រាជធានីភ្នំពេញ ៖ លោកស្រី ដោ សម្ផស្ស អ្នកនាំពាក្យរាជធានីភ្នំពេញបានឱ្យកោះសន្តិភាពដឹងមុននេះបន្តិចថា អភិបាលរាជធានីភ្នំពេញ លោក ឃួង ស្រេង…
រាជធានីភ្នំពេញ ៖ លោកស្រី ដោ សម្ផស្ស អ្នកនាំពាក្យរាជធានីភ្នំពេញបានឱ្យកោះសន្តិភាពដឹងមុននេះបន្តិចថា អភិបាលរាជធានីភ្នំពេញ លោក ឃួង ស្រេង បានបញ្ជាឲ្យគ្រប់អភិបាលខណ្ឌទាំង១៤ ត្រូវចុះពិនិត្យតាមដានដោយយកចិត្តទុកដាក់ចំពោះក្រុមប្រជាពលរដ្ឋដែលកំពុងរស់នៅក្នុងអាគារខ្ពស់ៗ និងអគារចាស់ៗ ក្រោយមានគ្រោះរញ្ជួយដីកំពុងតែវាយប្រហារនៅថៃ ដើម្បីការពារសុវត្ថិភាពពួកគាត់ ខ្លាចជួបគ្រោះថ្នាក់ជាយថាហេតុណាមួយកើតឡើង ។
សូមបញ្ជាក់ថា ទីក្រុងបាងកកមានការរញ្ជួយ និងញ័រ រហូតដល់ធ្វើអោយមនុស្សរត់ចេញពីអគារ បន្ទាប់ពីទទួលរងការរញ្ជួយបន្តមកពីការរញ្ជួយដីដ៏ខ្លាំង នៅប្រទេសមីយ៉ាន់ម៉ា ដែលមានព្រំដែនជាប់ប្រទេសថៃ ។
សារព័ត៌មានបាងកកប៉ុស្ត៍របស់ថៃបានរាយការណ៍ នៅរសៀលថ្ងៃទី២៨ ខែមីនា នេះថា បាងកក បានរញ្ជួយដោយសារតែការរញ្ជួយដីកម្រិត៧,៤ រិចទ័រកំពុងកើតមាននៅប្រទេសថៃ ។
មនុស្សនៅក្រុងបាងកក បានគេចចេញពីក្នុងអគារ ខណ:ការរកស៊ីមួយចំនួនបានបិទបណ្តោះអាសន្ន ។
ប្រទេសមីយ៉ាន់ម៉ា ឬភូមា កំពុងតែទទួលរងរញ្ជួយដីដ៏ខ្លាំងមួយ ដោយធ្វើអោយមានរញ្ជួយរហូតដល់ក្រុងបាងកកប្រទេសថៃ ។
ការរញ្ជួយនេះ បានធ្វើអោយមានការញ្ជួយដល់ទីក្រុងបាងកកប្រទេសថៃផងដែរ ។ ប៉ុន្តែទោះបីជាយ៉ាងក៏ដោយ គេមិនទាន់មានរបាយការណ៍អំពីការខូចខាត និងគ្រោះថ្នាក់ចំពោះមនុស្សនៅឡើយទេ ៕
ចែករំលែកព័តមាននេះ