រាជធានីភ្នំពេញ ៖ តារាចម្រៀង អ្នកនាង ឆោម និមល បានបង្ហាញអារម្មណ៍ក្តីរីករាយ ដែលនាងមានឱកាសចូលរួមច្រៀងសម្តែងសម្រាប់អបអរសាទរពិធីបុណ្យចូលឆ្នាំថ្មីនៅស្រុកខ្មែរ ខណៈពេលដែលនាងបានខកខានអស់ពេលប្រមាណជិត២០ឆ្នាំ ។…
រាជធានីភ្នំពេញ ៖ តារាចម្រៀង អ្នកនាង ឆោម និមល បានបង្ហាញអារម្មណ៍ក្តីរីករាយ ដែលនាងមានឱកាសចូលរួមច្រៀងសម្តែងសម្រាប់អបអរសាទរពិធីបុណ្យចូលឆ្នាំថ្មីនៅស្រុកខ្មែរ ខណៈពេលដែលនាងបានខកខានអស់ពេលប្រមាណជិត២០ឆ្នាំ ។
នាង ឆោម និមល រួមនឹងតារាចាស់ថ្មីជាច្រើនរូបត្រូវបានគេឃើញមានវត្តមានចូលរួមថតអោយសមាគមទូរទស្សន៍ សម្រាប់អបអរពិធីបុណ្យចូលឆ្នាំខ្មែរដែលនឹងឈានចូលមកដល់ក្នុងពេលឆាប់ៗនេះ ។ ការចូលរួមនាពេលនេះបានធ្វើអោយ ឆោម និមល រីករាយ ត្បិតនាងបានជួបមិត្តភក្តិក្នុងសិល្បះរួមជំនាន់ និងបានបង្ហាញក្តីនឹករលឹកចំពោះគ្នា ជាមួយការកសាងអនុស្សាវរិយ៍ជាថ្មីម្តងទៀតក្នុងឱកានេះ ។
ជាមួយការបង្ហោះរូបភាពបង្ហាញពីសកម្មភាពនៃការជួបជុំគ្នាយ៉ាងសប្បាយរីករាយទាំងអ្នកសិល្បះរួមជំនាន់ និងសិល្បះជើងថ្មីនៅក្នុងពេលថតនោះឆោម និមល បានភ្ជាប់ជាមួយសំណេរថា អនុស្សារីយ៏ថតកម្មវិធីសមគមទូរទស្សន៏ សំរាប់សង្ក្រានឆ្នាំថ្មី ២០២៥ shooting Cambodian new year at BayonTv studio 2025 the year of the snake I am very happy and honor to be a part for this event ។
នាងថា សែនសប្បាយចិត្តដែលបានមកថតនៅកម្មវីធីចូលឆ្នាំថ្មីហេីយបានជួបបងបងនឹងមិត្តសិល្បះកររួមចំនាន់។
នាងបញ្ជាក់ថា ជាច្រេីនអ្នកជិត ២០ឆ្នាំនាងខ្ញុំមិនដែលមានឧិកាស បានមកស្រុកខ្មែរ នៅក្នុងឧិកាសចូលឆ្នាំថ្មីប្រពៃណីជាតិរបស់ខ្មែរជាពិសេសនៅស្រុកំណេីតរបស់យេីង ឆ្នាំនេះនាងខ្ញុំសុំមួយដងហេីយចារ កុំថាអីថាវ៉ាន់ ។
ជាការកត់សម្គាល់ តារាចម្រៀងនាង ឆោម និមល រួមនឹងសិល្បះករជើងចាស់មួយចំនួនទៀតបានមកលេងស្រុកខ្មែរ ជាថ្មីម្តងទៀត បន្ទាប់ពីបានចាកចេញទៅរស់នៅលើទឹកដីអាមេរិកអស់ជាច្រើនឆ្នាំ ។
ក្នុងដំណើរមកលេងស្រុកកំណើតនាពេលនេះ ក្រៅពីការជួបជុំមិត្តភក្តិបងប្អូននោះ នាងក៏បានចូលរួមច្រៀងនៅក្នុងកម្មវិធីផ្លូវការរបស់ថ្នាក់ដឹកនាំ ជាពិសេសនោះនាង និងអ្នកសិល្បៈជើងចាស់ដែលមកពីសហរដ្ឋអាមេរិកក៏ត្រូវបានផ្តល់ឱកាសដ៏ខ្ពង់ខ្ពស់ពីសម្តេចនាយករដ្ឋមន្ត្រីចូលជួបសម្តែងការគួរសមផងដែរ ។
គួរបញ្ជាក់ថា តារាចម្រៀងនាង ឆោម និមល គឺជាតារាចម្រៀងដែលធ្លាប់លេចធ្លោ ក្នុងអារម្មណ៍មហាជនកាលពីពេលកន្លងទៅ តាមរយះគ្រួសារត្រកូលឆោម ក្នុងនោះមានអ្នកស្រី ឆោម ឆវិន, លោក ឆោម ប៊ុន យ៉ុង, រូបនាង និងកញ្ញា ឆោម ឆពុំ ។
បច្ចុប្បន្ន អ្នកនាង ឆោម និមល រស់នៅសហរដ្ឋអាមេរិក នៅទីក្រុង Los Angeles រដ្ឋ California ដោយនាងបានចាកចេញទៅរស់នៅទីនោះ២០ឆ្នាំហើយ ពោលតាំងពីឆ្នាំ ២០០០ មកម្លេះ ។
យ៉ាងណា បើទោះបីជារស់នៅលើទឹកដីអាមេរិកក៏ដោយ ប៉ុន្តែអ្នកនាងនៅតែបន្តអាជីពជាអ្នកចម្រៀងដដែល ដោយនៅក្នុងនោរូបនាងក៏ជាសមាជិកក្នុងក្រុមចម្រៀងមួយនៅលើទឹកដីមហាអំណាចមួយនេះផងដែរ ៕
ចែករំលែកព័តមាននេះ