រាជធានីភ្នំពេញ ៖ បុរសបរទេសម្នាក់ សង្ស័យប្រើថ្នាំលើសកម្រិត ឡើងលើដំបូលផ្ទះរួចយកដុំថ្ម ដុំដែកគប់មកក្រោម ផ្អើលអស់កម្លាំងប៉ូលីស នឹង កងរាជអាវុធហត្ថ ។…
រាជធានីភ្នំពេញ ៖ បុរសបរទេសម្នាក់ សង្ស័យប្រើថ្នាំលើសកម្រិត ឡើងលើដំបូលផ្ទះរួចយកដុំថ្ម ដុំដែកគប់មកក្រោម ផ្អើលអស់កម្លាំងប៉ូលីស នឹង កងរាជអាវុធហត្ថ ។
ហេតុការណ៍នេះបង្កមានការភ្ញាក់ផ្អើលនៅវេលាម៉ោង០៥នឹង១៥នាទី ថ្ងៃទី១៣ ខែវិច្ឆិកា ឆ្នាំ២០២៤ នៅចំណុចផ្ទះលេខ២២១E3 ( ជាន់ទី៣ ) តាមបណ្តោតផ្លូវលេខ ព្រះសុីសុវត្ថិ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។
ប្រភពព័ត៍មានពីប្រជាពលរដ្ឋបានអោយដឹងថា មានបុរសបរទេសម្នាក់សង្ស័យប្រើប្រាស់ថ្នាំលើសកម្រិត បានឡើងទៅលើដំបូលផ្ទះរបស់គេ រួចយកដុំថ្ម ដុំឥដ្ឋ ដែកជាដើម គប់សំដៅទៅកាន់ប្រជាពលរដ្ឋ កំពុងនៅខាងក្រោម ។ ទើបភ្លាមៗប្រជាពលរដ្ឋ ប្រញាប់រាយការណ៍ជូនអាជ្ញាធរសង្កាត់ ដើម្បីជួយអន្តរាគមន៍ ។
លោក អ៊ុច សារុំ ចៅសង្កាត់ផ្សារកណ្តាលទី០១ បានអោយដឹងថា បន្ទាប់ពីទទួលដំណឹងមាន ករណីដូច្នេះកើតឡើងលោកបាន ដឹកនាំកម្លាំងគណបញ្ជាការឯកភាពសង្កាត់សហការ កម្លាំងប៉ុស្តិ៏ នឹងអធិការខណ្ឌដូនពេញ , កងរាជអាវុធហត្ថខណ្ឌដូនពេញ រួមជាមួយកងរាជអាវុធហត្ថរាជធានីភ្នំពេញ ទើបបង្ក្រាបបាន ដោយមិនបង្កអោយនរណារងរបួសនោះឡើយ ។
ក្រោយកើតហេតុ ជនបង្កត្រូវបានកងរាជអាវុធហត្ថរាជធានីភ្នំពេញ យកទៅដើម្បីអនុវត្តតាមនិតិវិធីច្បាប់ ៕
ចែករំលែកព័តមាននេះ