សម្តេចតេជោ បង្ហាញទស្សនៈបីចំណុច ដែលលោក ដូណាល់ ត្រាំ ទទួលបានសន្លឹកឆ្នោតពីប្រជាជន
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានបង្ហាញទស្សនៈ ០៣ចំណុច ដែលធ្វើឲ្យលោក…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានបង្ហាញទស្សនៈ ០៣ចំណុច ដែលធ្វើឲ្យលោក ដូណាល់ ត្រាំ ទទួលបានសន្លឹកឆ្នោតពីប្រជាជន ។
យោងតាមបណ្តាញសង្គមហ្វេសប៊ុករបស់សម្តេចតេជោ នៅល្ងាចថ្ងៃទី៦ ខែវិច្ឆិកា ឆ្នាំ២០២៤ បានលើកយ៉ាងដូច្នេះថា «បើទោះបីលទ្ធផលបោះឆ្នោត នៅសហរដ្ឋអាមេរិក មិនទាន់ប្រកាសផ្លូវការ ប៉ុន្តែលទ្ធផលបណ្តោះអាសន្ន បានបង្ហាញលោក ដូណាល់ ត្រាំ បានទទួលជ័យជំនះ លើគូប្រកួតរបស់ខ្លួន នឹងត្រៀមខ្លួនធ្វើជាប្រធានាធិបតីថ្មីរបស់អាមេរិក!» ។
សម្តេចតេជោ បានបញ្ជាក់ថា ៖ ការឈ្នះរបស់លោក ត្រាំ មានមូលហេតុច្រើន តែតាមការកត់សម្គាល់របស់ខ្ញុំ មាន ៣ចំណុច ដែលទទួលបានសន្លឹកឆ្នោតពីប្រជាជន ៖
ទី១ ៖ សង្គមរបស់សហរដ្ឋអាមេរិក មិនទាន់ត្រៀមខ្លួន ដើម្បីយកស្ត្រីធ្វើជាមេដឹកនាំរបស់ខ្លួន បើទោះបីសហរដ្ឋអាមេរិក ជាបិតាប្រជាធិបតេយ្យ ផ្នែកយេនឌ័រ ក៏ដោយ។ ដែលចំណុចនេះ បង្ហាញថា អាមេរិកដើរក្រោយអាស៊ាន ដែលធ្លាប់មាននិងកំពុងមាន មេដឹកនាំជាស្ត្រី ដូចជានៅប្រទេសថៃ ហ្វីលីពីន និងឥណ្ឌូនេស៊ី ។
ទី២ ៖ ទំនងព្រះបានចារមកថា លោក ដូណាល់ ត្រាំ ត្រូវតែប្រកួតប្រជែងជាមួយស្ត្រី។ លើកទី១ ឆ្នាំ២០១៦ លោក ដូណាល់ ត្រាំ ប្រកួតឈ្នះលោកស្រី ហីឡារី គ្លិនតុន។ នៅឆ្នាំ២០២៤នេះ លោកប្រកួតជាមួយស្ត្រីទៀត គឺលោកស្រី ហារីស ហើយទទួលបានជោគជ័យទៀត ។
ទី៣ ៖ មុនការបោះឆ្នោត លោក ដូណាល់ ត្រាំ បានផ្ញើសារជូនពលរដ្ឋអាមេរិក និងជុំវិញពិភពលោក អំពីការស្រឡាញ់សន្តិភាព ស្អប់ខ្ពើមសង្គ្រាម ដែលហៅថា «សន្តិភាពនិយម» ទើបសន្លឹករបស់លោក ត្រាំ ទទួលបានជោគជ័យ ដូច្នេះការឈ្នះរបស់លោក ត្រាំ បង្ហាញពីពលរដ្ឋអាមេរិកស្រឡាញ់សន្តិភាព ជាជាងការធ្វើសង្គ្រាមទាំងស្រុងអ៊ុយក្រែន និងអ៊ីស្រាអែល ៕
ចែករំលែកព័តមាននេះ