ខេត្តបាត់ដំបង ៖ យុវជនម្នាក់ដែលអះអាងថា ខ្លួនទើបធ្វើចោរលើកដំបូងបានភ្លាត់ស្នៀត ក៏ត្រូវសមត្ថកិច្ចចាប់ក្របូច.កអាវជាប់ពេលចូលលួចយកម៉ូតូមួយគ្រឿងនៅក្នុងបរិវេណសាលាខេត្តបាត់ដំបង កាលពីវេលាម៉ោង១០និង៣០នាទីព្រឹកថ្ងៃទី០៣ មេសា ខណៈដែលថ្នាក់ដឹកនាំ និងមន្ត្រីរដ្ឋបាលខេត្ត រួមទាំងសមត្ថកិច្ចផងបាននិងកំពុងមមារញឹក…
ខេត្តបាត់ដំបង ៖ យុវជនម្នាក់ដែលអះអាងថា ខ្លួនទើបធ្វើចោរលើកដំបូងបានភ្លាត់ស្នៀត ក៏ត្រូវសមត្ថកិច្ចចាប់ក្របូច.កអាវជាប់ពេលចូលលួចយកម៉ូតូមួយគ្រឿងនៅក្នុងបរិវេណសាលាខេត្តបាត់ដំបង កាលពីវេលាម៉ោង១០និង៣០នាទីព្រឹកថ្ងៃទី០៣ មេសា ខណៈដែលថ្នាក់ដឹកនាំ និងមន្ត្រីរដ្ឋបាលខេត្ត រួមទាំងសមត្ថកិច្ចផងបាននិងកំពុងមមារញឹក រៀបចំទីតាំងព្រឹត្តិការសង្ក្រាន្តដ៏ធំដុំ ត្រៀមទទូលទេវតាឆ្នាំថ្មីប្រពៃណីខ្មែរ ។
អ្នកនៅក្នុងហេតុការណ៍នោះបានប្រាប់ថា ជនដៃដល់ថ្លើមធំពាសមេឃនោះ បានចូលទៅលួចយកម៉ូតូនៅក្នុងបរិវេណសាលាខេត្ត ហើយព្យាយាមដើរអូសចេញក្រៅ តែមកដល់ខ្លោងទ្វារខាងមុខ ត្រូវគេដឹងក៏ដេញតាមធាក់ផ្ដូល ស្របពេលមានសមត្ថកិច្ចកំពុងយាមកាមស្អេកស្កះនៅក្បែរនោះផង ក៏ក្របូចក.ជាប់ ។
ក្រោយត្រូវឃាត់ខ្លួន លោកចោរថ្លើមធំនេះ ត្រូវបានគេបញ្ជូនភ្លាមៗ ទៅកាន់អធិការក្រុងបាត់ដំបង ដើម្បីសួរនាំ។ ប៉ុន្តែភ្លាមៗជននេះ ហាក់មិនទាន់ឆ្លើយនឹងសំណួរមន្ត្រីជំនាញទេ ។ សូម្បីតែឈ្មោះខ្លួនឯង ឬ ទីលំនៅក៏ជននេះមិននិយាយប្រាប់ដែរ ។ នេះបើតាមព័ត៏មានបឋមពីសមត្ថកិច្ច ដែលព្យាយាសួរចម្លើយជនសង្ស័យរូបនេះ ។
ដោយឡែក ម៉ូតូដែលលោកចោរថ្លើមពាសមេឃនេះចូលលួចចេញពីសាលាខេត្ត ម៉ាក«និក» ពណ៌ទឹកប្រាក់ ពាក់ស្លាកលេខ បាត់ដំបង1AV-5770 តែភ្លាមៗគេមិនទាន់ស្គាល់ឈ្មោះម្ចាស់ម៉ូតូនៅឡើយទេ ។ យ៉ាងណា ពេលនេះ មន្ត្រីជំនាញបាននិងកំពីងជជីកសួរចម្លើយជនសង្ស័យហើយ៕
ចែករំលែកព័តមាននេះ