ខេត្តសៀមរាប ៖ យុវតីនិស្សិតឆ្នាំទី៤ម្នាក់ត្រូវបានសង្សារចាក់សម្លាប់ចំនួន២៣កាំបិតនៅក្នុងផ្ទះ រួចរត់គេចខ្លួនបាត់ ហើយកំពុងត្រូវបានសមត្ថកិច្ចកំពុងស្រាវជ្រាវ ដែលហេតុការណ៍ករណីឃាតកម្មចាក់សម្លាប់យុវតីម្នាក់នេះ កើតឡើងកាលពីវេលាម៉ោង០៨ព្រឹកថ្ងៃទី០៦ វិច្ឆិកា ឆ្នាំ២០២៤ ស្ថិតនៅចំណុចកើតហេតុតាមបណ្ដោយផ្លូវព្រលានយន្តហោះចាស់ក្នុងភូមិគោកដូង…
ខេត្តសៀមរាប ៖ យុវតីនិស្សិតឆ្នាំទី៤ម្នាក់ត្រូវបានសង្សារចាក់សម្លាប់ចំនួន២៣កាំបិតនៅក្នុងផ្ទះ រួចរត់គេចខ្លួនបាត់ ហើយកំពុងត្រូវបានសមត្ថកិច្ចកំពុងស្រាវជ្រាវ ដែលហេតុការណ៍ករណីឃាតកម្មចាក់សម្លាប់យុវតីម្នាក់នេះ កើតឡើងកាលពីវេលាម៉ោង០៨ព្រឹកថ្ងៃទី០៦ វិច្ឆិកា ឆ្នាំ២០២៤ ស្ថិតនៅចំណុចកើតហេតុតាមបណ្ដោយផ្លូវព្រលានយន្តហោះចាស់ក្នុងភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប ។
បើតាមប្រភពពីសមត្ថកិច្ចបានប្រាប់ថា នារីជនរងគ្រោះឈ្មោះវណ្ណ សុភត្កា អាយុ២៥ឆ្នាំ ជាអ្នកលក់កាហ្វេនៅផ្ទះ និងជានិស្សិតឆ្នាំទី៤ រស់នៅភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប។ ក្រោយកើតហេតុ ជនសង្ស័យបានរត់គេចខ្លួនបាត់ ដោយគេបានសន្និដ្ឋានថា ជនសង្ស័យជាសង្សារជាមួយជនរងគ្រោះខាងលើ ។
បច្ចុប្បន្ន កម្លាំងនគរបាលការិយាល័យជំនាញកំពុងស្រាវជ្រាវស្វែងរកចាប់ខ្លួន ដើម្បីយកមកផ្តន្ទាទោស តាមផ្លូវច្បាប់ ។
មានព័ត៌មានបន្ថែមកោះសន្តិភាពនឹងផ្សាយជូនបន្ត ។
ចែករំលែកព័តមាននេះ