ខេត្តបន្ទាយមានជ័យ ៖ ក្នុងឱកាសបុណ្យឆ្លងឆ្នាំសកល ដែលជាការត្រៀមស្វាគមន៍ឆ្នាំ២០២៥ខាងមុខនេះ នៅក្រុងប៉ោយប៉ែត មានការចំភ្លើងពណ៌នៅតាមបរិវេណកាស៊ីណូ និងតំបន់កម្សាន្តដែលជាកន្លែងទាក់ទាញភ្ញៀវ ។ ប្រជាពលរដ្ឋក្នុងភាពរីករាយបានសាទរចំពោះការរៀបចំសោភ័ណភាពសម្រាប់ថ្ងៃឆ្លងឆ្នាំសកលនេះ ដោយមានការរៀបចំភ្លើងពណ៌នៅបរិវេណកាស៊ីណូផ្កាយ៥…
ខេត្តបន្ទាយមានជ័យ ៖ ក្នុងឱកាសបុណ្យឆ្លងឆ្នាំសកល ដែលជាការត្រៀមស្វាគមន៍ឆ្នាំ២០២៥ខាងមុខនេះ នៅក្រុងប៉ោយប៉ែត មានការចំភ្លើងពណ៌នៅតាមបរិវេណកាស៊ីណូ និងតំបន់កម្សាន្តដែលជាកន្លែងទាក់ទាញភ្ញៀវ ។
ប្រជាពលរដ្ឋក្នុងភាពរីករាយបានសាទរចំពោះការរៀបចំសោភ័ណភាពសម្រាប់ថ្ងៃឆ្លងឆ្នាំសកលនេះ ដោយមានការរៀបចំភ្លើងពណ៌នៅបរិវេណកាស៊ីណូផ្កាយ៥ និងភោជនីយដ្ឋាននានាបានរៀបចំយ៉ាងស្អាតសម្រាប់ទាក់ទាញភ្ញៀវដែលដើរលេងកម្សាន្ត ។ ប្រជាពលរដ្ឋនិយាយថា ការរៀបភ្លើងចម្រុះពណ៌ក្នុងឱកាសបុណ្យឆ្លងឆ្នាំ ពិតជាដូចកាលពីមុនមានការឆ្លងរាលដាលនៃជំងឺកូវីដ-១៩ដែរ ។
នៅបរិវេណកាស៊ីណូផ្កាយប្រាំ មានការរៀបចំភ្លើងពណ៌តាមដងផ្លូវ មុខកាស៊ីណូ និងភោជនីយដ្ឋាននានាក្នុងក្រុងប៉ោយប៉ែត ដែលពិតជាស្រស់ស្អាតគួរឱ្យទាក់ទាញ ។ ប្រជាពលរដ្ឋនិយាយថា ការរៀបចំភ្លើងពណ៌លម្អតាមដងផ្លូវនិងក្នុងបរិវេណកាស៊ីណូផ្កាយប្រាំនេះ រហូតមកដល់ថ្ងៃទី១៨ ខែធ្នូ ឆ្នាំ២០២៤ទោះបីទើបបានប្រមាណ៥០ភាគរយ ក៏ឃើញថាពិតជាស្រស់ស្អាត ដូចជានៅផ្សារទឹកពុះ មានការលក់ដូរម្ហូបអាហារទល់ភ្លឺ ហើយមានភ្ញៀវចេញចូលច្រើនគួរឱ្យកត់សម្គាល់ ។
អ្វីដែលពិសេសទៀតនោះ គឺពេលវេលាថ្ងៃឆ្លងឆ្នាំនោះ ការរាប់ថយក្រោយ១០វិនាទី ដើម្បីស្វាគមន៍ការមកដល់នៃឆ្នាំថ្មីឆ្នាំ២០២៥ ៕
ចែករំលែកព័តមាននេះ