រាជធានីភ្នំពេញ ៖ លោកជំទាវ ភឿន សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានគូសបញ្ជាក់ថា ពិព័រណ៍សៀវភៅ ឆ្នាំ២០២៤នេះ…
រាជធានីភ្នំពេញ ៖ លោកជំទាវ ភឿន សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានគូសបញ្ជាក់ថា ពិព័រណ៍សៀវភៅ ឆ្នាំ២០២៤នេះ គឺជាព្រឹត្តិការណ៍សំខាន់បំផុត សម្រាប់ការជួបគ្នា រវាងអ្នកនិពន្ធ អ្នកអាន និងអ្នកបោះពុម្ព ដើម្បីដកស្រង់បទពិសោធន៍ពីគ្នា ។
ថ្លែងក្នុងពិធីសម្ភោធពិព័រណ៍សៀវភៅ លើកទី១១ ឆ្នាំ២០២៤ ក្រោមប្រធានបទ ៖ «អ្នកអានជាអ្នករៀនពេញមួយជីវិត» នាព្រឹកថ្ងៃទី១៩ ខែធ្នូ ឆ្នាំ២០២៤ នៅកោះពេជ្រ លោកជំទាវ ភឿន សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានលើកឡើងថា ការ ចូលរួមពិព័រណ៍ ស្នាដៃសៀវភៅ នៅក្នុងឱកាសនេះ បានបង្ហាញពីសកម្មភាពគាំទ្រ និងលើកទឹកចិត្តអ្នកនិពន្ធ អ្នកស្រាវជ្រាវ អ្នកបោះពុម្ពផ្សាយ ដែលខិតខំលះបង់ ទាំងពេលវេលាទាំងកម្លាំងកាយ ចិត្ត ប្រាជ្ញា ស្មារតីរបស់ខ្លួន ដើម្បីអប់រំ វិស័យវប្បធម៌ និងផ្តល់ចំណេះដឹងដល់មនុស្សជាតិ និងសង្គមជាតិ ទាំងមូល ។
លោកជំទាវ រដ្ឋមន្ត្រី បានបន្ថែមថា អស់រយៈពេលជាច្រើនឆ្នាំមកហើយ ក្រសួងវប្បធម៌ បានខិតខំរៀបចំការដាក់ពិព័រណ៌ជាច្រើន។ ដោយឡែក ការរៀបចំពិព័រណ៌សៀវភៅនៅពេលនេះ មានគោលបំណង ដូចជា ៖
១.ជួយអភិរក្ស អក្សសាស្ត្របុរព្វបុរសខ្មែរឲ្យកាន់តែខ្ពង់ខ្ពស់។
២.ជំរុញ និងលើកកម្ពស់ នៃការអាន ការតែងពិន្ធ និងបោះពុម្ពសៀវភៅ ។
៣.ស្វែងយល់ពីទឹ កចិត្តរបស់ ប្រជាពលរដ្ឋ ពិសេសយុវជន ឲ្យយល់ដឹងពីគុណតម្លៃអរក្សសាស្ត្រជាតិ ឲ្យចូលរួមការអាន និងការសរសេឲ្យកាន់តែច្រើន។
៤.ជំរុញឲ្យប្រជាជនខ្មែរមានទម្លាប់ឲ្យប្រជាជនខ្មែរក្នុងការ អានសៀវភៅ និងជាសារមួយបញ្ជូនទៅយុវជនឲ្យស្គាល់ពីគុណតម្លៃនៃការអាន ដើម្បីអភិវឌ្ឍន៍ចំណេះដឹង និងផ្តើមគំនិតការសិក្សា និងការងារ។
៥.គាំទ្រនិងស្វែងករទីផ្សារនៃការ បោះពុម្ព សៀវភៅ និងក្នុងប្រទេស និងអន្តរជាតិ។
លើសពីនេះវាបានចូលរួមលើកកម្ពស់ ពីគោលនយោបាយជាតិ ស្តីពីវប្បធម៌ ដែលចែងអំពីការយកចិត្តទុកដាក់ចំពោះការលើកកម្ពស់ផ្នែកអក្សសាស្ត្រ និងអក្សសិល្ប៍ ក្នុងការគាំទ្រ និងលើកទឹកចិត្តក្នុងការបោះពុម្ពលើស្នាដៃថ្មីៗ ។
