ការភ្លេចជាបញ្ហាធម្មតាមួយ ដែលអាចកើតមានចំពោះមនុស្សគ្រប់រូប មិនថា វ័យចំណាស់ ឬក្មេងឡើយ ។ ប៉ុន្តែប្រសិនបើអ្នកមានអារម្មណ៍ថា ខួរក្បាលអ្នកចាប់ផ្តើមភ្លេចច្រើនជាងមុន ឬមានការពិបាកក្នុងការចងចាំរឿងរ៉ាវ នេះ…
ការភ្លេចជាបញ្ហាធម្មតាមួយ ដែលអាចកើតមានចំពោះមនុស្សគ្រប់រូប មិនថា វ័យចំណាស់ ឬក្មេងឡើយ ។ ប៉ុន្តែប្រសិនបើអ្នកមានអារម្មណ៍ថា ខួរក្បាលអ្នកចាប់ផ្តើមភ្លេចច្រើនជាងមុន ឬមានការពិបាកក្នុងការចងចាំរឿងរ៉ាវ នេះ គឺជាវិធីសាមញ្ញៗដែលអាចជួយអ្នកបាន ៖
១ ធ្វើលំហាត់ប្រាណសម្រាប់ខួរក្បាល
ខួរក្បាលក៏ត្រូវការការហាត់ប្រាណ ដើម្បីឱ្យមានសុខភាពល្អផងដែរ ។ អ្នកអាចលេងល្បែងដែលជួយធ្វើឱ្យខួរក្បាលដំណើរការដូចជា ល្បែងផ្គុំរូប (puzzle) ល្បែងគណនាលេខ ឬក៏រៀនភាសាថ្មី ។ ការធ្វើឱ្យខួរក្បាលរបស់អ្នកធ្វើការយ៉ាងសកម្មនឹងជួយឱ្យការចងចាំរបស់អ្នកកាន់តែមានប្រសិទ្ធភាព ។
២ គ្រប់គ្រងភាពតានតឹង
ភាពតានតឹងអាចប៉ះពាល់ដល់សុខភាពខួរក្បាល និងធ្វើឱ្យការចងចាំរបស់អ្នកចុះខ្សោយ ។ ដូច្នេះ វាជាការសំខាន់ណាស់ ក្នុងការគ្រប់គ្រងភាពតានតឹងរបស់អ្នក ។ អ្នកអាចសាកល្បងការធ្វើយ៉ាងដូចជា ការហាត់ដកដង្ហើម ការធ្វើ ឬការសម្រាកឱ្យបានគ្រប់គ្រាន់ ។
៣. ដេកឱ្យបានគ្រប់គ្រាន់
ការគេងគ្រប់គ្រាន់ គឺជាកត្តាសំខាន់មួយក្នុងការថែរក្សាសុខភាពខួរក្បាល ។ ក្នុងអំឡុងពេលដេក ខួរក្បាលរបស់អ្នកធ្វើការរៀបចំ និងរក្សាទុកព័ត៌មានដែលអ្នកបានរៀនក្នុងថ្ងៃ ។ ដូច្នេះ ការគេងមិនគ្រប់គ្រាន់អាចធ្វើឱ្យការចងចាំរបស់អ្នកចុះខ្សោយ ។
៤. បរិភោគអាហារប្រកបដោយជីវជាតិ ៖
អាហារដែលអ្នកបរិភោគក៏អាចប៉ះពាល់ដល់សុខភាពខួរក្បាលផងដែរ ។ អាហារដែលមានជីវជាតិ ដូចជា បន្លែ ផ្លែឈើ អាហារសមុទ្រ និងគ្រាប់ធញ្ញជាតិ អាចជួយឱ្យខួរក្បាលរបស់អ្នកដំណើរការបានល្អ ។ ការជៀសវាងអាហារដែលមានជាតិខ្លាញ់ និងស្ករខ្ពស់ក៏ជាការសំខាន់ផងដែរ ។
៥. រៀបចំគម្រោង និងកត់ត្រាចំណាំ
ការរៀបចំគម្រោង និងកត់ត្រាចំណាំអាចជួយអ្នកកុំឱ្យភ្លេចរឿងរ៉ាវសំខាន់ៗបាន ។ អ្នកអាចប្រើកម្មវិធីក្នុងទូរស័ព្ទ ឬកត់ត្រាក្នុងកំណត់ហេតុ ដើម្បីចងចាំការណាត់ជួប ឬកិច្ចការដែលត្រូវធ្វើ ។ ការបចំជាមុននឹងជួយឱ្យអ្នកមានភាពរួសរាយ និងកាត់បន្ថយការភ្លេចបាន ។
ការថែរក្សាសុខភាពខួរក្បាល គឺជាផ្នែកមួយដ៏សំខាន់នៃការរស់នៅប្រកបដោយសុខភាពល្អ ។ ដោយការអនុវត្តតាមវិធីសាមញ្ញៗទាំងនេះ អ្នកអាចថែរក្សាការចងចាំរបស់អ្នកឱ្យមានប្រសិទ្ធភាព និងកាត់បន្ថយការភ្លេចបាន៕
ចែករំលែកព័តមាននេះ