោកសេង មង្គល ជានរណា? បានជាខាងជំនាញពាក់ព័ន្ធមិនហ៊ា.នចុះទប់ស្កាត់ ការឈូ.សឆាយដីព្រៃលិចទឹកយ៉ាងអនាធិបតេយ្យ
- សៀមរាប
ខេត្តសៀមរាប ៖ តើលោក សេង មង្គល ជានរណា ? បានជាខាងជំនាញពាក់ព័ន្ធក្នុងខេត្តសៀមរាប មិនហ៊ាន ចុះទប់ស្កាត់…
ខេត្តសៀមរាប ៖ តើលោក សេង មង្គល ជានរណា ? បានជាខាងជំនាញពាក់ព័ន្ធក្នុងខេត្តសៀមរាប មិនហ៊ាន ចុះទប់ស្កាត់ ការឈូសឆាយដីព្រៃលិចទឹកយ៉ាងអាណាធិបតេយ្យ របស់រដ្ឋ ។
ជាច្រើនខែឆ្នាំមកហើយ ឈ្មោះសេង មង្គល បានធ្វើសកម្ម ភាព ឈូសឆាយដី ព្រៃលិចទឹកយកអាចម៍ដីលក់ យ៉ាងអាណាធិបតេយ្យ មួយថ្ងៃៗរាប់សិបឡានប៉ុន្តែមិនទាន់ឃើញមានមន្ត្រីជំនាញពាក់ព័ន្ធក្នុងខេត្តសៀមរាបចុះទៅទប់ស្កាត់បង្ក្រាបនៅឡើយ រហូតមកដល់សព្វថ្ងៃ សង្ស័យត្រូវគ្នាទេដឹង ។
ការឈូសឆាយដីព្រៃលិចទឹក ពីសំណាក់ឈ្មោះ សេង មង្គល ស្ថិតក្នុងភូមិស្រង៉ែ សង្កាត់ស្រង៉ែ ក្រុង.ខេត្តសៀមរាប ត្រង់ចំណុចខាងលើទំនប់៧៨ យកអាចម៍ដីលក់ ក្នុងមួយថ្ងៃរាប់ពាន់ឡាន ក្រោមលេសស្តារអាងទឹក ។
តាមការបញ្ជាក់របស់ក្រុមពលរដ្ខដែលធ្វើស្រែជាប្រចាំនៅតំបន់នោះ បានបង្ហើបប្រាប់អ្នកសារព័ត៌មានថា ដីដែលឈ្មោះសេង មង្គល ឈូសឆាយព្រៃ នោះគឺជាឃ្លាំងស្តុកទឹកសម្រាប់ស្រោចស្រពស្រែប្រាំង។ ឃ្លាំងទឹកនេះ បានបង្កើតឡើងតាំង ពីឆ្នាំ១៩៧៨មកម្លេះ ហើយក៏មិនមែនជាកម្មសិទ្ធិរបស់បុគ្គលណាម្នាក់នោះដែរ។ ក្រៅពីផ្តល់ប្រភពទឹកសម្រាប់ស្រោចស្រពដំណាំស្រូវ ឃ្លាំងទឹកទំនប់៧៨នេះ ក៏ជាជម្រកត្រីពងនិងកូន ត្បិតទីនោះហ៊ុំព័ទ្ធដោយដើមឈើប្រភេទព្រៃលិចទឹក ដែលការពារដោយមន្ទីរជំនាញ និងពលរដ្ខក្នុងតំបន់នោះ។
ប្រភពបានបន្តថា ក្នុងរយ:ពេលកន្លងមកនេះ ក៏ស្រាប់តែឃើញ គ្រឿងចក្រជាច្រើន របស់ឈ្មោះ សេង មង្គល បានចូលមកជីកកាយហ៊ុំព័ទ្ធធ្វើជាក្រវ៉ាត់ ហើយឈូសឆាយព្រៃ ជីកយកដីដឹកចេញយ៉ាងគគ្រឹកគគ្រេង តែមិនឃើញមានខាងណាមកហាមឃាត់ឡើយ។ មិនដឹងច្បាស់ថា គេជីកធ្វើស្រះទុកចិញ្ចឹមត្រី របស់ក្រុមហ៊ុន ឬយ៉ាងណានោះទេ តែឮតៗ គ្នាថា គេស្តារអាងទឹក។ក្រុមពលរដ្ខបន្ថែមថា មិនខ្វល់ថា គេធ្វើអ្វីនោះទេ សម្រាប់ពួកគាត់ចង់ឱ្យថ្នាក់ខេត្ត និងមន្ទីរជំនាញរក្សាទីនោះឱ្យនៅភាពដដែល ដើម្បីជាប្រយោជន៍រួម ពីព្រោះថា កន្លងមកមានកន្លែងខ្លះ ក្រោយពេលគេជីកកើតជាស្រះហើយ គេហាម ឃាត់មិនឱ្យពលរដ្ឋទៅក្បែរឡើយ។ (នេះគឺជាចំណុចដែលពួកខ្ញុំពលរដ្ខបារម្ភបំផុត)។
