ខេត្តព្រះសីហនុ ៖ បុរសម្នាក់បានរងរបួសធ្ងន់ ត្រូវរថភ្លើងកិនដាច់ជើងម្ខាងត្រឹមជង្គង់ ខណៈពេលដែលជនរងគ្រោះរួបនោះ បានដេកដាក់ជើងម្ខាងគងលើផ្លូវរថភ្លើង ។ ហេតការណ៍ខាងលើនេះបានកើតឡើងវេលាម៉ោង១រសៀលថ្ងៃទី០៤ មីនា ឆ្នាំ២០២៥…
ខេត្តព្រះសីហនុ ៖ បុរសម្នាក់បានរងរបួសធ្ងន់ ត្រូវរថភ្លើងកិនដាច់ជើងម្ខាងត្រឹមជង្គង់ ខណៈពេលដែលជនរងគ្រោះរួបនោះ បានដេកដាក់ជើងម្ខាងគងលើផ្លូវរថភ្លើង ។
ហេតការណ៍ខាងលើនេះបានកើតឡើងវេលាម៉ោង១រសៀលថ្ងៃទី០៤ មីនា ឆ្នាំ២០២៥ នៅលើផ្លូវដែក ក្នុងភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ ។
តាមសមត្ថកិច្ចជំនាញបានដឹងថា នៅថ្ងៃទី០៤ មីនា ឆ្នាំ២០២៥ វេលាម៉ោង៧ព្រឹក ប៉ុស្ដិ៍នគរបាលរដ្ឋបាលទឹកថ្លា បានទទួលព័ត៌មានពីប្រជាពលរដ្ឋថា មានករណីគ្រោះថ្នាក់ចរាចរណ៍នៅលើចំនុចផ្លូវដែក ស្ថិតនៅភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ ក្រោយពីទទួលបានព័ត៌មាននេះភ្លាម កម្លាំងប៉ុស្ដិ៍សហការជាមួយកម្លាំងជំនាញចរចរាណ៍នឹងសណ្ដាប់ធ្នាប់នៃអធិការដ្ឋាននគរបាលស្រុកព្រៃនប់ បានចុះទៅដល់ទៅដល់ទីតាំងកន្លែងកើតហេតុនៅថ្ងៃទី០៤.០៣.២០២៥ វេលាម៉ោង ០១:០០នាទី លើដងផ្លូវដែក ស្ថិតនៅភូមិ/ឃុំកើតហេតុខាងលើ បានពិនិត្យឃើញថា បុរសម្នាក់ឈ្មោះ សុក មី អាយុ៤០ឆ្នាំ មានទីលំនៅភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ បានដើរក្នុងទិសដៅពីត្បូងទៅជើង ។
លុះមកដល់ចំណុចខាងលើ បានដេកគងជើងខាងឆ្វេងនៅលើផ្លូវដែក ក្រោយមកមានរថភ្លើង ០១ខ្សែរ មិនស្គាល់ម៉ាក មិនច្បាស់ទិសដៅ និងអ្នកបើកបរមិនទាន់ស្គាល់អត្តសញ្ញាណ បានកិនជើងខាងឆ្វេងរបស់អ្នកថ្មើរជើងកំពុងដេកក្បែរផ្លូវដែកនោះតែម្ដង ។
ករណីគ្រោះថ្នាក់ចរាចរណ៍ខាងលើនេះបណ្ដាលអោយ អ្នកថ្មើរជើង (រងរបួសដាច់ជើងខាងឆ្វេងធ្ងន់) ។
បច្ចុប្បន្ន ជនរងគ្រោះកំពុងសង្គ្រោះនៅមន្ទីរពេទ្យបង្អែកខេត្តកំពត ចំណែករថភ្លើងបានបន្ដដំណើរទៅមុខបាត់ ។
សូមបញ្ជាក់ថា បុរសរងគ្រោះខាងលើតែងតែពិសារស្រាច្រើន ហើយដើរដេកពាសវាលពីកាល ជួនកាលដើរដេកផ្ទះគេក៍មានដែរ ៕
ចែករំលែកព័តមាននេះ