រាជធានីភ្នំពេញ ៖ នារីស្រស់ស្អាតម្នាក់ បើករថយន្តព្រុស លុះមកដល់ចំណុចបំបែកជាបួន ជ្រុលទៅបុកគ្នាជាមួយរថយន្តដឹកអ្នកដំណើរពេញទំហឹង បណ្តាលអោយរងការខូចខាតផ្នែកខាងមុខយ៉ាងដំណំ ។ ហេតុការណ៍នេះបានកើតឡើងកាលពីវេលាម៉ោង០២និង៣០នាទីរសៀលថ្ងៃទី១៨ ខែកុម្ភៈ…
រាជធានីភ្នំពេញ ៖ នារីស្រស់ស្អាតម្នាក់ បើករថយន្តព្រុស លុះមកដល់ចំណុចបំបែកជាបួន ជ្រុលទៅបុកគ្នាជាមួយរថយន្តដឹកអ្នកដំណើរពេញទំហឹង បណ្តាលអោយរងការខូចខាតផ្នែកខាងមុខយ៉ាងដំណំ ។
ហេតុការណ៍នេះបានកើតឡើងកាលពីវេលាម៉ោង០២និង៣០នាទីរសៀលថ្ងៃទី១៨ ខែកុម្ភៈ ឆ្នាំ២០២៥ នៅត្រង់ចំណុចផ្លូវបំបែកជាបួន ក្នុងតំបន់អភិវឌ្ឍន៍បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ។
បើតាមប្រភពព័ត៌មានពីប្រជាពលរដ្ឋបានអោយដឹងថា គេឃើញនារីស្រស់ស្អាតម្នាក់ បើកបររថយន្តតូយូតាព្រុស ពណ៍ស ពាក់ស្លាកលេខ ភ្នំពេញ 2BQ-6201 បើកក្នុងទិសដៅពីលិច ទៅកើត ក្នុងល្បឿនលឿនគួរសម លុះមកដល់ចំណុចផ្លូវបំបែកជាបួន ក៏ស្រាប់តែជ្រុលទៅបុករថយន្តក្រុងដឹកអ្នកដំណើរ ពណ៌ស ពាក់ស្លាកលេខ ភ្នំពេញ 3E-6256 បើកបរទិសដៅពីត្បូងទៅជើង ឆ្លងផ្លូវបំបែកបានពាក់កណ្តាលទៅហើយ ក៏ត្រូវរថយន្តព្រុស បុកចំកង់ផ្នែកខាងមុខ បណ្តាលអោយរថយន្តខ្ទេចមួយកំណាត់មុខតែម្តង ហើយសំណាងល្អ មិនបានបណ្តាលឲ្យអ្នកណាម្នាក់រងរបួសនោះឡើយ ។
ក្រោយកើតហេតុ កម្លាំងសមត្ថកិច្ចជំនាញមូលដ្ឋាន បានចុះមកដល់ទីតាំងកើតហេតុ និងបានឲ្យភាគីខាងរថយន្តទាំងសងខាង ធ្វើការដោះស្រាយគ្នាតាមផ្លូវច្បាប់ផងដែរ ៕
ចែករំលែកព័តមាននេះ