ប៉ូលិសជប៉ុនបានចាប់ខ្លួនបុរស៥៥ឆ្នាំម្នាក់ ពីបទប្រព្រឹត្តអំពើអាសអាភាស ដោយជនជាប់ចោទបានសន្សំទឹកមាត់របស់សិស្សស្រីចំនួន៣នាក់ និងបានថតខ្សែអាត់វីដេអូខណៈពេលពួកនាងកំពុងស្តោះទឹកមាត់ ដើម្បីតម្រូវការផ្លូវភេទ។
លោកថូឈីហ៊ីកូ មីស៊ូណូ ត្រូវបានចាប់ខ្លួននៅទីក្រុងតូក្យូ កាលពីថ្ងៃទី១៣ មិថុនា ដោយសមត្ថកិច្ចប៉ូលិសចោទប្រកាន់ពីបទប្រព្រឹត្តអំពើអាសអាភាសអាចមានទោសខ្ពស់ជាប់ពន្ធនាគាររយៈពេល១ឆ្នាំ និងពិន័យជាប្រាក់ប្រហែលជា១លានយេន ឬជាង១ម៉ឺនដុល្លារអាមេរិក ។
ប៉ូលិសអ្នកនាំពាក្យជប៉ុនបាននិយាយថា ជនជាប់ចោទបានបង្ហាញភាពស្និទ្ធស្នាលជាមួយសិស្សស្រី៣នាក់អាយុរវាងពី៩-១០ឆ្នាំ ក្នុងអំឡុងខែតុលា និងខែធ្នូ ២០១០ នៅតាមដង ផ្លូវ។ ក្រោយមកលោកមីស៊ូណូ បានបោកបញ្ឆោតក្មេងស្រីទាំងនេះថា កំពុងធ្វើការស្រាវជ្រាវលើទឹកមាត់ និងសុំឱ្យស្តោះទឹកមាត់ឱ្យគាត់ពិនិត្យ ។
ប្រភពបន្តថា គេបានថតជាវីដេអូលើក្មេងស្រីខណៈពេលកំពុងស្តោះទឹកមាត់ ដោយបានស្នើឱ្យពួកក្មេងហាមាត់និងថតរូបនៅក្នុងមាត់ និងអណ្តាត ។ គេបានប្រព្រឹត្តរឿងរ៉ាវបែបនេះជាញឹកញាប់ដើម្បីជាតម្រូវការតណ្ហារបស់ខ្លួន ។
នៅក្នុងរបាយការណ៍ពីទីភ្នាក់ងារជប៉ុនដែលយោងលើប្រភពព័ត៌មានក្នុងតំបន់បានឱ្យដឹងថា លោកមីស៊ូណូ បានប្រព្រឹត្តរឿងរ៉ាវដូចគ្នានេះទៅលើក្មេងស្រីបានប្រហែល៤.០០០នាក់ ដោយគេបានសន្សំទឹកមាត់បានប្រហែល៥០០នាក់ក្នុងអំឡុងពេល១៧ឆ្នាំកន្លងទៅទាំងនៅក្នុងទីក្រុងតូក្យូ និងនៅខេត្ត សៃតាម៉ា ។
ប៉ូលិសបានប្រទះឃើញកាស្សែតវីដេអូ ចំនួន២៦ដុំ បានថតរូបក្មេងស្រីច្រើនជាង២០០នាក់នៅក្នុងផ្ទះរបស់គេតាមរយៈការបង្ហើបឱ្យដឹងពីទីភ្នាក់ងារក្យូដូ ។ ទោះជាយ៉ាងណាក៏ដោយ អ្នកនាំពាក្យប៉ូលិសមិនបានបញ្ជាក់ពីរបាយការណ៍របស់កាសែតខាងលើឡើយ ៕
ចែករំលែកព័តមាននេះ