ខេត្តសៀមរាប ៖ សាងការចាប់អារម្មណ៍ជាខ្លាំងសម្រាប់អ្នកខេត្តសៀមរាប ក្រោយទូកងវត្តអារញ្ញសាគរទោះមិនឈ្នះការប្រកួតក៏ពិតមែន តែវត្តមួយនេះ នៅតែធ្វើពិធីហែមកវិញយ៉ាងសប្បាយរីករាយ កាត់មាត់ស្ទឹងសៀមរាប ដោយមានការចាប់អារម្មណ៍ពីរភ្ញៀវបរទេសជាខ្លាំង នៅតាមបណ្តាយស្ទឹងសៀមរាប ក្រោយចៅអធិការវត្តពោលថា…
ខេត្តសៀមរាប ៖ សាងការចាប់អារម្មណ៍ជាខ្លាំងសម្រាប់អ្នកខេត្តសៀមរាប ក្រោយទូកងវត្តអារញ្ញសាគរទោះមិនឈ្នះការប្រកួតក៏ពិតមែន តែវត្តមួយនេះ នៅតែធ្វើពិធីហែមកវិញយ៉ាងសប្បាយរីករាយ កាត់មាត់ស្ទឹងសៀមរាប ដោយមានការចាប់អារម្មណ៍ពីរភ្ញៀវបរទេសជាខ្លាំង នៅតាមបណ្តាយស្ទឹងសៀមរាប ក្រោយចៅអធិការវត្តពោលថា «ការប្រកួតមានឈ្នះចាញ់ជារឿងធម្មតា» ។
ជាការពិត ទូកវត្តអារញ្ញសាគរ ដែលឈ្មោះពេញថា « អារញ្ញសាគរ បវរធិបតី សេ្តចដំរីស ភ្លុកខៀវ » ដែលបានត្រឹមប្រកួតត្រឹមថ្នាក់ខេត្តក៏ពិតមែន តែវត្តមួយនេះសង្ឃឹមថានឹងធ្វើអោយបានល្អជាងនេះ ដើម្បីរក្សាប្រពៃណីវប្បធម៌ខ្មែរ និងរៀបចំអោយកាន់ប្រសើរដើម្បីទាក់ទាញភ្លៀវទេសចរបរទេសដូចជា នាពេលកន្លងទៅ ។
តាមរយៈបទសម្ភាសន៍ជាមួយនឹងសារព័ត៌មានកោះសន្តិភាព ព្រះចៅអធិការវត្ត ព្រះវិភត្តិមុនីញាណ ហ៊ាក់ គឹមហ៊ត់ មានថេរដីកាថា ឆ្នាំ២០២៤នេះ អាត្មាព្រះគ្រូចៅអធិការចង់សាកល្បងចូលរួមអោយទូកវត្តអារញ្ញសាគរបានប្រកួតនឹងគេ ដើម្បីអបអរសាទរពិធីបុណ្យអុំទូក ក្នុងខេត្តសៀមរាប ទោះឈ្នះចាញ់ក៏រៀបចំហែទៅចូលរួម និងហែមកវត្ត ដើម្បីលើកស្ទួយថែរក្សាប្រពៃណីវប្បធម៌ទំនៀមទម្លាប់ដូនតាខ្មែរយើង ដោយចង់ទុកឱ្យក្មេងៗជំនាញក្រោយបានដឹង និងស្គាល់ ។
គុណម្ចាស់ចៅអធិការវត្តអារញ្ញសាគរបន្តទៀតថា ព្រោះកាលពីជាង២០មុន វត្តអារញ្ញសាគរក៏មានទូកង ដែលធ្លាប់ចូលរួមប្រកួតនៅមុខអង្គរវត្ត តាំងពីឆ្នាំ១៩៩៥ ។ គុណម្ចាស់បន្តថេរដីកាទៀតថា ចំពោះការប្រកួត បើទោះបីជាឈ្នះ ឬចាញ់ មិនជាបញ្ហានោះទេ ដោយឆ្នាំក្រោយៗនឹងចូលរួមប្រកួតទៀត ដើម្បីជាការចូលរួមចំណែកលើកស្ទួយនូវអ្វីដែលខ្មែរមាន និងបានបង្ហាញដល់ភ្ញៀវជាតិ និងអន្តរជាតិនូវប្រពៃណីទំនៀមទម្លាប់ខ្មែរ បង្កបរិយាកាសសប្បាយរីករាយក្នុងព្រះរាជ្យពិធីបុណ្យអុំទូក អកអំបុក សំពះព្រះខែ បណ្តែតប្រទីបទាំងអស់គ្នា ។
ព្រះចៅអធិការវត្ត ហ៊ាក់ គឹមហ៊ត់ បន្តថា ការប្រកួតកាលពីកន្លងទៅ គឺបានប្រកួតត្រឹមថ្នាក់ខេត្តប៉ុណ្ណោះ ដោយក្នុងនោះទូកងនៃវត្តអាញ្ញសាគរក៏ទទួលបានលិខិតសរសើរពីថ្នាក់នាំខេត្ត កាលពីកន្លងទៅដែលមានការចូលរួមទស្សនាយ៉ាងច្រើនកោះករពីសំណាក់ភ្លៀវជាតិ និងអន្តរជាតិដែលអញ្ជើញមកទស្សនានាទឹកដីខេត្តសៀមរាបផ្ទាល់ ។
គួរបញ្ជាក់ដែរថា ទូកងនៃវត្តអាញ្ញសាគរមានការអាក់ខានការប្រកួតច្រើនឆ្នាំមកហើយ ទើបតែឆ្នាំនេះតែប៉ុណ្ណោះ ដែលមានការរៀបចំពីព្រះចៅអធិការវត្ត ដែលមានចំនួន២ទូក មានចំណុះជើងប្រមាណជា ៦០នាក់ដែលបានចូលរួមប្រកួត និងហែមកវិញតាមស្ទឹងសៀមរាបយ៉ាងកុះករនោះ ៕ ដោយ៖លីហួ គីមឆាយ
ចែករំលែកព័តមាននេះ