រាជធានីភ្នំពេញ ៖ មហាជន ជាពិសេសបណ្តាអ្នកលេងបណ្តាញសង្គមបានសម្តែងការភ្ញាក់ផ្អើលយ៉ាងខ្លាំង បន្ទាប់ពីឃើញបេក្ខភាពតំណាងឲ្យប្រទេសកម្ពុជានាង ដេត ស្រីនាឌ បានប្រកាសធ្វើពលិការមិនចូលរួមប្រកួតវគ្គផ្តាច់ព្រ័តនៃកម្មវិធី Miss Planet…
រាជធានីភ្នំពេញ ៖ មហាជន ជាពិសេសបណ្តាអ្នកលេងបណ្តាញសង្គមបានសម្តែងការភ្ញាក់ផ្អើលយ៉ាងខ្លាំង បន្ទាប់ពីឃើញបេក្ខភាពតំណាងឲ្យប្រទេសកម្ពុជានាង ដេត ស្រីនាឌ បានប្រកាសធ្វើពលិការមិនចូលរួមប្រកួតវគ្គផ្តាច់ព្រ័តនៃកម្មវិធី Miss Planet lnternational 2024 ដែលនឹងធ្វើឡើងនៅថ្ងៃទី២៧ ខែវិច្ឆិកានេះ ។
យ៉ាងណា ពាក់ព័ន្ធនឹងការសម្រេចដកខ្លួនមិនចូលរួមប្រកួតវគ្គផ្តាច់ព្រ័ត នាពេលនេះ ដេត ស្រីនាឌ នៅមិនទាន់បានបញ្ជាក់ពីមូលហេតុនៅពីក្រោយខ្នងនេះឡើយ ក្នុងពេលដែលមហាជនបានសម្តែងការសោកស្តាយយ៉ាងខ្លាំង ក្រោយទទួលដំណឹងមួយនេះ ។
នៅលើបណ្តាញសង្គម ដេត ស្រីនាឌ បានបង្ហោះសារថា ជម្រាបសួរប្រជាជនកម្ពុជា នាងខ្ញុំ ដេត ស្រីនាឌ ជាបវរកញ្ញាភពផែនដីប្រចាំប្រទេសកម្ពុជា Miss Planet Cambodia 2024 បានសម្រេចចិត្តថា ធ្វើពលិការ មិនចូលរួមប្រគួត Miss Planet lnternational 2024 នេះបន្តទៀតទេ នៅថ្ងៃទី២៧ ខែវិច្ឆិកា ឆ្នាំ២០២៤ ។ នាងខ្ញុំសូមអរគុណដល់ ពុកម៉ែ បង ប្អូន លោកយាយ លោកតា ជាទីស្រលាញ់ទាំងអស់ ដែលតែងតែគាំទ្រ និងផ្ដល់នូវកម្លាំងចិត្តមកឱ្យរូបនាងខ្ញុំ តាំងពីដើមរហូតមកដល់ចំណុចមួយនេះ នាងខ្ញុំសូមគោរពអរគុណប្រជាជនកម្ពុជា ។
ជាការកត់សម្គាល់សម្រាប់ការប្រកាសដកខ្លួនពីការប្រកួតត Miss Planet lnternational 2024 របស់ ដេត ស្រីនាឌ នាពេលនេះបានធ្វើឲ្យមហាជនជាច្រើនបានសម្តែងការភ្ញាក់ផ្អើលយ៉ាងខ្លាំងក្នុងពេលដែលម្នាក់ៗហាក់សម្តែងការមិនពេញចិត្តចំពោះការដកខ្លួន នាពេលនេះរបស់ដេត ស្រីនាឌ ។ អ្នកខ្លះបានលើកឡើងតាមរយៈខំមិនពីក្រោមការបង្ហោះរបស់ដេត ស្រីនាឌ ថា នេះជាលើកទី២ហើយ ហើយឲ្យតែតំណាងប្រទេស គឺមិនដែលធ្វើឲចប់សោះម៉េចចឹង?
