រាជធានីភ្នំពេញ ៖ អគ្គិភ័យបានឆាបឆេះផ្ទះ០២ខ្នង (ផ្ទះឈើលើ ថ្មក្រោម) អស់ទាំងស្រុង ផ្អើលប្រជាពលរដ្ឋរស់នៅក្បែរប្រឡាយលូស្ទឹងមានជ័យ និងសមត្ថកិច្ចចុះអន្តរាគមន៍ ។ គ្រោះអគ្គិភ័យនេះ…
រាជធានីភ្នំពេញ ៖ អគ្គិភ័យបានឆាបឆេះផ្ទះ០២ខ្នង (ផ្ទះឈើលើ ថ្មក្រោម) អស់ទាំងស្រុង ផ្អើលប្រជាពលរដ្ឋរស់នៅក្បែរប្រឡាយលូស្ទឹងមានជ័យ និងសមត្ថកិច្ចចុះអន្តរាគមន៍ ។
គ្រោះអគ្គិភ័យនេះ បង្កការភ្ញាក់ផ្អើលកាលវេលាម៉ោ២និង៣០នាទីរសៀលថ្ងៃទី៣១ ខែធ្នូ ឆ្នាំ២០២៤ ស្ថិតនៅតាមបណ្ដោយផ្លូវបេតុង អមប្រឡាយ ភូមិមានជ័យទី១ ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
យោងប្រភពព័ត៌មានពីពលរដ្ឋបានឲ្យដឹងថា មុនពេលកើតហេតុ គេបានឃើញផ្សែងហុយចេញពីផ្ទះកើតហេតុខាងលើ ចេញជាអណ្ដាតភ្លើងឆាប់ឆេះយ៉ាងសន្ធោសន្ធៅ ផ្អើលបងប្អូនអ្នកជិតខាង នាំគ្នាយកទុយោទឹក ជួយបាញ់ពន្លត់ តែដោយសារភ្លើងឆាបឆេះខ្លាំងពេក មិនអាចគ្រប់គ្រងបាន ក៏ប្រញាប់រាយការណ៍ជូនសមត្ថកិច្ចមូលដ្ឋាន និងរថយន្តពន្លត់អគ្គិភ័យ ដើម្បីចេញជួយបាញ់ទឹកពន្លត់ ។
អគ្គិភ័យនេះ បានឆាបឆេះផ្ទះ(ផ្ទះឈើលើ ថ្មក្រោម)ប្រក់ស័ង្កសី ចំនួន០២ខ្នង នឹងបានប្រើប្រាស់រថយន្តពន្លត់របស់ការិយាល័យបង្ការអគ្គិភ័យនៃស្នងការដ្ឋាននគរបាលរាជធានីភ្នំពេញ ចំនួន០៧គ្រឿង, រថយន្តកងរាជអាវុធហត្ថ ចំនួន០២គ្រឿង, រថយន្តជំនួយរបស់ស្រាបៀរកម្ពុជា ០១គ្រឿង រួមនិងរថយន្តទីក្រុងអូឡាំព្យា ចំនួន០២គ្រឿង ជួយបាញ់ពន្លត់ឲ្យរលត់ទៅវិញជាស្ថាពរ ។
ចំពោះមូលហេតុកើតមានអគ្គិភ័យ កម្លាំងសមត្ថកិច្ចជំនាញកំពុងតែធ្វើការស្រាវជ្រាវ ៕
ចែករំលែកព័តមាននេះ