លោកជំទាវ បានបន្តថា ពិព័រណ៍សៀវភៅ នៅឆ្នាំ២០២៤ មានរយៈពេល៤ថ្ងៃ គឺចាប់ផ្តើមពីថ្ងៃទី១៩ ដល់២២ ខែធ្នូ ឆ្នាំ២០២៤។ ព្រឹត្តិការណ៍មានសារៈសំខាន់ និងប្រយោជន៍បំផុត ព្រោះជាទិវាជួបជុំរវាងអ្នកនិពន្ធ អ្នកអាន អ្នកបោះពុម្ពផ្សាយ អង្កការសមាគមន៍ដែលធ្វើការ ពាក់ព័ន្ធ នឹងសៀវភៅ អនុរក្ស អ្នកស្រាវជ្រាវ សិស្ស និស្សិត បញ្ញាវ័ន្ត និងប្រជាជនទូទាំង ។
លោកជំទាវ បញ្ជាក់ថា ៖ «តាមរយៈជំនួបនេះ នឹងជួយឲ្យពួកគេ បានជជែកពិភាក្សាដក់ស្រង់ យកពិសោធន៍ពីគ្នា ទៅវិញទៅមកពីតម្រូវខ្វះខាត និងផលវិបាក ទាំងពីភាគីអ្នកអាន អ្នកនិពន្ធ ព្រមទាំងជួយបណ្តុះទឹកចិត្តកូនខ្មែរ ឲ្យមានទឹកចិត្តក្នុងទម្លាប់ស្រឡាញ់ការ និងការសរសេរ» ។
ចំណែកឯកឧត្តមបណ្ឌិតសភាចារ្យ ហង់ ជួនណារ៉ុន ឧបកនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានថ្លែងថាសៀវភៅ ដែលបោះពុម្ពផ្សាយ គឺជាការឆ្លុះបញ្ចាំង នៃការអភិវឌ្ឍ សេដ្ឋកិច្ច សង្គមរបស់ប្រទេស ។
ឯកឧត្តម ឧបនាយករដ្ឋមន្ត្រី បញ្ជាក់ថា ៖ «បើសិន គ្មានសៀវភៅនោះទេ យើងក៏មិនអាចផ្ទេរចំណេះដឹង ពីមួយជំនាន់ទៅមួយជំនាន់ដែរ ដូច្នេះសៀវភៅ មានការចាំបាច់ទាំងការផ្សព្វផ្សាយ នូវចំណេះដឹងទូទៅផ្នែកចំណេះវិទ្យាសាស្ត្របច្ចេកវិទ្យា ពិសេសផ្សព្វផ្សាយ នូវវប្បធម៌ និងអក្សសាស្ត្រជាតិ» ។
ឯកឧត្តម បានលើកឡើងថា ការពិព័រណ៍សៀវភៅ នៅពេលនេះ គឺក៏ជាការលើកទឹកចិត្តដល់អ្នកពិន្ធសរសេរ ឲ្យអ្នកអានបានអានហើយ ដើម្បីលើកស្ទួយខឿនវប្បធម៌ អរិយធម៌របស់ប្រទេសយើងផងដែរ។ បើយើងមើលទៅសម័យអង្គរ ដែលបានកន្លងផុតរាប់រយពាន់ឆ្នាំមកហើយ ប៉ុន្តែបានបន្សល់ទុកតាមរយៈ នូវផ្ទាំងសិលាចារឹក នៅតាមជញ្ជាំងថ្ម ។
ឯកឧត្តម បញ្ជាក់បន្ថែមថា ៖ «បើគ្មានសៀវភៅ ហើយគ្មានអ្នកអាន ក៏គ្មានអ្នកចេះដែរ អ៊ីចឹងតួនាទីរបស់ប្រទេសមួយ គឺត្រូវរៀបចំឲ្យមានសៀវភៅ និងបណ្តុះបណ្តាលឲ្យមានអ្នកចេះដឹង ដែលដើរតួនាទីសំខាន់ ក្នុងការអភិវឌ្ឍជាតិ» ។
សូមជម្រាបថា បើតាមលោក ហុក សុទ្ធិ សមាជិកគណៈកម្មការពិព័រណ៌សៀវភៅ បានឲ្យដឹងនៅពេលកន្លងមកថា ចំនួនស្តង់ ដែលដាក់តាំងពិព័រណ៌សៀវភៅ នៅឆ្នាំ២០២៤ មានចំនួនកើន ជាងឆ្នាំកន្លងមកនេះ មានចំនួន២៩២ស្តង់ និង២០ស្តង់ជាកន្លែងសម្រាប់លក់ភេជ្ជៈ និងអាហារផ្សេងៗ ។
លោកបន្តថា ឆ្នាំនេះ នឹងមានចំនួនកើនច្រើនជាឆ្នាំទៅ ហើយស្តង់សៀវភៅ ឆ្នាំទៅ មិនបាន២៥០ស្តង់ផង ខណៈឆ្នាំនេះ មានចំនួនច្រើនផងដែរ ខណៈឆ្នាំទៅ មានអ្នកចូលរួម ប្រមាណជាង ២០ម៉ឺននាក់ ដែលជាចំនួនច្រើនណាស់ ក្នុងយៈពេល៤ថ្ងៃ ៕
ចែករំលែកព័តមាននេះ