ខេត្តកណ្តាល ៖ យុវជន០២នាក់ ជិះម៉ូតូឌុបគ្នាធ្វើដំណើរលើផ្លូវ៦០ម៉ែត្រ បានបើកបរក្នុងល្បឿនលឿន ស្រាប់តែរេចង្កូតទៅបុករថយន្ត ដែលបើកបញ្ច្រាសទិសគ្នា បង្កអោយរងរបួសធ្ងន់០២នាក់ បញ្ជូនទៅមន្ទីរពេទ្យសង្គ្រោះ ។…
ខេត្តកណ្តាល ៖ យុវជន០២នាក់ ជិះម៉ូតូឌុបគ្នាធ្វើដំណើរលើផ្លូវ៦០ម៉ែត្រ បានបើកបរក្នុងល្បឿនលឿន ស្រាប់តែរេចង្កូតទៅបុករថយន្ត ដែលបើកបញ្ច្រាសទិសគ្នា បង្កអោយរងរបួសធ្ងន់០២នាក់ បញ្ជូនទៅមន្ទីរពេទ្យសង្គ្រោះ ។
ហេតុការណ៍នេះ បានកើតឡើងកាលពីវេលាម៉ោង១០និង២០នាទីយប់ថ្ងៃទី១៦ ខែកុម្ភៈ ឆ្នាំ២០២៥ ស្ថិតតាមបណ្ដោយផ្លូវ៦០ម៉ែត្រ ក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល ។
បើតាមប្រភពព័ត៌មានពីអ្នកឃើញហេតុការណ៍ បានអោយដឹងថា មុនកើតហេតុ គាត់បានឃើញយុវជន០២នាក់ ជិះម៉ូតូមួយគ្រឿង ម៉ាក ស៊ុយសូគីនិច ពណ៍សលាយខៀវ ពាក់ស្លាកលេខ កណ្ដាល 1AT-1563 ជិះឌុបគ្នា តាមបណ្ដោយផ្លូវ៦០ម៉ែត្រ ក្នុងទិសដៅពីជើងទៅត្បូង ក្នុងល្បឿនលឿន លុះមកដល់ចំណុចគ្រោះថ្នាក់ បុរសទាំង០២នាក់ខាងលើ មិនដឹងជាមានបញ្ហាអ្វីនោះទេ ក៏ស្រាប់តែម៉ូតូចាប់ផ្តើមរេចង្កូត ទៅបុករថយន្តមួយគ្រឿង ម៉ាក Toyota WIGO ពាក់ស្លាកលេខ ភ្នំពេញ 2BW-4593 ក្នុងទិសដៅពីត្បូងទៅជើង បណ្ដាលអោយអ្នកជិះម៉ូតូរបួសធ្ងន់ទាំង ២នាក់ ត្រូវបានពលរដ្ឋរាយការណ៍ហៅ រថយន្តសង្គ្រោះ បញ្ជូនទៅកាន់មន្ទីពេទ្យភ្លាមៗ ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃអធិការដ្ឋាននគរបាលក្រុងតាខ្មៅ ធ្វើការវាស់វែងយករថយន្ត និងម៉ូតូទៅរក្សាទុកដើម្បីរងចាំដោះស្រាយនៅពេលក្រោយ ៕
ចែករំលែកព័តមាននេះ