ខេត្តបាត់ដំបង៖ ប្រភពបានរាយការណ៏ថា អ្នកញៀននឹងល្បែងជល់មាន់រាប់សិបនាក់ បាននិងកំពុងពពាក់ពពូន ស្រែកហោរកញ្ជ្រៀវឡើងកងរំពងក្នុងសង្វៀនបញ្ជល់មាន់មួយកន្លែង គិតត្រិមម៉ោង១រសៀលថ្ងៃទី ១៦ មិនា នេះ នៅចំណុចភូមិដៃខ្លា…
ខេត្តបាត់ដំបង៖ ប្រភពបានរាយការណ៏ថា អ្នកញៀននឹងល្បែងជល់មាន់រាប់សិបនាក់ បាននិងកំពុងពពាក់ពពូន ស្រែកហោរកញ្ជ្រៀវឡើងកងរំពងក្នុងសង្វៀនបញ្ជល់មាន់មួយកន្លែង គិតត្រិមម៉ោង១រសៀលថ្ងៃទី ១៦ មិនា នេះ នៅចំណុចភូមិដៃខ្លា ឃុំរស្មីសង្ហា ស្រុករតនមណ្ឌល តែមិនរំខានដល់សមត្ថកិច្ចម្ដងណាទេ បើទោះជាទីតាំងនេះបើលេងរាល់ថ្ងៃក្ដី។
គេមិនទាន់ស្គាល់ឈ្មោះដង្ខៅសង្វៀនមាន់នោះទេ តែបើតាមសេចក្ដីរាយការណ៏បានឲ្យដឹងថា សង្វៀនខាងលើនេះ បើជល់ភ្នាល់ដាក់លុយស្ទើររាល់ថ្ងៃ។ ប៉ុន្តែអ្នកបើកសង្វៀន តែងចល័តទីតាំងជានិច្ច ម្ដងបើកកន្លែងនេះ ម្ដងបើកកន្លែងនោះ។ ត្រង់ចំណុចនេះ បើតាមប្រភពព័ត៏មានពីអ្នកលេងល្បែងនេះដែរ ធ្លាប់បានព្រលយពាក្យថា «ការចល័តទីតាំងបើកសង្វៀនមាន់ជល់នេះ មិនមែនខ្លាចសមត្ថកិច្ចចាប់នោះទេ គឺ ចង់បង្វែងដាន ឬ ខ្លាចក្រុមអ្នកកាសែត តាមប្រមាញ់»។
ដោយសារតែចំណាត់ទន់ជ្រាយរបស់ថ្នាក់ដឹកនាំ ជាពិសេសលោកស្នងការខេត្ត ដែលពុំមានវិធានតាមផ្លូវច្បាប់ និង ឲ្យបានច្បាស់លាស់ ទៅលើមន្ត្រីថ្នាក់ក្រោម នៅតាមបណ្ដាស្រុកមួយចំនួន ដែលបណ្ដែតបណ្ដោយឲ្យមានបនល្បែងស៊ីសងខុសច្បាប់កើតមានពេញបន្ទុក។ ដូច្នេះហើយទើប គេសង្កេតឃើញល្បែងស៊ីសង កំពុងកើតមានស្ទើរគ្រប់តាមបណ្ដាស្រុក ជាពិសេសល្បែងជល់មាន់នេះតែម្ដង ដែលសមត្ថកិច្ចខ្លួនឯងអះអាងប្រកាសប្រាប់ពលរដ្ឋថា «ជាល្បែងខុសច្បាប់»។ កាលពីថ្ងៃទី០៨ មិនា កន្លងទៅនេះ សង្វៀនជល់មាន់ដ៏ធំមួយកន្លែង នៅឃុំឆ្នាល់មាន់ ស្រុកគាស់ក្រឡ ដែលមានមនុស្សរាប់រយបានប្រមូលផ្ដុំគ្នាប្រព្រឹត្តល្បែងនេះ។ ប៉ុន្តែពួកគេបានរត់ចែកជើងគ្នាព្រាតតាមវាលស្រែនាប៉ុន្មាននាទី ក្រោយពីបែកធ្លាយសកម្មភាពនេះ តាមរយៈកោះសន្តិភាព។
ក្រោយពីបែកធ្លាយទីតាំងល្បែងជល់មាន់នេះ ប៉ុន្មានម៉ោងក្រោយមក បណ្ដាញសង្គម(ផេក)របស់អធិការស្រុកគាស់ក្រឡ បានបង្ហោះសំណេរអមដោយរូបភាពចុះទៅថតសែលហ្វី ដើម្បីរាយការណ៏ភូតកុហកថ្នាក់ដឹកនាំថា «ទីតាំងនោះជាដីគេទុកចោល ម្ចាស់នៅភ្នំពេញ គ្មានអ្នកជល់មាន់ទេ។ ហើយរូបភាព ដែលកោះសន្តិភាព បានផ្សព្វផ្សាយ ជារូបភាពចាស់»។ ប៉ុន្តែតាមរយៈបណ្ដាញសង្គមដែរ កោះសន្តិភាព បានស្នើសុំឲ្យលោកអធិការស្រុកគាស់ក្រឡ បង្ហាញ ឬ បង្ហោះ នូវរូបភាពនានា (រូបថតអ្នកជល់មាន់) ដែលខ្លួនអះអាងថា ជារូបចាស់ ឬ បង្ហាញរបាយការណ៏បញ្ជាក់ពីរូបភាពចាស់នោះផង ដើម្បីជាភស្ដុតាង។ ប៉ុន្តែរហូតមកដល់ត្រិមថ្ងៃទី ១៦ មិនា នេះហើយ គេមិនទាន់ឃើញមានការបំភ្លឺ ឬ មានការឆ្លើយតបពីលោកអធិការស្រុកគាស់ក្រឡ នៅឡើយទេ។
ដោយឡែកបើនិយាយពីទីតាំងសង្វៀនមាន់ នៅស្រុករតនមណ្ឌលខាងលើនេះវិញ បើតាមបរភពព័ត៏មានបានឲ្យដឹងថា ក្នុងឃុំរស្មីសង្ហា មាន០២ទីតាំង សម្រាប់ជល់ចល័យ រីឯនៅឃុំត្រែង មាន០១ទីតាំង គឺ នៅក្នុងចម្ការស្វាយចន្ទីរ ខាងលិចផ្សារត្រែង។ គេមិនទាន់ដឹងថា លោកស្នងការបានជ្រាបដែរឬយ៉ាងណានោះទេ ព្រោះបើតាមប្រភពល្បែងជល់មាន់សព្វថ្ងៃនេះ កំពុងរីករាលដាលពេញបន្ទុកហើយ សម្រាប់ខេត្តបាត់ដំបង។ គែជឿជាក់ថា ល្បែងទាំងនេះ នឹង រីកដុះដាល់កាន់តែខ្លាំង បើថ្នាក់ដឹកនាំមិនមានវិធានការច្បាស់លាស់ ជឿតែរបាយការណ៏បោករបស់ថ្នាក់ក្រោម៕
ចែករំលែកព័តមាននេះ