រាជធានីភ្នំពេញ ៖ អតីតតារាចម្រៀងអ្នកនាង សូ សុភ័ក្រ បានទម្លាយនូវភាពមួយសន្លឹកនៅលើបណ្តាញសង្គម ក្នុងអំឡុងពេលដែលនាងបានទៅសួរសុខទុក្ខ ទូច ស៊ុនិច នៅឯគេហដ្ឋានរបស់នាងកាលពីអំឡុងឆ្នាំ២០២៤…
រាជធានីភ្នំពេញ ៖ អតីតតារាចម្រៀងអ្នកនាង សូ សុភ័ក្រ បានទម្លាយនូវភាពមួយសន្លឹកនៅលើបណ្តាញសង្គម ក្នុងអំឡុងពេលដែលនាងបានទៅសួរសុខទុក្ខ ទូច ស៊ុនិច នៅឯគេហដ្ឋានរបស់នាងកាលពីអំឡុងឆ្នាំ២០២៤ ។
តាមរយៈរូបភាពមួយសន្លឹកនេះ បានធ្វើអោយមហាជនជាច្រើនបានសម្តែងក្តីអាណិតអាសូរយ៉ាងខ្លាំងទៅកាន់ ទូច ស៊ុននិច ដ្បិតគេបានឃើញសភាពរបស់នាងកំពុងសម្រាកព្យាបាលនៅលើគ្រែអស់ជាច្រើនឆ្នាំ ។ ក្នុងរូបភាពមួយសន្លឹកនេះ អ្នកនាង សូ សុភ័ក្រ មិនបានធ្វើការអធិប្បាយអ្វីច្រើនឡើយ ពោលនាងគ្រាន់តែភ្ជាប់ជាមួយនឹងសំណេរខ្លីថា កាលទៅសួរសុខទុក្ខបងស្រី ទូច ស៊ុននិច ក្នុងឆ្នាំ2004 ។
យ៉ាងណា បន្ទាប់ពីបង្ហោះរូបភាពមួយសន្លឹកនេះ គេឃើញមានអ្នកសិល្បៈ និងមហាជនជាច្រើនបានចូលទៅធ្វើការខំមិន ដោយម្នាក់ៗសម្តែងការនឹករលឹកយ៉ាងខ្លាំងទៅកាន់ ទូច ស៊ុននិច ខណៈពេលអ្នកខ្លះក៏បានសួរនាំពីស្ថានភាពរបស់នាងផងដែរ ។
ជាការឆ្លើយតប អ្នកនាង សូ សុភ័ក្រ បានបញ្ជាក់អះអាងថា រហូតមកទល់នាពេលនេះ ទូច ស៊ុននិច នៅមិនទាន់ដើរបាននៅឡើយទេ ។ ទោះជាយ៉ាងណា រូបអ្នកនាង និងមហាជន ប្រិយមិត្តគាំទ្របានដាក់ក្តីរំពឹងថា ទូច ស៊ុននិច នឹងអាចវិលរកសភាពល្អប្រសើរឡើងវិញ ដោយនៅក្នុងនោះ គេក៏ចង់ឃើញនាងអាចច្រៀងបានឡើងវិញផងដែរ ។
ជាការកត់សម្គាល់ បើទោះបីជាកំពុងសម្រាកព្យាបាលជំងឺនៅឯបរទេសក៏ដោយ ប៉ុន្តែតាមរយៈបណ្តាញសង្គម គេតែងតែឃើញ ទូច ស៊ុននិច តែងតែបង្ហោះសកម្មភាពសម្តែងច្រៀងរាំកាលពីអតីតកាលរបស់នាងជាបន្តបន្ទាប់ ។
ជាមួយនឹងការបង្ហោះរូបភាពចាស់ៗនេះដែរ ទូច ស៊ុននិច ក៏បានបង្ហោះសំណេរសម្តែងពីការនឹករលឹកមកកាន់បងប្អូនប្រជាពលរដ្ឋខ្មែរផងដែរ ។ ជាក់ស្តែង កាលពីពេលកន្លងទៅអតីតតារាចម្រៀងដ៏ល្បីល្បាញនាង ទូច ស៊ុននិច បានបង្ហាញអារម្មណ៍ចង់វិលមកមាតុប្រទេសជាថ្មី នៅក្នុងអំឡុងពេលណាមួយ ក្នុងពេលដែលនាងបាននិងកំពុងសម្រាលព្យាបាលជំងឺនៅនៅក្រៅប្រទេសជាច្រើនឆ្នាំ។
ទូច ស៊ុន ហាក់មានការនឹករលឹកមកដល់ប្រទេសកម្ពុជា ជាពិសេស ខេត្តសៀមរាបដែលមានប្រាសាទអង្គរវត្ត ដែលនាងធ្លាប់មានអនុស្សាវរីយ៍ កាលពីប៉ុន្មានឆ្នាំកន្លងទៅ ដែលនាងបានសម្តែងច្រៀងនៅទីនោះ។
ទូច ស៊ុននិច បានបង្ហោះសារតាមគណនេយ្យហ្វេសប៊ុករបស់ខ្លួនដោយភ្ជាប់ជាមួយរូបថតកាលពីអតីតកាលនៅលើទឹកដីអច្ឆរិយថា រូបថតអនុស្សាវរីយ៍កាលពីឆ្នាំ២០០២ ពេលដែលនាងខ្ញុំទៅសំដែង concert នៅខេត្តសៀមរាប ហើយឆ្លៀតពេល ក្រុមគ្រួសារខ្ញុំមានលោកប៉ាអ្នកម៉ាក់ប្អូនប្រុសនិងនាងខ្ញុំបានទៅទស្សនាកំសាន្តនៅតាមប្រាសាទបុរាណដ៏អច្ឆៈរិយៈ ដែលជាកេរ្ដិ៍តំណែលរបស់បុព្វបុរសខ្មែរយើងបន្សល់ទុកអោយ ។
នាងបញ្ជាក់ថា នាងខ្ញុំស្រលាញ់និងនឹករលឹកទៅដល់ទឹកដីសុវណ្ណភូមិខ្មែរជានិច្ចហើយថ្ងៃណាមួយនាងខ្ញុំនឹងទៅគោរពសក្ការ និងបានដើរទស្សនានៅតាមប្រាសាទបុរាណដ៏អច្ឆៈរិយៈដែលជាកេរ្ដិ៍តំណែលរបស់បុព្វបុរសខ្មែរយើងវិញទៀតជាក់ជាមិនខាន។
រហូតមកទល់ពេលនេះ តារាចម្រៀងនាង ទូច ស៊ុននិច បាននិងកំពុងសម្រាកព្យាបាលជំងឺរបស់នាងនៅទឹកដីអាមេរិក ក្រោយពេលដែលនាងទទួលរងនូវការបាញ់ប្រហារ ។ នាងបានធ្លាក់ខ្លួនពិការសម្រាកតែនៅលើគ្រែក្នុងផ្ទះរបស់នាង ក្នុងទីក្រុង Sacramento នៃរដ្ឋCalifornia សហរដ្ឋអាមេ
រិក ។
នាងកំពុងរស់នៅក្រោមការមើលថែពីឪពុកនាង ដើម្បីជួយធ្វើចលនាខ្លួនប្រាណឲ្យមានសកម្មភាព ដូចជាជួយក្នុងការហាត់ប្រាណដើម្បីឲ្យដំណើរឈាមរត់ស្រូល ៕
ចែករំលែកព័តមាននេះ