រាជធានីភ្នំពេញ ៖ យោងតាមការប្រាប់ឲ្យដឹងពីសមត្ថកិច្ចខណ្ឌដង្កោ មកថា មានផ្ទះប្រជាពលរដ្ឋចំនួន២ខ្នង ដែលសង់ពីឈើលើ ថ្មក្រោម ត្រូវបានអគ្គិ ឆាបឆេះអស់ទាំងស្រុងតែម្ដង ខណៈដែលម្ចាស់អត់នៅ…
រាជធានីភ្នំពេញ ៖ យោងតាមការប្រាប់ឲ្យដឹងពីសមត្ថកិច្ចខណ្ឌដង្កោ មកថា មានផ្ទះប្រជាពលរដ្ឋចំនួន២ខ្នង ដែលសង់ពីឈើលើ ថ្មក្រោម ត្រូវបានអគ្គិ ឆាបឆេះអស់ទាំងស្រុងតែម្ដង ខណៈដែលម្ចាស់អត់នៅ ជាប់រវល់ទៅរាវខ្យងនៅឯក្នុងបឹង ហើយនៅពុំទាន់ដឹងថា ដើមចម ដែលផ្ដើមឲ្យមានការឆាបឆេះនោះ ចេញពីមូលហេតុអ្វីនៅឡើយទេ ។
អគ្គិភ័យយ៉ាងសន្ធោសន្ធៅនេះ បានកើតឡើងបង្កឲ្យមានការភ្ញាក់ផ្អើលកាលពីវេលាម៉ោង៧និង៣០នាទីយប់ ថ្ងៃទី១០ ខែមីនា ឆ្នាំ២០២៥ ស្ថិតតាមបណ្ដោយផ្លូវលំ ខាងក្រោយវត្តជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ។
ខណៈនោះអាជ្ញាធរ និងសមត្ថកិច្ចខណ្ឌដង្កោ បានចេញអន្តរាគមន៍ភ្លាមៗ ហើយរថយន្តពន្លត់អគ្គិភ័យ និងកម្លាំងជំនាញពន្លត់អគ្គិភ័យបានចេញទៅកាន់ទីនោះជាបន្តបន្ទាប់ ប៉ុន្តែលំបាក និងឲ្យរថយន្តពន្លត់អគ្គិភ័យចូលទៅដល់ខ្លាំងណាស់ ព្រោះផ្លូវចូលតូចចង្អៀតពេក ។
ក្រុមអ្នកពន្លត់ភ្លើង បានរាយទុយោបាញ់ទឹកពីចម្ងាយ ហើយបានទប់ស្កាត់ មិនឲ្យឆេះរាលដល់ផ្ទះផ្សេងៗទៀតឡើយ ដោយឡែកព័ត៌មានលម្អិតបន្ថែម និងមានផ្សាយជូននៅពេលក្រោយទៀត ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