រាជធានីភ្នំពេញ ៖ សមត្ថកិច្ចបានឃាត់ខ្លួនយុវជនជាទំនើ.ងម្នាក់ ដែលបានជិះម៉ូតូនៅលើផ្លូវល្បឿនលឿនមកអប់រំនិងអនុវត្តនីតិវិធីបន្ត ។ នេះបើតាមអ្នកនាំពាក្យក្រសួងសាធារណការ និងដឹកជញ្ជូន ។ លោក ផន…
រាជធានីភ្នំពេញ ៖ សមត្ថកិច្ចបានឃាត់ខ្លួនយុវជនជាទំនើ.ងម្នាក់ ដែលបានជិះម៉ូតូនៅលើផ្លូវល្បឿនលឿនមកអប់រំនិងអនុវត្តនីតិវិធីបន្ត ។ នេះបើតាមអ្នកនាំពាក្យក្រសួងសាធារណការ និងដឹកជញ្ជូន ។
លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងថ្ងៃទី១២ ធ្នូ ឆ្នាំ២០២៤ថា ៖ ខ្ញុំបាទ សូមជម្រាបជូនសាធារណជន ជាពិសេសអ្នកប្រើប្រាស់ផ្លូវល្បឿនលឿនភ្នំពេញ-ព្រះសីហនុ មេត្តាជ្រាបថា នាល្ងាចថ្ងៃទី១១ ខែធ្នូ ២០២៤ នៅច្រកចូលកំពង់ស្ពឺកើត គ.ម ២៦ មានករណីក្មេងទំនើ.ង(មិនមានសាធាតុញៀ.ន ) បានបើកម៉ូតូសម្រុកចូលផ្លូវល្បឿនលឿនយ៉ាងកំរិល ដែលជាប្រភេទម៉ូតូមិនអនុញ្ញាតឲ្យប្រើប្រាស់ផ្លូវល្បឿនលឿន ។
លោកបញ្ជាក់ថា៖«នគរបាលចរាចរណ៍ផ្លូវល្បឿនលឿនបានចេញប្រតិបត្តិការបន្ទាន់ ដោយចាប់ឃាត់ និងហៅអាណាព្យាបាលមកណែនាំ និងអនុវត្តតាមនីតិវិធី» ។
ជាមួយគ្នា អ្នកនាំពាក្យបានបញ្ជាក់ថា ចំពោះយានជំនិះម៉ូតូ ដែលអាចធ្វើដំណើរលើផ្លូវលឿនលឿនបានលុះត្រាទោចក្រយានយន្តនោះទំហំស៊ីឡាំង ចាប់ពី៥០០cc ឬកម្លាំងម៉ូទ័រ ២៧kW ឡើងទៅនឹងត្រូវភ្ជាប់មកជាមួយឯកសារសំខាន់ៗមួយចំនួន ។
ដើម្បីស្នើសុំលតាបត្រអនុញ្ញាតទោចក្រយានយន្តទំហំស៊ីឡាំង ចាប់ពី៥០០cc ឬកម្លាំងម៉ូទ័រ២៧kWឡើងទៅធ្វើដំណើរលើផ្លូវល្បឿនលឿន ពលរដ្ឋខ្មែរត្រូវភ្ជាប់មកជាមួយឯកសារដូចជា បណ្ណសម្គាល់យានជំនិះ និងអត្តសញ្ញាណប័ណ្ណម្ចាស់កម្មសិទ្ធិ ។ ចំណែកឯជនបរទេសត្រូវភ្ជាប់មកជាមួយបណ្ណសម្គាល់ទោចក្រយានយន្ត លិខិតឆ្លងដែន និងទិដ្ឋាការមានសុពលភាព និងលិខិតបញ្ជាក់ទីលំនៅចេញដោយមេឃុំ/ចៅសង្កាត់ ៕
ចែករំលែកព័តមាននេះ