ខេត្តព្រៃវែង ៖ បើគេធ្វើដំណើរឆ្លងកាត់តាមបណ្ដោយផ្លូវជាតិលេខ 8A ក្នុងភូមិសាស្ត្រឃុំរកា ស្រុកពារាំង និងផ្លូវផ្សេងៗទៀតក្នុងឃុំនេះ គេនឹងបានឃើញគំនរសំរាមជាច្រើន ដែលប្រជាពលរដ្ឋបាននាំគ្នាយកមកចាក់ចោលនៅតាមចិញ្ចើមផ្លូវទាំងនេះ ទុករង់ចាំអោយក្រុមហ៊ុនប្រមូលសំរាម…
ខេត្តព្រៃវែង ៖ បើគេធ្វើដំណើរឆ្លងកាត់តាមបណ្ដោយផ្លូវជាតិលេខ 8A ក្នុងភូមិសាស្ត្រឃុំរកា ស្រុកពារាំង និងផ្លូវផ្សេងៗទៀតក្នុងឃុំនេះ គេនឹងបានឃើញគំនរសំរាមជាច្រើន ដែលប្រជាពលរដ្ឋបាននាំគ្នាយកមកចាក់ចោលនៅតាមចិញ្ចើមផ្លូវទាំងនេះ ទុករង់ចាំអោយក្រុមហ៊ុនប្រមូលសំរាម ចុះទៅប្រមូលកើបចោល តែក្រុមហ៊ុនដេកលក់អស់ហើយ ។
ប្រជាពលរដ្ឋក្នុងឃុំរកា ស្រុកពារាំង បានឲ្យដឹងថា នៅតាមបណ្ដាភូមិនានាក្នុងឃុំរកា ដូចជាភូមិស្នាយពល ភូមិព្រៃសំឡាញ និងភូមិត្នោតជាដើម គឺពុំមានទីតាំងចាក់សម្រាមនោះទេ ដូច្នេះដើម្បីរក្សាសោភ័ណភាពអនាម័យនៅតាមភូមិ និងក្នុងឃុំទាំងមូល អាជ្ញាធរឃុំរកា បានធ្វើទ្រុងដែកជាច្រើន ដាក់នៅតាមចិញ្ចើមផ្លូវសំខាន់ៗក្នុងឃុំ ទុកសម្រាប់ឲ្យប្រជាពលរដ្ឋ យកសម្រាមមកដាក់បញ្ចៀសកុំឱ្យមានការចោលសម្រាមពាសវាល ពាសកាល ក្នុងឃុំទាំងមូល ។ តើអភិបាលស្រុកមានដែលទៅជួយហិតក្លិនស្អុយទេ?
ពលរដ្ឋទាំងនោះបានបញ្ជាក់ថា ការធ្វើបែបនេះធ្វើឲ្យក្នុងភូមិគ្មានសំរាម សោភណ្ឌភាពក៏ស្រស់ស្អាត ប៉ុន្តែនៅតាមផ្លូវវិញបែរពោរពេញទៅដោយគំនរសំរាមស្អុយគគ្រុក ដោយសារតែក្រុមអ្នកប្រមូលសម្រាមមិនបានចុះទៅប្រមូលរាល់ថ្ងៃនោះទេ ដោយពេលខ្លះពីរបីថ្ងៃទើបប្រមូលម្ដង និងពេលខ្លះមួយអាទិត្យទើបចុះប្រមូលម្ដងក៏មាន ទុកក្លិនស្អុយឱ្យគេគ្រប់គ្នាហិត…ហេ! ហេ! ។
ពលរដ្ឋទាំងនោះបានលើកឡើងថា ការបង្កើតឲ្យមានធុងសំរាម ឬទីតាំងចាក់សំរាមទៅតាមចិញ្ចើមផ្លូវបែបនេះ វាមិនត្រឹមតែធ្វើឲ្យបាត់បង់សោភ័ណ ភាពដងផ្លូវនោះទេ ប៉ុន្តែវាដូចជាហែកកេរ្ត៍របស់ខ្លួនឲ្យគេមើលយ៉ាងដូច្នោះដែរ ដោយគ្រាន់តែសំរាមគ្មានកន្លែងទុកដាក់ ក៏ត្រូវយកមកតាំងបង្ហាញបង្អួតគេនៅតាមដងផ្លូវទៅវិញ។
ជុំវិញករណីនេះ អ្នកយកព័ត៌មានកោះសន្តិភាព មិនអាចសុំការបំភ្លឺពីលោក នេត នឿន មេឃុំរកា បាននៅរសៀលថ្ងៃទី 4 មីនានេះ ដោយទូរសព្ទ័របស់លោក ខលចូលជាច្រើនលើកប៉ុន្តែគ្មានអ្នកទទួល ចំណែកលោក ចេម ប្រា អភិបាលស្រុកពារាំង ក៏មិនអាចទំនាក់ទំនងសុំការបំភ្លឺបានដែរដោយទូរសព្ទ័របស់លោក ខលចូលគ្មានអ្នកទទួលដូចគ្នា ៕
ចែករំលែកព័តមាននេះ