ខេត្តកណ្តាល ៖ បុរសញៀនថ្នាំម្នាក់ បានដុតផ្ទះម្តាយបង្កើត កាលពីវេលាម៉ោង១៧និង៥០នាទីល្ងាចថ្ងៃទី២១ ខែកុម្ភៈ ឆ្នាំ២០២៥ ត្រូវបានកម្លាំងនគរបាលស្រុកអង្គស្នួល ធ្វើការឃាត់ខ្លួន នេះបើយោងតាមនាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ…
ខេត្តកណ្តាល ៖ បុរសញៀនថ្នាំម្នាក់ បានដុតផ្ទះម្តាយបង្កើត កាលពីវេលាម៉ោង១៧និង៥០នាទីល្ងាចថ្ងៃទី២១ ខែកុម្ភៈ ឆ្នាំ២០២៥ ត្រូវបានកម្លាំងនគរបាលស្រុកអង្គស្នួល ធ្វើការឃាត់ខ្លួន នេះបើយោងតាមនាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ ។
ករណីនេះកើតឡើងនៅចំណុចភូមិរំលេច ឃុំទួលព្រេជ ស្រុកអង្គស្នួល ខេត្តកណ្ដាល ។ ម្ចាស់ផ្ទះឈ្មោះ គុណ នឿន ភេទស្រី អាយុ៥៨ឆ្នាំ ជនជាតិខ្មែរ មុខរបរ កសិករ ។
ជនសង្ស័យ ដែលនគរបាលឃាត់ខ្លួនមានឈ្មោះ លឹម ទី ភេទប្រុស អាយុ៣៧ឆ្នាំ ជនជាតិខ្មែរ មុខរបរមិនពិតប្រាកដ រស់នៅផ្ទះភូមិឃុំកើតហេតុខាងលើ ត្រូវជាកូនបង្កើតម្ចាស់ផ្ទះកើតហេតុ ។
សមត្ថកិច្ចបានអោយដឹងថា ជនសង្ស័យមិនត្រឹមតែដុតបំផ្លាញផ្ទះទេ តែគាត់ជាប់បទល្មើសប្រើប្រាស់គ្រឿងញៀនទៀត ដោយលទ្ធផលតេស្តសារធាតុញៀន គឺវិជ្ជមាន (+) ។
សមត្ថកិច្ច បានបន្តថា ផ្ទះដេលឆាបឆេះមានទំហំ ៤ម៉ែត្រ គុណ ៥ម៉ែត្រ ប្រក់ស័ង្កសី ជញ្ជាំងធ្វើពីឈើ ។ កង់ចំនួន ០១គ្រឿង ទូខោអាវចំនួន០១ និងសម្ភារមួយចំនួនទៀត បណ្តាលឱ្យខូចខាតទាំងស្រុង ។
ក្រោយបង្កហេតុ មន្ត្រីនគរបាលបានឃាត់ខ្លួនឃនសង្ស័យ ឆែករកឃើញវត្ថុតាង និងដកហូត រួមមាន ៖
-ដែកកេះ ចំនួន០៣
-កាំបិតត្នោត ចំនួន០១
និងឧបករណ៍ប្រើប្រាស់គ្រឿងញៀន ចំនួន០២ ។
សមត្ថកិច្ច ក៏បានបញ្ជាក់ដែរថា នៅមុនពេលកើតហេតុ ជនសង្ស័យ បានដាំបាយនៅក្នុងផ្ទះ បន្ទាប់មកក៏ឆាបឆេះមុង និងបន្តឆេះដល់ជញ្ជាំងផ្ទះ ហើយជនសង្ស័យរូបនេះ ក៏កាន់កាំបិតត្នោត រត់ចេញមកខាងក្រៅ គ្រវីចុះឡើង ធ្វើឱ្យប្រជាពលរដ្ឋជិតខាង មិនហ៊ានចូលជួយពន្លត់ទេ។ ពេលនោះ មានប្រជាពលរដ្ឋឃើញហេតុការណ៍ បានរាយការណ៍ជូនដល់សមត្ថកិច្ច ក្រោយពីទទួលបានព័ត៌មានបានភ្លាមៗ កម្លាំងប៉ុស្តិ៍រដ្ឋបាលនគរបាលទួលព្រេជ នៃអធិការដ្ឋាននគរបាលស្រុកអង្គស្នួល បានចុះទៅដល់កន្លែងកើតហេតុ និងមានការចូលរួមពីប្រជាការពារ និងប្រជាពលរដ្ឋ សរុបប្រមាណចំនួន១៥នាក់ បានធ្វើការជួយពន្លត់អគ្គិភ័យនេះតែម្តង ។ យ៉ាងណាអគ្គិភ័យខាងលើនេះ មិនបង្កឱ្យមានអ្នករបួសនោះឡើយ ។ ហើយជនសង្ស័យត្រូវកម្លាំងនគរបាល ចុះឃាត់ខ្លួនបានតែម្ដង ៕
ចែករំលែកព័តមាននេះ