ក្នុងពេលដែលក៏មានអ្នកខ្លះក៏បានដាក់ជាចម្ងល់ថា ម៉េចក៏មិនដកខ្លួនតាំងពីដំបូង ។ អ្នកខ្លះបានលើកឡើងទៀតថា មានរឿងអ្វីនិយាយគ្នាបានតើនាឌ ចាំបាច់ធ្វើដល់ថ្នាក់ហ្នឹង? នេះយើងជាម្ចាស់ផ្ទះ ហើយម្ចាស់កម្មវិធីណា មិនមែនលេងសើចទេ? ខាងកម្មវិធី គេធ្វើបាបមែន បានដល់ថ្នាក់ប្រើពាក្យពលិការ? ។ មិនថា ក្នុងកាលៈទេសៈ ឬហេតុផលអ្វីក៏ដោយ មិនគួរពលិការនៅថ្ងៃ Final ទេ បើមិនតាំងចិត្តទេ ត្រូវឈប់តាំងពីមុនដំបូង ការងារបែបកូនក្មេង មិនមែនជារឿងលេងសើចទេ ។ យប់នឹង final ហើយតស៊ូអោយចប់ចុងចប់ដើមទៅ លើកពាក្យពលិការវាធ្ងន់ណាស់ ដូចកម្មវិធី (អាច៎សុទ្ធ) ។ យើងជាម្ចាស់ផ្ទះបានម្កុដមិនបានម្កុដ ក៏ត្រូវតែតស៊ូអោយចប់ចុងចប់ដើមដែរ ! ស្រីនាដធ្វើបែបនេះលក់មុខជាតិសាសន៍ឯង១ប្រទេសហើយប្អូន ហើយបើប្អូនបានឃើញនឹកគិតសារឡើងវិញពីប្រទេសជាតិជាធំសិន ចប់កម្មវិធី ដោះស្រាយដោយសន្តិវិធី កុំប្រព្រឹត្តអសីលធម៍ដូចម្ចាស់កម្មវិធីអន្តរជាតិខ្លះ សូមអង្វរ ។
យ៉ាងណាទន្ទឹមនឹងមតិរិះគន់ខាងលើនេះគេក៏ឃើញមានមហាជនមួយចំនួនបានចេញមុខការពារចំពោះដេត ស្រីនាឌ ផងដែរ ដោយពួកគេបានធ្វើការឆ្លើយតបថា គាត់មិនមែនលក់មុខប្រទេសទេ បញ្ហាមកពីខាងក្រុមហ៊ុន បើចង់ដឹងសូមបងសួរទៅខាងក្រុមហ៊ុនទៅដឹងហើយ ។
យ៉ាងណាពាក់ព័ន្ធបញ្ហាខាងលើនេះផេកហ្វេសប៊ុកផ្លូវការ Miss planet cambodia បានបង្ហោះសារថា យើងពិតជាសុំការអធ្យាស្រ័យដល់សំណាក់ពុកម៉ែបងប្អូនកម្ពុជានឹងបណ្តាលអ្នកគាំទ្រគ្រប់គ្នាថា កញ្ញា ខន សុវណ្ណសុនីតា ដែលជាលំដាប់រងទី១ នឹងបន្តការប្រកួតតំណាងអោយប្រទេសកញ្ញាក្នុងនាមជាបវរកញ្ញាភពផែនដីឆ្នាំ 2024 ដោយហេតុកញ្ញា ដេត ស្រីនាថ មានបញ្ហាសុខភាពនៅគេងមន្ទីរពេទ្យមិនអាចចូលរួមប្រកួតបាន ។
ជាចុងក្រោយពួកយើងសូមអរគុណដល់បណ្តាលអ្នកគាំទ្រដែលយោគយល់នឹងនៅតែបន្តគាំទ្រដល់បវរកញ្ញាភពផែនដីនៃកម្ពុជាឆ្នាំ២០២៤៕
ចែករំលែកព័តមាននេះ