ជាមួយនឹងការដាក់គ្រឿងចក្រឈូសឆាយព្រៃលិចទឹកជីកយកអាចម៍ដី លក់របស់ឈ្មោះ សេង មង្គល ដែលបំផ្លាញធនធានធម្មជាតិយ៉ាងធ្ងម់ធ្ងរ និងកំពុងបង្កការភ័យខ្លាចដល់ពលរដ្ឋរាប់រយគ្រួសារបែបនេះអភិបាលរងក្រុងសៀមរាប លោក ហាយ យង់ បានថ្លែងតាមប្រព័ន្ធតេឡេក្រាម ប្រាប់អ្នកសារព័ត៌មានថា ការជីកស្តារនោះ កន្លងទៅ មានអាជ្ញាបណ្ណ តែមិនដឹងថាពេលនេះ ក្នុងអាជ្ញាបណ្ណនោះ កាយបានកំរិតណា ឬក៏អស់ហើយនោះទេ។
ដោយឡែកមន្ត្រីជំនាញនៃអាជ្ញាធរខេត្តសៀមរាប បានបង្ហើបថា ការធ្វើអាជីវកម្មជីកយកអាចម៌ដីលក់ គឺច្បាប់បានតម្រូវឱ្យចំនួនមួយច្បាប់សម្រាប់មួយហិកតា តែសម្រាប់ក្រុមហ៊ុនជីកអាចម៌ដីលក់នោះ បានរៀបចំទុកជាមុន រាប់សិបហិកតា រួចហើយជាស្រេច ក្នុងនោះក៏មានជាប់ពាក់ព័ន្ធនិងព្រៃលិចទឹកផងដែរ។
តាមប្រភពមន្ត្រីជំនាញបានឱ្យដឹងថា ខាងក្រុមហ៊ុន មិនមានច្បាប់អនុញ្ញាត្តិឲ្យជីកកាយព្រៃលិចទឹកនោះទេ អាជ្ញាបណ្ណរបស់ក្រុមហ៊ុនជីកអាចម៍ដីលក់ ក្នុងចំណុចដីវាល គឺដីដែលគ្នានព្រៃ។ អញ្ចឹងទេ សេង មង្គល ដែលកំពុងជីកកាយរាប់សិបហិកតានោះមិនដឹងថា មានច្បាប់វាយព្រៃលិចទឹក ដែរឬយ៉ាងណា?
ពាក់ព័ន្ធការជីកកាយយកអាចម៍ដីលក់ ពីក្នុងតំបន់ព្រៃលិចទឹក របស់ឈ្មោះ សេង មង្គល មន្ត្រីជលផលក៏ធ្លាប់បានលើកឡើងថា បើទោះបីច្បាប់អនុញ្ញាតឱ្យមានការជីកកាយ តែក៏មិនអនុញ្ញាតឱ្យឈូសឆាយឬជីករំលើងដើមឈើព្រៃលិចទឹកនោះដែរ។
ជាមួយការបញ្ជាក់ពីមន្ត្រីជំនាញបែបនេះ ក្រុមអ្នកព័ត៌មាន ដែលបានចុះទៅផ្តិតយករូបភាពផ្ទាល់ មិនត្រូវបានផ្តល់ព័ត៌ មានជាក់លាក់ និងមិនអនុញ្ញាតឱ្យចូលដល់រណ្តៅដីនោះទេ ដោយមានការរារាំងពីក្រុមមនុស្សរបស់សេង មង្គល ដែលនៅយាមកាមមុខទីនោះ។ អញ្ចឹងទេយើងមិនអាចសន្និដ្ឋានបានថា ការជីកយកអាចម៍ដីនោះ មានច្បាប់ឬអត់.? ហើយប្រសិនបើមានក៏មិនដឹងថា ត្រឹមត្រូវដែរឬអត់?
ចំណែកព្រៃឈើលិចទឹកដែល រងការឈូសឆាយបំផ្លាញ ក៏មិនដឹងថា អស់ចំនួនប៉ុន្មានហិកតានោះដែរ? តែបើមើលពីចំងាយឃើញថា ព្រៃឈើទាំងនោះក្លាយជាវាលរហោឋានទៅហើយ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