លើកកម្លាំងចុះបង្ក្រាបបទល្មើសនេសាទ កម្ទេចឧបករណ៍ដែលបំ.ផ្លា.ញត្រីធម្មជាតិ
- សៀមរាប
ខេត្តសៀមរាប ៖ នៅថ្ងៃទី២២ ខែតុលា ឆ្នាំ២០២៤ ដែលមានសមាសភាពចូលរួម ដឹកនាំ ដោយលោក ជុំ ចាន់ថេង…
ខេត្តសៀមរាប ៖ នៅថ្ងៃទី២២ ខែតុលា ឆ្នាំ២០២៤ ដែលមានសមាសភាពចូលរួម ដឹកនាំ ដោយលោក ជុំ ចាន់ថេង អភិបាលរងស្រុកសូទ្រនិគម លោក សុខ សុង នាយសង្កាត់រដ្ឋបាលជលផលសូទ្រនិគម នាយករងរដ្ឋបាលស្រុក លោកអនុប្រធានការិយាល័យកសិកម្ម ធនធានធម្មជាតិ និងបរិស្ថានស្រុក ឧទ្យានុរក្សបរិស្ថានតំបន់ប្រើប្រាស់ច្រើនយ៉ាង ស្នាក់ការកំពង់ឃ្លាំង សហគមន៍នេសាទកំពង់ឃ្លាំងចុះប្រតិបត្តិការទប់ស្កាត់ និងបង្ក្រាបបទល្មើសនេសាទខុសច្បាប់ដូចភ្លៀងរលឹមនៅក្នុងដែននេសាទសហគមន៍កំពង់ឃ្លាំង និងដែននេសាទសហគមន៍ថ្នល់ដាច់ ។
លោក ជុំ ចាន់ថេង អភិបាលរងស្រុកសូទ្រនិគមបានប្រាប់តាមទូរស័ព្ទនៅរសៀលថ្ងៃទី២២ ខែតុលា ឆ្នាំ២០២៤នេះថា លោកបានដឹកនាំកម្លាំងចម្រុះនេះបានចុះធ្វើការកាប់បំផ្លាញចោលនូវឧបករណ៍នេសាទខុសច្បាប់នៅនឹងកន្លែងបានចំនួន ៣ករណី ក្នុងនោះមាន៖
១-នេសាទដោយឧបករណ៍ឈ្នក់រួមផ្សំភ្លើងពណ៌សាច់ ឈ្នក់ទំហំបណ្តោយ១៥ម៉ែត្រ ទទឹង១៥ម៉ែត្រ កាប់បង្គោលចោល ១១កន្លែង មានបង្គោលចំនួន ៤៤ដើម ។
២-នេសាទ ប្រើប្រាស់ដោយឧបករណ៍លបលូដែលមានក្រឡាតូចជាង ៣សង្ទីម៉ែត្រមាន ក្បាលលបលូចំនួន ៦គ្រឿង របាំងសាច់អួន ប្រវែង៥០០ម៉ែត្រ ។
ចម្រឹងចំនួន ២០០ដើម ។
៣-នេសាទឧបករណ៍ស្បៃមុង ក្បាលស្បៃមុងចំនួន១០គ្រឿង របាំងសាច់ស្បៃមុង ប្រវែង៨០០ម៉ែត្រ ចម្រឹងចំនួន ៣០០ដើម លែងត្រីចំនួន ២០គីឡូក្រាម ។
ការចុះប្រតិបត្តិការនេះប្រើប្រាស់កាណូតចំនួន២គ្រឿង និងកម្លាំងចំនួន១០នាក់ផងដែរ ៕
ចែករំលែកព័តមាននេះ