ខេត្តស្វាយរៀង ៖ រថយន្តមួយគ្រឿង ខណៈកំពុងតែបើកបរនៅលើដងផ្លូវ ត្រូវអណ្តាតភ្លើងឆាបឆេះយ៉ាងសន្ធោសន្ធៅ រហូតអស់សល់តែគ្រោងឆ្អឹង ។ បើតាមសមត្ថកិច្ចបានឲ្យដឹងថា ករណីនេះ បានកើតឡើងនៅវេលាម៉ោង១១និង២០នាទីព្រឹកថ្ងៃទី២០…
ខេត្តស្វាយរៀង ៖ រថយន្តមួយគ្រឿង ខណៈកំពុងតែបើកបរនៅលើដងផ្លូវ ត្រូវអណ្តាតភ្លើងឆាបឆេះយ៉ាងសន្ធោសន្ធៅ រហូតអស់សល់តែគ្រោងឆ្អឹង ។
បើតាមសមត្ថកិច្ចបានឲ្យដឹងថា ករណីនេះ បានកើតឡើងនៅវេលាម៉ោង១១និង២០នាទីព្រឹកថ្ងៃទី២០ មីនា ២០២៥ នៅលើកំណាត់ផ្លូវលេខ៣១៤D ស្ថិតនៅភូមិត្រពាំងរុន ឃុំប្រសូត្រ ស្រុកស្វាយទាប ។
ប្រភពបន្តថា រថយន្ត ដែលឆេះម៉ាក MORNING ហើយមូលហេតុ គឺបណ្ដាលមកពីឆ្លងចរន្តខ្សែភ្លើងក្នុងរថយន្ត បណ្តាលឲ្យឆាបឆេះតែម្តង ។
ប្រភពបន្តទៀតថា រថយន្តខាងលើនេះ ខណៈកំពុងបើកបរលើដងផ្លូវសុខៗ ស្រាប់តែម្ចាស់រថយន្ត បានចាប់ហ្វ្រាំងឈប់បន្ទាន់ រួចបើកទ្វារថយន្តរត់ចេញ ហើយស្រែកហៅឲ្យអ្នកស្រុក ជួយពន្លត់ភ្លើង តែមិនរលត់ ក៏ទូរសព្ទហៅសមត្ថកិច្ចនគបាលស្រុកស្វាយទាប ឲ្យជួយអន្តរាគមន៍ ។
លោកអធិការដ្ឋាននគបាលស្រុក ក៏បានបញ្ជាឲ្យយករថយន្តពន្លត់អគ្គិភ័យចំនួន២គ្រឿង ទៅបាញ់ទឹកពន្លត់ និងបានរលត់ភ្លើងទាំងស្រុងនៅវេលាម៉ោង១១និង២៥នាទីថ្ងៃដដែល ក៏ប៉ុន្តែភ្លើងបានឆាបឆេះរថយន្តអស់ទាំងស្រុងទៅហើយ នៅសល់តែគ្រោងឆ្អឹងគួរឲ្យសោកស្តាយ ៕
ចែករំលែកព័តមាននេះ