ខេត្តបន្ទាយមានជ័យ ៖ ប្រជាកសិករដែលដាំពោតដំណើបឆ្នាំនេះលក់ថោកជាងឆ្នាំមុនហើយលក់មិនដាច់កែឆ្នៃធ្វើពោតកំបោរលក់វិញ ។ នេះបើតាមការឱ្យដឹងពីប្រជាកសិករនៅថ្ងៃទី១០ ខែមីនា ឆ្នាំ២០២៥នៅភូមិពង្រ សង្កាត់កំពង់ស្វាយ ក្រុងសិរីសោភ័ណ។ ប្រជាកសិករបានប្រាប់ថាប្រជាកសិករដែលដាំពោតដំណើបមានប្រមាណជិត១០០ហិកតានៅជើងភ្នំពង្រកងវ៉ា…
ខេត្តបន្ទាយមានជ័យ ៖ ប្រជាកសិករដែលដាំពោតដំណើបឆ្នាំនេះលក់ថោកជាងឆ្នាំមុនហើយលក់មិនដាច់កែឆ្នៃធ្វើពោតកំបោរលក់វិញ ។ នេះបើតាមការឱ្យដឹងពីប្រជាកសិករនៅថ្ងៃទី១០ ខែមីនា ឆ្នាំ២០២៥នៅភូមិពង្រ សង្កាត់កំពង់ស្វាយ ក្រុងសិរីសោភ័ណ។
ប្រជាកសិករបានប្រាប់ថាប្រជាកសិករដែលដាំពោតដំណើបមានប្រមាណជិត១០០ហិកតានៅជើងភ្នំពង្រកងវ៉ា តែអនិច្ចាឆ្នាំនេះដាំពោតបានផលហើយលក់តំថោក១ហិកតាលក់បាន៤ទៅ៥លានរៀលបើប្រៀបធៀបឆ្នាំមុន ១ហិកតាជាមធ្យមលក់បាន១០លានរៀលទៅ១០លាន២សែនរៀលដែរ។
ប្រជាកសិករបានបញ្ជាក់ថាកាលពីឆ្នាំមុនពោតដំណើបបានថ្លៃ ព្រោះប្រជាកសិករដាំនៅជើងភ្នំពង្រកងវ៉ាដាំប្រមាណជា៥០ទៅ៦០ហិកតាទើបតំលៃពោតលក់ក្នុង១ហិកតាបានជាង១០លានរៀល ។ ឆ្នាំនេះប្រជាកសិករនាំគ្នាដាំច្រើនដល់ជិតរយហិកតាលក់បានតំលៃថោកជាងឆ្នាំមុន ខ្លៈត្រូវបានឈ្មួញម៉ៅកាច់ដល់ចំការ ក្នុង១ហិកតាហ៊ានទិញត្រឹមតំលៃតែ៤ទៅ៥លានរៀលប៉ុណ្ណោះ ។
ឈ្មួញម៉ៅចំការពោតប្រាប់ថា ឆ្នាំនេះលក់ពោតដំណើបពិតជាលំបាកទាំងអ្នកចំការនិងអ្នកម៉ៅយកទៅលក់បន្ត ។ កាលពីឆ្នាំមុនគាត់ហ៊ានទិញដល់ក្នុងចំការម៉ៅ១ហិកតាទិញតំលៃជាង១០លានរៀល តែឆ្នាំនេះហ៊ានទិញ១ហិកតាត្រឹមតំលៃ៤ទៅ៥លានរៀលទេ ព្រោះទិញយកទៅលក់បន្តគ្មានអ្នកទិញហូបពេលលក់មិនដាច់រយៈពេលតែ១ថ្ងៃត្រូវបានជួលអ្នកអ្នកស្រុកប្រឡេះគ្រាប់ពោត១គីឡូក្រាម៤០០រៀលហើយយកទៅកែឆ្នៃស្ងោរធ្វើជាពោតកំប៉ោលក់ដោយទិញដូងនិងស្កសរដាក់ម៉ូយលក់តាមផ្សារអាចបានកម្រៃខ្ល ។ បើដាក់លក់១ថង់ស្មើ៤០ផ្លែ តំលៃ១ម៉ឺនរៀលនិងស្ងោរលក់៤ផ្លែតំលៃ២.៥០០រៀល៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