រាជធានីភ្នំពេញ ៖ យុវតីជាសិស្សសាលាប៊ែលធីអន្ដរជាតិម្នាក់ បានជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារ ដោយខឹងម្ដាយស្ដីបន្ទោស មិនចូលរៀនគួរកុំព្យូទ័រ ហើយបានលេចបាត់ស្វែងរកស.ព មិនទាន់ឃើញនៅឡើយ ។ ការធ្វើអត្តឃា.តនេះបង្កការភ្ញាក់ផ្អើលកាលពីរសៀលថ្ងៃទី២៧…
រាជធានីភ្នំពេញ ៖ យុវតីជាសិស្សសាលាប៊ែលធីអន្ដរជាតិម្នាក់ បានជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារ ដោយខឹងម្ដាយស្ដីបន្ទោស មិនចូលរៀនគួរកុំព្យូទ័រ ហើយបានលេចបាត់ស្វែងរកស.ព មិនទាន់ឃើញនៅឡើយ ។
ការធ្វើអត្តឃា.តនេះបង្កការភ្ញាក់ផ្អើលកាលពីរសៀលថ្ងៃទី២៧ ខែធ្នូ ឆ្នាំ២០២៤ នៅចំណុចលើស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
យុវតីដែលគិតខ្លឺឈ្មោះ រ.ជ.ជ ភេទស្រី អាយុ១៣ឆ្នាំ ជាសិស្សសាលាប៊ែលធី អន្ដរជាតិ រៀនថ្នាក់៨ ង១ ។
តាមសាក្សី បានឲ្យដឹងថា នៅមុនពេលកើតហេតុគេឃើញយុវតីរូបនោះ បានជិះម៉ូតូ១គ្រឿងម៉ាក Beat ពណ៌ក្រហមលាយស ពាក់ស្លាកលេខ ភ្នំពេញ 1KY-7792 ឡើងលើស្ពានជ្រោយចង្វារ ហើយបានឈប់ម៉ូតូលោតទឹកសម្លាប់ខ្លួនតែម្ដង ។
តាមព័ត៌មានឱ្យដឹងទៀតថា ខណៈនោះ គេឃើញយុវសិស្សរូបនោះ លិចបាត់បន្សល់ទុកតែម៉ូតូកាបូបស្ពាយដាក់សៀវភៅ និងស្បែកជើង ហើយបង្កឲ្យមានការភ្ញាក់ផ្អើលយ៉ាងខ្លាំង ។
តាមរយៈកាបូបស្ពាយបន្សល់ទុកស មត្ថកិច្ចក៏បានឆែកឆេរឃើញកាតសំគាល់ខ្លួនឈ្មោះ រ.ជ.ជ ជាសិស្ស សាលាប៊ែលធី អន្ដរជាតិ ។ បន្ទាប់ពីមានការភ្ញាក់ផ្អើលមានបុរសម្នាក់ ក៏បានមកសួរនាំ ហើយបានមើលកាតក៏ដឹងថា ជាក្មួយរបស់ខ្លួន ក៏បានទាក់ទងទៅម្ដាយ ។ ម៉ូតូ និងសម្ភារៈបន្សល់ទុក ត្រូវបាននគរបាលយកទៅរក្សាទុក ដើម្បីប្រគល់ជូនក្រុមគ្រួសារ ។ នៅល្ងាចនោះដែរ ក៏ឃើញស្ត្រីជាម្ដាយ និងក្រុមគ្រួសារ ក៏បានធ្វើដំណើរទៅដល់ស្ពានជ្រោយចង្វារ ទួញយំសោកអាលោះអាល័យ មិនគួរកូនស្រីជាទីស្រឡាញ់ គិតខ្លីបែបនេះ ។
តាមស្ត្រីជាម្ដាយ ក៏បានប្រាប់ឲ្យដឹងថា មូលហេតុដែលកូនស្រីរបស់គាត់លោតទឹកសម្លាប់ខ្លួន ដោយសារតូចចិត្តខ្លួនឯង ដែលគាត់ស្តីបន្ទោសរឿងកូនស្រីមិនចូលរៀនកុំព្យូទ័រ បន្ទាប់ពីលោកគ្រូ បានទូរសព្ទមកប្រាប់ ។
តាមព័ត៌មានឲ្យដឹងទៀតថា នៅវេលាល្ងាចថ្ងៃកើតហេតុ ក្រុមគ្រួសារក៏បានជួលទូកជនជាតិអ៊ីស្លាម ជួយងូតរាវរក និងស្វែងរកនៅតាមដងទន្លេរហូតមកដល់ថ្ងៃទី២៨ខែធ្នូ នេះ មិនទាន់ឃើញនៅឡើយដោយទឹកហូរខ្លាំងពេក ៕
ចែករំលែកព័តមាននេះ