បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ដែលខ្ចីម៉ូតូអ្នកជិតខាងទៅជិះ យកលក់បាន៣៥០ដុល្លារស៊ីចាយអស់គ្មានសល់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៥ ខែធ្នូ ឆ្នាំ២០២៤ ។ លោកវរៈសេនីយ៍ត្រី…
បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ដែលខ្ចីម៉ូតូអ្នកជិតខាងទៅជិះ យកលក់បាន៣៥០ដុល្លារស៊ីចាយអស់គ្មានសល់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៥ ខែធ្នូ ឆ្នាំ២០២៤ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យមានឈ្មោះ ចាន់ ផេង ហៅប៊យ ភេទប្រុស អាយុ១៩ឆ្នាំ រស់នៅភូមិប៉ាលិលេយ្យ សង្កាត់/ក្រុងប៉ោយប៉ែត ។
លោកបានបញ្ជាក់ថា ៖ ក្រោយទទួលពាក្យបណ្តឹងឈ្មោះ ឌួង ហួត ភេទប្រុស អាយុ៤៦ឆ្នាំ រស់នៅភូមិជាមួយគ្នាបានប្តឹងជនសង្ស័យដែលជាអ្នកជិតខាងបានខ្ចីម៉ូតូ១គ្រឿងជិះទៅទិញអីវ៉ាន់មួយភ្លេតយកទៅបាត់ឈឹង កាលពីថ្ងៃទី០៧ ខែធ្នូ ឆ្នាំ២០២៤ នៅចំណុចភូមិប៉ាលិលេយ្យ សង្កាត់/ក្រុងប៉ោយប៉ែត ហើយគេចខ្លួនរហូតត្រូវបានកម្លាំងមូលដ្ឋានកងរាជអាវុធហត្ថក្រុងប៉ោយប៉ែតស្រាវជ្រាវឃាត់ខ្លួនជនសង្ស័យនិងដកហូតម៉ូតូ១គ្រឿង នៅថ្ងៃទី១២ ខែធ្នូ ឆ្នាំ២០២៤នៅភូមិ/សង្កាត់ខាងលើ ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយឃាត់ខ្លួនជនសង្ស័យ និងដកហូតម៉ូតូ១គ្រឿងបាននាំយកសាកសួរតាមចម្លើយសារភាពខ្លួនពិតជាបានខ្ចីម៉ូតូអ្នកជិតខាង១គ្រឿង ហើយយកទៅលក់បានតម្លៃចំនួន៣៥០ដុល្លារបានយកទៅចាយអស់គ្មានសល់មួយរៀលទេ ក្រោយសាកសួរហើយបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់ ៕
ចែករំលែកព័តមាននេះ