ខេត្តស្វាយរៀង ៖ យោងតាមរបាយការណ៍របស់កម្លាំងនាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ ក្រសួងមហាផ្ទៃ ស្តីពីកិច្ចប្រតិបត្តការបង្ក្រាបករណីចាប់ជម្រិតជនជាតិចិន នៅក្រុងបាវិត ដែលដំបូងមានការផ្ទុះអាវុធជាច្រើនគ្រាប់ច្រឡំ ពេលនេះ លែងច្រឡំហើយ សមត្ថកិច្ចបានឈានទៅដល់ការឃាត់ខ្លួនជនសង្ស័យជាជនវៀតណាម…
ខេត្តស្វាយរៀង ៖ យោងតាមរបាយការណ៍របស់កម្លាំងនាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ ក្រសួងមហាផ្ទៃ ស្តីពីកិច្ចប្រតិបត្តការបង្ក្រាបករណីចាប់ជម្រិតជនជាតិចិន នៅក្រុងបាវិត ដែលដំបូងមានការផ្ទុះអាវុធជាច្រើនគ្រាប់ច្រឡំ ពេលនេះ លែងច្រឡំហើយ សមត្ថកិច្ចបានឈានទៅដល់ការឃាត់ខ្លួនជនសង្ស័យជាជនវៀតណាម ប្រុស-ស្រីចំនួន១២នាក់ និងរំដោះជនរងគ្រោះដែលជាចំណាប់ខ្មាំងពីកណ្តាប់ដៃឧក្រិដ្ឋជនមកវិញ ដោយជោគជ័យទៀតផង ។
សូមជម្រាបថា កាលពីថ្ងៃទី២៧ ខែធ្នូ ឆ្នាំ២០២៤ កម្លាំងនាយកដ្ឋាននគរបាលព្រហ្មទណ្ឌ អគ្គស្នងការដ្ឋាននគរបាលជាតិ បានទទួលពាក្យបណ្តឹងករណីចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស នៅចំណុចសង្កាត់បាវិត ក្រុងបាវិត ខេត្តស្វាយរៀង ទៅលើជនរងគ្រោះឈ្មោះ CHEN YITONG ភេទប្រុស អាយុ២៥ ឆ្នាំ ជនជាតិចិន បង្កឡើងដោយជនមិនស្គាល់អត្តសញ្ញាណមួយក្រុមជិះរថយន្តម៉ាកស្តារិច ពណ៌.ស មិនស្គាល់ផ្លាកលេខ ។
ក្រោយពីទទួលបានពាក្យបណ្តឹងខាងលើនោះ ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ដឹកនាំផ្ទាល់ដោយលោកឧត្តមសេនីយ៍ទោ ប៉ុល រតនា ឧត្តមសេនីយ៍ត្រី ហ៊ុន មុន្នីរ័ត្ន លោកវរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាននគរបាលព្រហ្មទណ្ឌ បានសហការជាមួយកម្លាំងជំនាញស្នងដ្ឋាននគរបាលខេត្តស្វាយរៀង ចុះទៅដល់ទីតាំងកើតហេតុ ដើម្បីធ្វើការស្រាវជ្រាវ និងស៊ើបអង្កេត ករណីខាងលើនេះ ។
លុះថ្ងៃទី២៩ ខែធ្នូ ឆ្នាំ២០២៤ វេលាម៉ោង១២ និង០០នាទីរសៀល កម្លាំងជំនាញបានស្រាវជ្រាវរកឃើញជនរងគ្រោះ ដែលក្រុមជនសង្ស័យចាប់យកទៅបង្ខាំងចាក់សោរទុក នៅក្នុងផ្ទះជួលមួយកន្លែងស្ថិតនៅក្នុងភូមិតាពៅ សង្កាត់បាវិត ខេត្តស្វាយរៀង និងបានឃាត់ខ្លួនជនសង្ស័យជាបន្តបន្ទាប់ចំនួន១២ នាក់រួមមាន ៖
១.ឈ្មោះ ហឿ ង៉ុកថាម ភេទស្រី អាយុ២៦ ឆ្នាំជនជាតិវៀតណាម
២.ឈ្មោះ ឡាំ ធី ញឺវិន ភេទស្រី អាយុ១៧ ឆ្នាំ
៣.ឈ្មោះ ង្វៀង ទ្រីដាក ភេទប្រុស អាយុ២៣ ឆ្នាំ ជនជាតិវៀត ណាម
៤.ឈ្មោះ ង្វៀង ហ្វានលឺ ភេទប្រុស អាយុ៣៥ ឆ្នាំ ជនជាតិវៀតណាម
៥.ឈ្មោះ ហ្វៀង វ៉ាន់ថាំង ភេទប្រុស អាយុ១៩ឆ្នាំ ជនជាតិវៀត ណាម
៦.ឈ្មោះ ហ្វាម វ៉ាន់ទូ ភេទប្រុស អាយុ៣៥ឆ្នាំ ជនជាតិវៀតណាម
៧.ឈ្មោះ ដាវ ត្រុងហៀវ ភេទប្រុស អាយុ៣៣ឆ្នាំ ជនជាតិវៀតណាម
៨.ឈ្មោះ ឡ ឌឹកទន់ ភេទប្រុស អាយុ៣២ឆ្នាំ ជនជាតិវៀតណាម
៩.ឈ្មោះ ង្វៀង យីគឿង ភេទប្រុស អាយុ២៨ឆ្នាំ ជនជាតិវៀតណាម
១០.ឈ្មោះ ង្វៀង វ៉ាន់ហ័ង ភេទប្រុស អាយុ២២ឆ្នាំ ជនជាតិវៀតណាម១១.ឈ្មោះ ហ្វាម វឹងវៀក ភេទប្រុស អាយុ៣០ឆ្នាំ ជនជាតិវៀតណាម
១២.ឈ្មោះ ងរ វ៉ានជាង ភេទប្រុស អាយុ២៣ឆ្នាំ ជនជាតិវៀតណាម ។
ក្នុងនោះដែរ សមត្ថកិច្ចក៏បានធ្វើការរំដោះជនរងគ្រោះ បានរួចផុតពីកណ្តាប់ដៃក្រុមឧក្រិដ្ឋជនដោយជោគជ័យផងដែរ ។ បច្ចុប្បន្ន ជនសង្ស័យត្រូវបានសមត្ថកិច្ចនាំខ្លួនមកកាន់នាយកដ្ឋាន
នគរបាលព្រហ្មទណ្ឌ ដើម្បីធ្វើការសាកសួរ និងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់ ៕
ចែករំលែកព័តមាននេះ