ខេត្តសៀមរាប ៖ វត្តដំណាក់ មានទីតាំងស្ថិតនៅតាមបណ្តោយដងស្ទឹងសៀមរាប ត្រើយម្ខាងផ្សារចាស់ ក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប ក្រោមកិច្ចខិតខំប្រឹងប្រែង…
ខេត្តសៀមរាប ៖ វត្តដំណាក់ មានទីតាំងស្ថិតនៅតាមបណ្តោយដងស្ទឹងសៀមរាប ត្រើយម្ខាងផ្សារចាស់ ក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប ក្រោមកិច្ចខិតខំប្រឹងប្រែង និងយកចិត្តទុកដាក់ពីសំណាក់ថ្នាក់ដឹកនាំ មន្ត្រីជំនាញ នៃអាជ្ញាធរជាតិអប្សរា ព្រះវិហារ ដែលបានជួសជុលមួយរយៈកន្លងមក បច្ចុប្បន្នគឺបានរួចរាល់១០០ភាគរយហើយ នេះបើយោងតាមអាជ្ញាធរជាតិអប្សរា ចេញផ្សាយនៅថ្ងៃទី១៩ ខែវិច្ឆិកា ឆ្នាំ២០២៤ ។
អាជ្ញាធរជាតិអប្សរា សង្ឃឹមយ៉ាងមុតមាំថា ក្រោយការជួសជុល សំណង់ព្រះវិហារនេះ អាចបំពេញតួនាទីរបស់ខ្លួនបន្តទៅទៀត សម្រាប់ពុទ្ធសាសនិកចូលបំពេញបុណ្យ ក៏ដូចជាព្រះសង្ឃបំពេញកិច្ចវត្ត និងផ្តល់ប្រយោជន៍ដល់ការសិក្សាស្រាវជ្រាវ និងការសិក្សារៀនសូត្រ ជាពិសេស រក្សាបាននូវមរតកពីបុរាណ ព្រមទាំងអាចទាក់ទាញចំណាប់អារម្មណ៍របស់ទេសចរមកទស្សនាស្វែងយល់បន្ថែម ក្រៅពីសំណង់ប្រាសាទបុរាណរបស់យើងផងដែរ ៕
ចែករំលែកព័តមាននេះ