ខេត្តបាត់ដំបង ៖ ផឹកស៊ីជុំគ្នា ពេលស្រវឹងរម្លឹករឿងចាស់ ? ផ្ទុះជម្លោះពាក្យសម្ដីជាមួយគ្នា ឈានដល់ប្រើអំពើហិ.ង្សា បណ្ដាឲ្យជនរងគ្រោះម្នាក់ ចូលមន្ទីរពេទ្យ ចំណែកឯជនដៃដល់…
ខេត្តបាត់ដំបង ៖ ផឹកស៊ីជុំគ្នា ពេលស្រវឹងរម្លឹករឿងចាស់ ? ផ្ទុះជម្លោះពាក្យសម្ដីជាមួយគ្នា ឈានដល់ប្រើអំពើហិ.ង្សា បណ្ដាឲ្យជនរងគ្រោះម្នាក់ ចូលមន្ទីរពេទ្យ ចំណែកឯជនដៃដល់ ត្រូវសមត្ថកិច្ចនាំខ្លួនចូលប៉ុស្តិ៍នគរបាល ។
ហេតុការណ៍នេះបានកើតឡើងកាលពីវេលាម៉ោង០៧និង៣០នាទីយប់ថ្ងៃទី១៨ ខែតុលា ឆ្នាំ២០២៤ នៅចំណុចព្រៃរនាមក្រោម ស្ថិតក្នុងក្រុមទី១៤ ភូមិកូនខ្លុង ឃុំព្រៃតូច ស្រុកមោងឫស្សី ខេត្តបាត់ដំបង ។
ជនសង្ស័យ ដែលត្រូវសមត្ថកិច្ចឃាត់ខ្លួនមានឈ្មោះ ពៅ ផលគា ភេទប្រុស អាយុ៣៤ឆ្នាំ រស់នៅភូមិតាតុក១ ឃុំមោង ស្រុកមោងឫស្សី ខេត្តបាត់ដំបង (មានមុខរបរ ស៊ីឈ្នួលឃ្វាលក្របី) និងស្នាក់នៅចំណុចកើតហេតុ ។
រីឯជនរងគ្រោះ មានឈ្មោះ ខយ ចាន់ ភេទប្រុស ភេទប្រុស អាយុ៤៤ឆ្នាំ រស់នៅភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង (ស្នាក់នៅក្រាំងក្របី ចំណុចកើតហេតុ) ។
សមត្ថកិច្ចមូលដ្ឋានប្រាប់ឲ្យដឹងថា ករណីហិ.ង្សាដោយចេតនាមានស្ថានទម្ងន់ទោសនេះ ប្រព្រឹត្តឡើងដោយជនសង្ស័យឈ្មោះ ពៅ ផលគា ប្រដាប់ដោយកូនកាំបិតចុងស្រួច បានធ្វើសកម្មភាពចាក់ទៅលើជនរងគ្រោះបណ្ដាលឱ្យរងរបួសត្រង់ កំភួនដៃស្ដាំ ០២កន្លែង, កំភួនដៃឆ្វេង ០៤កន្លែង, ក្រោមក្លៀកខាងស្ដាំ ០១កន្លែង និងក្រោមក្លៀកខាងឆ្វេង ០១កន្លែង ត្រូវបាននាំយកទៅសង្គ្រោះ នៅមន្ទីរពេទ្យ ។
សមត្ថកិច្ចមូលដ្ឋាន ប្រាប់បន្តថា ក្រោយពីទទួលបានព័ត៌មាននេះ លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំង ចុះទៅធ្វើការឃាត់ខ្លួនជនសង្ស័យខាងលើ និងដកហូតវត្ថុតាង នាំមកធ្វើការសាកសួរ នៅអធិការដ្ឋាននគរបាលស្រុក ។
តាមរយៈការសាកសួររបស់សមត្ថកិច្ច ជនសង្ស័យបានប្រាប់ថា មូលហេតុកើតមានអំពើហិ.ង្សានេះ គឺបណ្តាលមកពីទំនាស់ពាក្យសម្ដីនឹងគ្នា ក្នុងពេលហូបគ្រឿងស្រវឹងជុំគ្នា រួចផ្តើមរំលឹករឿងចាស់ៗ កាលនៅឃ្វាលក្របី ក៏ផ្តើមបង្កើតទៅជារឿងថ្មី តែម្តងទៅ ។
បច្ចប្បន្ន អធិការដ្ឋាននគរបាលស្រុកមោងឫស្សី បានកសាងសំណុំរឿងបញ្ជូនមកអនុវត្តតាមនីតិវិធីច្បាប់ ៕
ចែករំលែកព័តមាននេះ