រដ្ឋមន្ត្រីក្រសួងទេសចរណ៍ លោក ហួត ហាក់ បាននិយាយថ្មីៗនេះ នៅក្នុងអំឡុងពេលបុណ្យសមុទ្រនៅកំពតថា ប្រទេសកម្ពុជាបានកត់ត្រាការមកដល់របស់ភ្ញៀវទេសចរអន្តរជាតិ មានចំនួនដល់ទៅ៦លាននាក់ ក្នុងអំឡុងខែមករា ដល់ខែវិច្ឆិកា…
រដ្ឋមន្ត្រីក្រសួងទេសចរណ៍ លោក ហួត ហាក់ បាននិយាយថ្មីៗនេះ នៅក្នុងអំឡុងពេលបុណ្យសមុទ្រនៅកំពតថា ប្រទេសកម្ពុជាបានកត់ត្រាការមកដល់របស់ភ្ញៀវទេសចរអន្តរជាតិ មានចំនួនដល់ទៅ៦លាននាក់ ក្នុងអំឡុងខែមករា ដល់ខែវិច្ឆិកា ឆ្នាំ២០២៤ ពោល គឺកើនឡើ២២ភាគរយ ។
លោកបាននិយាយថា ផ្អែកលើតួលេខនេះកម្ពុជាត្រូវបានគេព្យាករណ៍ថា នឹងទទួលបានភ្ញៀវបរទេសប្រមាណ៦,៧ លាននាក់ ក្នុងឆ្នាំ២០២៤ ដែលនឹងលើសពីកម្រិតមុនការរាតត្បាតនៃកូវីដ-១៩ នៅឆ្នាំ២០១៩ ។
នេះ គឺជាសមិទ្ធផលនៃកិច្ចប្រឹងប្រែងរបស់រាជរដ្ឋាភិបាល ក្រសួង វិស័យឯកជន និងស្ថាប័នពាក់ព័ន្ធព្រមទាំងប្រជាពលរដ្ឋនានាបានចូលរួមទើបយើងអាចសម្រេចបាននូវលទ្ធផលដ៏ត្រចះត្រចង់បែបនេះ ។
ប៉ុន្តែទន្ទឹមនឹងជោគជ័យនេះ យើងគួរតែបន្តរិះគិតរួមគ្នាមួយជំហានទៀត ដើម្បីធ្វើយ៉ាងណាបង្កើនការទាក់ទាញអ្នកថ្មីឲ្យមកបន្ថែមទៀត ហើយធ្នាក់ចិត្តអ្នកទេសចរចាស់ឲ្យវិលត្រឡប់មកលេងកម្សាន្ត និងរីករាយនៅក្នុងដំណើរទេសចរណ៍នៅកម្ពុជាជាថ្មី ។
រឿងទេសចរណ៍នេះ កម្ពុជាត្រូវមានយុទ្ធសាស្ត្រច្បាស់លាស់ ក្នុងការទាក់ទាញទេសចរថ្មី និងរក្សាអោយបានច្រើនទេសចរចាស់ដោយអោយគេបន្តមកលេងកម្ពុជាទៀត ។ បើទេសចរថ្មីចេះតែកើនឡើង ហើយទេសចរចាស់ចេះតែបន្តមកទៀតនោះ កម្ពុជានឹងកើបលុយពីវិស័យទេសចរណ៍ ៕
ចែករំលែកព័តមាននេះ